عزف مقام الصبا ذو الطابع الحزين على آلة الناي مع إعطاء تمارين على هذا المقام.

رضا بدير:

"اهلا بيكم ، رضا بدير عازف الناي المصري ، من اسرة اعزف دوت كوم.

النهارده حناخد مقام صبا ، مقام صبا يعني سلم صبا ، يعني مقام حزين شوية ،حنحاول نستخرج صوت جديد عشان خاطر لما بيعزفو الطالب بيحس انو عزف حاجه ، وهو من اسهل ، من اسهل المعزوفات ( يعزف الاستاذ رضا التمرين).

دلوقتي احنا عزفنا ، كنا دايما بنسبت الصوباعين دول، هنا بقى استخدمنا الاصبع ده في الصبا ، وثبتنا التاني ، ننحاول نشوف تاني بعد لفت النظر للملحوظة (يعزف الاستاذ رضا التمرين) التمرين الثاني (يعزف الاستاذ رضا التمرين) الشكل التالت ( يعزف الاستاذ رضا التمرين ) ده الشكل التالت ، من الشكل التالت نبدا نعمل ، انا بعمل اشكال متعددة للعزف ، لكن هم نفس الاصابع ، حنعمل كده ( يعزف الاستاذ رضا التمرين ).

ده الي احنا قلنا هو مقام الصبا بالبيس دي كاتو ، دلوقتي حنقول مقام الصبا بالليجاتو ، الي هو الصوت المتصل ، ومقام الصبا ده ، دايما بيبقى حزين ويعني العازف بيبقى غير الناس العادية ،يعني عازف الناي لو متدايق شوية ،ويخش يعزف شوية ناي ، بيشيلو التعب اللي عنده لو كان متدايق ، لو كان مبسوط برضو ويخش يعزف شوية ، بيلاقي النفسية بتاعتو ارتاحت ، يعني على حسب النفسية ، حيحط هم ،حيلاقي حد ممكن يقعد وحيد ويلاقي نفسه متسلي ، ولو شفنا مش البني ادم برضو الي عنده الحاسه بالناي في بعض الابل وبعض الماشية البسيطة يعني زي الخرفان والمعيز ، يعني لما تيجي تعزف تلاقي الجمل مثلا في المسافات الطويلة الناي بيسرع عنده الوقت ، يعني لما ييجي الجمل يتدايق حتلاقي الحادي الي هو راكب الجمل ، يعزف شوية ناي تلاقي الجمل ينبسط ويمشي وينسى التعب والضجر بتاع السفر فحبيت اقول المعلومة دي بمناسبة انو احنا بنتكلم عن عازف متدايق ويحي يطلع همو في الناي اذا كان مبسوط او غير مبسوط."