ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
25 - أغنية نحنا و القمر جيران للسيدة فيروز | متابعة

يتابع الأستاذ وحيد عزف المقطوعة و يشرح كيفية عزف اللحن و ينهي بهذا الدرس عزف لحن المقطوعة على الجيتار.


وحيد ممدوح:


"أهلا بيكو في فيديوهات تعليم الجيتار من اعزف دوت كوم معاكم وحيد ممدوح.


ارجو إن نكون لعبنا احنا والقمر جيران كلحن أكيد واجهنا شوية صعوبات فيه عندنا حلول لبعض المشاكل للناس اللي طلع عندها مشاكل في ناس زاكرو كويس وأمورهم مشيت وماطلعش عندهم مشاكل فيه ناس تانية مازكروش كتير صوابعهم لسه مشدودة محتاجين يمرنوها شوية فإحنا هنعمل تمرين أو اتنين صغيرين خلينا نقول خلينا نسخن قبل ما بتلعب جيتار محتاج تسخن زي ما انت تكون بتركض فمحتاج تسخن تنزل تعمل استريتشينج لعضلاتك استريتشنج لصوابعك تفردهم فالتمارين دي حتساعدنا شوية إحنا السكيل كان بتاعنا الدو ماينر في عندنا نص السكيل تقريبا بيتلعب من البوزيشن ده اللي هي نغمة الدو بالصوباع التالت نغمة الري بالصوباع الأولاني نغمة المي بيمول بالصوباع التاني الفا بالصوباع الرابع والصول بالصوباع الأول خلينا دول نلعبهم مع بعض على بعض (يعزف الاستاذ وحيد التمرين) ونرجعه (يعزف الاستاذ وحيد التمرين).


لو شوفنا إيدي اليمين بضرب نغمة الدو ضرب نازل لتحت دو نغمة الري طالع لفوق مي لتحت فا لفوق صول لتحت فا لفوق مي لتحت ري فوق وبرجع الدو لتحت زي ما ابتديت زي ما خلصت فلازم مانستعجلش فنروح ضاربين نغمتين زي بعض ده هيسهل علينا قدام لما نبتدي نسرع بالعزف هيبتدي إيدينا واخده على الحركة دي فهنعمل دو ري ما فا صول (يعزف الاستاذ وحيد التمرين) هنستمر ع الوضع ده (يعزف الاستاذ وحيد التمرين). 


بحيث إن صوابعنا بتاعت الإيد الشمال تحفظ المكان بتاعها هنا من غير ما أنا اقعد ابص عليها من غير ما اقعد ازق فيها نفس الحكاية إيدنا اليمين تعرف إن أنا بنقل من الوتر ده للوتر ده فتبتدي تطلع أو تنزل باتجاه الأوتار اللي أنا محتاج إني اضربهم دي أكيد ضايقتنا شوية للناس اللي مازكروش كتير (يعزف الاستاذ وحيد التمرين) نتمرن على ده بالشكل ده كده فيه عندنا القفزات عندنا واحدة من الصول للري (يعزف الاستاذ وحيد التمرين) وبالعكس (يعزف الاستاذ وحيد التمرين) لإنه هي إلى حد ما سريعة شوية (يعزف الاستاذ وحيد التمرين) كويس عندنا واحدة هنا (يعزف الاستاذ وحيد التمرين) لا بيمول دو (يعزف الاستاذ وحيد التمرين).


ما بين الخانة الرابعة وما بين الخانة التامنة وعندنا (يعزف الاستاذ وحيد التمرين) دول مهمين جدا لو المشاكل دي قدرنا نحلها معتقدش في مشاكل تانية في المقطوعة ممكن فيه نغمة بنسميها في المزيكا تريولي التريولي عبارة عن تلات نغمات مضروبين في زمن واحد (يقرأ الاستاذ وحيد التمرين قراءة إيقاعية) فعندنا هنا مثلا (يعزف الاستاذ وحيد التمرين) في عندنا تريولي هنا (يعزف الاستاذ وحيد التمرين) وفي زيها (يعزف الاستاذ وحيد التمرين). 


ماعتقدش في الكلام ده فيه مشكلة عرفنا إن في علامة تحويل هنا مهمة جدا كانت من لا بيمول بقيت لا بيكار ونرجع تاني ورجعت تاني هي اتحولت في مكان ما ورجعت تاني لأصلها عشان مانلخبطش ما بين إنه تكون لا بيمول امتى ولا بيكار امتى هي بتيجي في مكان هنحفظها دلوقتي كده بعد فترة هنعرف امتى نحول وامتى مانحولش وليه حولنا وليه ماحولناش علشان يعني مش هتحتاجو المعلومة دي دلوقتي انا يهمني إنه نلعب المقطوعة نكون فرحانين إنه احنا بنلعب المقطوعة طالعة شكلها كويس دي التمارين اللي ممكن نحتاجها في المقطوعة دي الدرس اللي جاي هنتكلم عن الكوردس بتاع المقطوعة دي وده موضوع مهم جدا وارجو إن تكونوا إنتو خلاص لعبتو الكوردس دي علشان النقل بتاعها الدرس الجاي هنفتحه واحنا لاعبين الكوردس واحنا متمرنين ع الكوردس عشان نلعب الكوردس مع بعض. 


اشوفكم الدرس الجاي."


فيديوهات دروس الدورة - تعلم الجيتار 1 مع وحيد ممدوح
1 مقدمة عن الجيتار و أسماء الأوتار Opened 03:38
2 استخدام اليد اليسرى في العزف Opened 04:03
3 التعريف بالكوردات و عزفھا على الجيتار Opened 06:55
4 نصائح عامة و عزف مي ماينور Opened 06:24
5 عزف كورد الري ماينور Opened 06:13
6 سلم الدو Opened 04:44
7 عزف كورد الدو ماجور Opened 04:42
8 تمرين لاستخدام ريشة الجيتار و كورد صول سيفين Opened 05:14
9 عزف أغنية صدقني خلاص للفنان عمرو دياب Opened 06:40
10 عزف أغنية صدقني خلاص للفنان عمرو دياب | متابعة Opened 06:52
11 أغنية صدقني خلاص للفنان عمرو دياب | متابعة Opened 06:07
12 أغنية صدقني خلاص للفنان عمرو دياب | متابعة Opened 06:46
13 أغنية صدقني خلاص للفنان عمرو دياب | متابعة Opened 04:44
14 أغنية صدقني خلاص للفنان عمرو دياب | متابعة Opened 03:43
15 سلم الدو من وضعية مختلفة Opened 04:39
16 سلم الدو من وضعية مختلفة أخرى Opened 05:57
17.1 البار كوردز Opened 04:48
17.2 متابعة البار كوردز Opened 05:47
17.3 متابعة أخرى للبار كوردز Opened 05:42
18 تقنيات متقدمة على الجيتار Opened 05:00
19 الماينور كوردز Opened 06:28
20 كورد لا ماجور Opened 03:53
21 مواضع أخرى للكوردات Opened 04:26
22 أغنية نحنا و القمر جيران للسيدة فيروز Opened 05:03
23 أغنية نحنا و القمر جيران للسيدة فيروز | متابعة Opened 07:06
24 أغنية نحنا و القمر جيران للسيدة فيروز | متابعة Opened 07:22
25 أغنية نحنا و القمر جيران للسيدة فيروز | متابعة Opened 05:23
26 أغنية نحنا و القمر جيران للسيدة فيروز | متابعة Opened 06:40
27 أغنية نحنا و القمر جيران للسيدة فيروز | متابعة Opened 07:04
}