متابعة لتمارين و عزف اشكال مختلفة لمقام الصبا على الناي. و يعطي نصائح عن كيفية التقسيم على مقام الصبا. يعطي الاستاذ رضا لمحة عن فضل الاستاذ محمود عفت في فضله على تطوير و تحديث آلة الناي.

رضا بدير:

"نخش تاني على المقام بشكل تاني (يعزف الاستاذ رضا التمرين ) يعني احنا عملنا بشكل ، كل دي مقامات صبا ،فده شكل تاني ( يعزف الاستاذ رضا التمرين) حقول حاجه عشان التقسيمة ، يعني تشبه تشبه ، حاجه بسيطة للطالب المبتدأ ( يعزف الاستاذ رضا التمرين).

انا بحاول اخلي الطالب يعرف ايه تقسيم دي بقى الي زي التقسيم بالزبط ، بداية تعليم التقسيم ، (يعزف الاستاذ رضا التمرين ) والعازف له مطلق الحرية ، يعمل كده ( يعزف الاستاذ رضا التمرين ) يعني اي شكل يخطر ببالو يعزفه ، يعني مش المقصود تعزف الي انا بعزفه ده بالزبط ، يعني اي حاجة ممكن تخطر فبالك اعزفها بس متبعدش عن السلم ده ، يعني ودنك تبقى سامعه ، والثقوب اهي ، (يعزف الاستاذ رضا التمرين ).

ممكن اعمل كده (يعزف الاستاذ رضا التمرين ) كويس ، وممكن اعمل كده ( يعزف الاستاذ رضا التمرين) وممكن اعمل كده اهو ( يعزف الاستاذ رضا التمرين ).

كل دي اشكال في اداء التقاسيم ، ودي بداية تعليم التقسيم على الناي ، ومن الاشكال دي بقى يبدأ العازف يشكل زي ماني شكلت كده ، الي يطلع في ايدو يعزفه ، ما دام في اطار المسموح للمساحات السوطية ، يبقى ده شيء جميل ، وعايز افكركم طبعا ، من اساتذة الناي في الوطن العربي ، الاستاذ محمود عفت ، وده مكنش عاجبو يعني صوت الناي الموجود في الفترة القديمة ، فسار على المعزوفات القديمة ، وعمل اسلوب في اداء المعزوفات ، جديد ، عجب الناس وعجبني انا شخصيا والاستاذ محمود عفت ده استاذ رحمه الله وان شاء الله كلما بنسمعله حاجه بندعيله ، ونقراله الفاتحه لانه راجل حط بذرة اداء للناي الحديث ، او طريقة واسلوب الناي وقراءة النوتة باسلوب زي الفلوت ، يعني لن ننسى له الابتكار والمنهج الجديد ده ، الي انا تربيت بالتلقين على هداه ، استاذ عفت رحمه الله والى لقاء ان شاء الله في حلقات قادمة ، باذن الله."