يعزف الاستاذ رضا مقام الرست على درجة الدو صعودًا و هبوطًا مع اعطاء امثلة مختلفة على اشكال هذا المقام. الاستاذ سيد ابو شفه هو واحد من الاساتذة الكبار حيث يذكر الاستاذ رضا بعض من اعماله.

رضا بدير:

"اهلا بيكم رضا بدير عازف الناي المصري من اسرة اعزف دوت كوم.

النهاردة حنتكلم وحنعزف عن مقام الرصد ، الرصد الدو حنعمل تنويعات مختلفة ومعزوفات مختلفة ، وسلالم وحنشوف مع بعض ايه الي حيحصل (يعزف الاستاذ رضا التمرين ) ده السلم صاعد ، وهابط اهو ده ( يعزف الاستاذ رضا التمرين ) عايز اقول ، الاصبعين دول ثابتين اهم ده وده ثابتين في سلم الرصد ، مبتحركوش الا اذا كانت حروفها عارضة لكن اذا مفيش يبقى هم بس ، تشكيلة تانية ، تنويعه (يعزف الاستاذ رضا التمرين ).

ده سلم رصد طالع ونازل يعني صعودا وهبوطا ، فحنعمل دلوقتي مقطوعه صغيرة تشبه الاذان ( يعزف الاستاذ رضا التمرين ) نفس المساحه في النفس الثاني وكلها فيها صوت الاذان ، اهو ( يعزف الاستاذ رضا التمرين ) يعني قصدت اني اقول حاجه عشان الطالب يقلدها بيسمعها كتير فيحاول يجبها على الناي او يعزفها ، نبدأ ناخد شكل تاني ( يعزف الاستاذ رضا التمرين ).

ده شكل من الاشكال برضو ، حناخد شكل كمان ثالث ( يعزف الاستاذ رضا التمرين ) شكل ده واخد ايقاع ستة من تمانية الي هو ام تا تو تم تم الي هو بيسموه في الموسيقى الشرقية الدارك ، ايقاع دارك يعني فاحنا ، حبيت اخلي يعني الطالب يعرف ايه الايقاع مع الناي ، نقوله كمان مرة ( يعزف الاستاذ رضا التمرين ) ده بايقاع دارك ، حناخده بقى بايقاع ثلاثة على اربعه الي هم بيسموه الفلز ، (يعزف الاستاذ رضا التمرين ) احنا بناخد اشكال ايقاعية مع المعزوفات ، فاحنا خدنا بشكلين ، شكل دارك وشكل ثلاثة من اربعه فلز ، حنقول برضو تشكيلة بتنويعه جديدة برضو (يعزف الاستاذ رضا التمرين ).

ده مقام الرصد بالتنويعات الي احنا قلناها وعايز برضو افكركم بالعازف العلامة الكبير السيد ابو شفه ده كان بيعزف ناي في فرقة رضا للفنون الشعبية زمان كلنا تعلمنا منه برضو، وله طلبه خدو طريقتو او اداؤه في المعزوفات ، الله يرحمه . ده اتعلمنا منه واستفدنا منو كتير ، ومن الاغاني الي سجلها برضو في اغنية اسمها ماشي في نور الله ماشي غناها شيخ ، حاجه جميلة جدا ، لما نسمعو نعرفو على طول وكان متميز في اداء الاذان ، في سلم الحجاز ، الله يرحمو. 

ونشوفكو ان شاء الله في حلفة قادمة باذن الله."