يبدأ الاستاذ رضا بتذكير الطلاب بعدم الانتقال الى التمارين اللاحقة قبل التمكن من التمارين السابقة. يبدأ الاستاذ رضا بعزف مقام الحجاز على آلة الناي بشكله الاساسي ثم ينتقل لعزف تنويعات مختلفة. عبد الحميد مشعل هو .الاستاذ الذي نتعرف عليه في هذا الدرس و عن واحدة من اهم اعماله و هي زينة والله يا زينة.

رضا بدير:

"اهلا بيكم ، رضا بدير عازف الناي المصري من اسرة اعزف دوت كوم.

النهاردة قبل ما نتكلم على مقام الحجاز الي حنتكلم عليه عايز اقول حاجه للطلبة ، عايز اقلهم دايما التمرين ، متنسوش التمرين ، تنطو عالتمرين الي بعدو من غير متكونو خلصتو التمرين الي قبليه خليك في التمرين الي انت فيه لحد متخلصه وتتقنه تماما ،تنقل على التمرين الي بعده ، لازم تتقنه تماما ، عشان التمرين الي جاي يبقى سهل ، لكن لو عزفت التمرين الي جاي ولسا القديم ما خدتوش ، مش حينفع ، عامل زي العمارة الي وقفة ومفيش اساس ،انت بتطلع السلالم في الترتيب ، فلازم تطلع السلمة ، والي ورارها والي وراها والي وراها بالترتيب ، والا مش حتقدر تعمل الي بعد كده ، انا تحذير لازم قبل ما اسمعكم مقام الحجاز اقلكم التنويهة دي عشان الطلبه يبقو عارفين ايه الي يحصل ، الي حيحصل انه انت تاخد التمرين تفضل تدرب في جامد جدا ، لحد ما يخلص تاخد الي بعده ، والي بعده عشان تبقى تأسست تماما ، وربنا يوفقكم ان شاء الله ، النهاردة حنبدأ بقى ، مقام الحجاز ، مقام الحجاز الاصبع بتاعتو تبقى كده اهو الاثنين دول يبقو كده مفتوحين ، عكس الي كان قبل كده نطلع ده واعمل كده ، لازم كمان اقلكم قبل ما نعزف ، احنا قلنا انو الصباعين الي فوق دول يبقو سايبين والاصبع الي تحت بدل مهو كده حعزف بده ، اهو ، يعني حيبقى دول كده مقفولين ، ودول الي بيعزفو نبدأ ( يعزف الاستاذ رضا التمرين ) كمان مرة ( يعزف الاستاذ رضا التمرين).

احنا قلنا مقام الحجاز ، حقلكم تنويعه كده تفتكروها ( يعزف الاستاذ رضا التمرين ) يعنى بقى الاذان بالحجاز ، في شيخ بيقول الاذان بالبياتي وشيخ بيقول الاذان بالرصد وشيخ بيقولو بالحجاز ، ده الي بالحجاز ، انا بقول بقول ليه ، لانه ده حاجه بنسمعها كل يوم فمننسهاش يعني ، اعملكو تنويعه تانية (يعزف الاستاذ رضا التمرين).

ده تمرين سلم الحجاز بتنويعات مختلفة حنحاول نعمل شكل برضو تاني ( يعزف الاستاذ رضا التمرين ) ده مقام الحجاز على تنويعات واحنا قلنا الثقوب بتاعته كده كده كده كده كده كده مختلف عن الكرد كان كده ولازم زي مقلنا برضو ملحوظة تخلص المقام الي قبليها او التمرين الي قبلي عشان تبقى قوي في التمرين الي بعده ،عايز اقول كان في عازف ناي اسمو مشعل ، عبد الحميد مشعل ، ده برضو عزف كثير مع الناس القدام ، وله موسيقى مشهورة حدا كان عزفها اسمها ، زينة والله يا زينة دي كانت على نفس مقام الحجاز ، كان بيعمل كده ، (يعزف الاستاذ رضا التمرين ) دي الي هو كان عازفها ، ودي كان حكالي انو سمع واحد بيبيع عجوة في شارع ، او البلح يعني ، وكان بيقول يا عجوة وكده يا عجوة يا عجوة فخد منو الجملة وعملها مزيكا والموسيقى دي كان فيها كلام تقال انها نسبت لعبد الوهاب وبعد كده طلع مشعل وقال دي مزيكتي انا ، حجات يعني ، بس احنا ملناش دعوى بالموضوع ميخصناش بس عبد الحميد مشعل دي تأليفه حسب محنا عارفين وهو عزفها من مقام الحجاز الي انا عزفت بي زي ما عزفت الاذان من مقام الحجاز ، وان شاء الله باذن الله لنا لقاء جديد في حلقات قادمة باذن الله والى اللقاء."