الدروس
01:40:62 ساعة
21 الدروس
الناي
سد ثقوب الناي | متابعة
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

استخراج الاصوات باليد اليمنى و الثقوب السفلية هو موضوع هذا الدرس , حيث ينبه الاستاذ رضا على أهمية الانتباه لترتيب الاصابع ليتمكن الطالب من استخراج الاصوات بشكل صحيح. يعطي الاستاذ رضا بدير تمارين مهمة عن كيفية .استخدام اليد اليمنى.


رضا بدير:


"لو شلت الثقب الخلفي حيبقى كده ( يعزف الاستاذ رضا التمرين) لو حطيت الثقب الخلفي وسديت كده ( يعزف الاستاذ رضا التمرين ).


لازم ممارسة عشان ميحصلش زهق ، لازم ممرسة وبعدين حتلاقي بعد فترة وجيزة جدا حتلاقي نفسك بتعزف ناي ، هي كده المرحلة الاولانية بس محتاجه شوبة تعب ، بعد كده حتبقى مرحلة ممتازة وحتلاقي نفسك بتعزف على طول ، الجاجة الي بعد كده الثقب الي بعدي ده اهو ، احنا سدينا الثقب الخلفي وعرفنا تفاصيلو الزاي ، الثقب الي بعدي اهو فحعمل كده ، حسدو ( يعزف الاستاذ رضا التمرين).


ولو فتحنا الثقب حيعمل كده ( يعزف الاستاذ رضا التمرين ) اهو ، حتحرك الصباع كده ، طبعا انت وانت بتعزف من اول مره مش حتلاقي كده ، مفيش مشكله دي حاجه جميلة يعني البدايات حاخد الصوت العاليوالواطي اهو (يعزف الاستاذ رضا التمرين) انت حتعزف كده ولما تتمرن عليه حيبقى كده ( يعزف الاستاذ رضا التمرين).


حيبقى نفس الصوت ده ، الثقب الي بعد منو اهو ، يعني بايدي ممسوك الثقب الخلفي ، الي بعدي ، الي بعدي ، برضو كده ، ممكن تمسك الناي من تحت كده مفيش مشكلة ، يعني اي حاجه تريحك وانت بتعزف تعملها ، بس المهم تعزف اهو (يعزف الاستاذ رضا التمرين ) اهم حاجه وانت بتعزف متعملش كده ، يعني خلي في تنسيق في العزف ، الي فوق ينزل والي تحت يطلع بالترتيب يعني ( يعزف الاستاذ رضا التمرين).


وكل مرة تاخد نفس يعني اهو ( يعزف الاستاذ رضا التمرين) ونفس ونفس ، ناخد الحرف الي بعد منو ، اهو اهو ، ونفس التحكم في الصوت بانه مينفسش ،ميبقاش طالع انو في تنفيس ، ومسكة الناي تبقى ساندة كده اهو (يعزف الاستاذ رضا التمرين ) ناخدها ابطأ شوية (يعزف الاستاذ رضا التمرين) ونفس ( يعزف الاستاذ رضا التمرين) لو حبيت تمسك الناي كمسند تاني ممكن تعمل صباعك كده مش حيأثر على حاجة ، نفس المسكة ( يعزف الاستاذ رضا التمرين ) برضو اهي (يعزف الايتاذ رضا التمرين).


يعني مسكنا كده او مسكنا كده هي وحده ، المهم تطلع العزف مزبوط ، المهم احنا دلوقتي خلصنا الدرس الثاني ، حنبدأ نقلكم انو لازم يبقى في تمارين دايما بصفه مستمرة ، عن الدرس التاني ده ال هو عالاربع ثقوب دولة ، الي احنا قلنا عليهم وبصقة مستمرة والترتيب متنسوش ، متنسوش الترتيب بتاع الثلاث ثقوب صاعد ونازل ، ميجيش حد ياخدلي حرف او بالعكس ، مش حتطلع صوت ،يعني لو عملنا كده مش حتطلع اصوات لازم الترتيب طالع ، ونازل ، طالع ونازل. وبكده يبقى الدرس التاني خلص وبنشوفكو ان شاء الله بحلقة قادمة باذن الله."

عن المدرب
رضا بدير
رضا بدير
عازف الناى نشأته كانت فنية فوالده كان يعمل خبيرا كيميائيا ولكنه كان يعشق الموسيقى ويحب سماع الموسيقى ، ورضا بدير منذ طفولته كان موهوبا بالفن والموسيقى فطلب من والده آلة موسيقية يعزف عليها وكانت البداية آلة الفلوت ، وبدأ رضا بدير العزف على هذه الآلة منذ أن كان عمره ثمانية سنوات بمفرده وبدون معلم لأنه كان موهوبا وبعد فترة من الزمن اكتشف رضا من عزفه على آلة الفلوت أن هذه الآلة لاتستطيع أن يخرج منها النغمات الشرقية فهى مقتصرة على خروج النغمات الغربية فقط، فوجد رضا بدير أن الاله المناظرة لاله الفلوت هى آلة الناى فبدأ العزف على آلة الناى مع آلة الفلوت فى وقت واحد ، وأخيرا وجد رضا بدير آلة الناى تكفيه جدا وبدأ مشواره الفنى معها. وقد تأثر رضا بدير بعزف سيد سالم، وحسين فاضل، وسيد أبو شفة ، كما تأثر على وجه الخصوص بالفنان محمود عفت ، وبعد ذلك رأى أخيه محمد بدير أنه لابد وأن يتعلم أصول وقواعد الموسيقى وهذه الآلة فإتجه أخيه الى أساتذة كبار فى مدينة الاسكندرية .

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!