يعرف الأستاذ وحيد بمعنى الكورد و أهميته في عزف القطع الموسيقية. يبدأ وحيد بعزف كورد لا ماينور أو A minor E major و من ثم ينتقل الى الكورد الثاني و هو مي ماجور أو.

وحيد ممدوح:

"أهلا وسهلا بيكم ومعاكم وحيد ممدوح من إعزف دوت كوم.

عندنا شكل تاني من أسكال العزف على الجيتار اللي احنا بنسميه كوردس الكوردات تكوين الكوردات وهي إزاي إتكونت وليه الكورد ده مش حنتكلم فيه في المرحلة دي ممكن مرحلة قدام علشان مانضيعش وقتنا في حاجات نظرية في الوقت الحالي ممكن مانستخدمهاش إنا يهمني إنه إحنا نعرف كوردين أو تلاتة كبداية الكوردات دي اللي احنا بنسمع العازفين ممكن حد بيغني وحد بيلعب ممكن بتلاقيه عامل (يعزف الاستاذ وحيد التمرين).

الطريقة دي من اللعب اللي هي ما يصاحب المطرب أو ما يصاحب الموسيقى دي اسمها الكوردس الكوردس هي عبارة عن مجموعة نغمات بقانون معين ليها طريقة معينة نمسكها إزاي أنا دلوقتي مش هتكلم عنها يهمني إنه إحنا نمسكها ونطلع صوت حلو واحنا بنلعبها أول كورد حيكون إسمه لا ماينر عندنا مسميات إحنا في الموسيقى الكلاسيكية لغايط ما وصلنا للموسيقى المودرن اللي هي إحنا بنعرف إن السلم الموسيقى دو ري مي فا صول لا سي وهما دول حروف اللغة في الموسيقى زي ما بنقول أيه بي سي دي إيه إف جي ألف بيه تيه ثيه في اللغة العربية اللغة الموسيقية دي حروف اللغة بتاعتها دو ري مي فا صول لا سي في المودرن ميوزك طلعو ما يوازي الدو ري مي فا صول لا سي عشان مابيستخدموش المصطلحات دي بيقولو عليها إيه بي سي دي إيه أف جي بس زي ما احنا باديين السلم من دو دو ري مي فا صول لا سي في سلم تاني بيبتدي من أي نغمة إحنا عايزينها في السلم ممكن نبتدي سلم يعني من الري هيبقى ري مي فا صول سي دو ري من المي هتبقى مي فا صول لا سي دو ري مي من الفا فا صول لا سي دو ري مي فا واا لغايط الآخر فهما باديين السلم بتاعهم من اللا لا سي دو ري مي فا صول لا وباديين حرف اللا مسمينه أيه فالسلم عندهم بيبتدي من الأيه فإنت لو عندك ورقة مكتوب فيها نوتة جيتار أو عندك دفتر أو عندك أي حاجه حتلاقيه بيقولك كورد الأيه ماينر الأيه ماينر هو اللي اللا ماينر فإحنا عندنا الإيه هي اللا البي هي السي السي في الليترز يعني الدو الدي يعني الري الإيه يعني مي الإف فا الجي صول فاللا ماينر هو الأيه ماينر شكله على الجيتار عامل كده وده البوزيشن الأول الفريست بوزيشن ماسكين تاني خانة على الوتر الرابع بالصوباع التاني ماسكين تاني خانة على الوتر التالت بالصوباع التالت ماسكين أول خانة على الوتر التاني بالصوباع الأولاني وكل الأوتار الباقية موجودة معانا بس مفتوحة صوت الكورد عامل كده (يعزف الاستاذ وحيد التمرين) حنضغط هنا بحيث إنه نطلع التلات أوتار اللي إحنا ضاغطينهم صوتهم نضيف بالشكل ده (يعزف الاستاذ وحيد التمرين) مش (يعزف الاستاذ وحيد التمرين).

الكورد مش هيطلع كده (يعزف الاستاذ وحيد التمرين) ده طبعا غير مقبول إحنا عايزين نضغط نطلع صوت (يعزف الاستاذ وحيد التمرين) ولو لعبناهم واحدة واحدة (يعزف الاستاذ وحيد التمرين) ولو لعبناه ضربة واحدة (يعزف الاستاذ وحيد التمرين) ولو لعبناه جوه الرتم حيبقى (يعزف الاستاذ وحيد التمرين) ده كورد اللا ماينر أو الأيه ماينر نفس الشكل لو رفعنا كل صوباع على الوتر اللي فوقيه يعني تاني صوباع في تاني خانة على خامس وتر تالت صوباع على تاني خانة على رابع وتر وأول صوباع على أول خانة على تالت وتر ده يبقى إسمه مي ماجور أو مي الكبير لإن اللا ماينر ممكن يتقال عليه بالعربي لا الصغير أو لا الصغير مي ماينر أو باللغة التانية زي ما احنا قولنا الحروف الإنجليزية اللغة التانية اسمه المي ماجور إسمه إيه ماجور هو هو صوته هيبقى عامل كده (يعزف الاستاذ وحيد التمرين) نفس الحكاية عايزين النغمات ترن (يعزف الاستاذ وحيد التمرين).

وعندنا وترين فاضيين تحت ووتر فاضي فوق (يعزف الاستاذ وحيد التمرين) يبقى عندنا اللا ماينر (يعزف الاستاذ وحيد التمرين) عندنا مي ماجور (يعزف الاستاذ وحيد التمرين) نفس شكل الصوابع مجرد إنه واحد على الأوتاراللي فوق وواحد على الأوتار اللي تحت طب إحنا عايزين ننقل فحنعمل (يعزف الاستاذ وحيد التمرين).

كل كورد بنضرب بنعد مرتين وبنضرب بنعد مرتين (يعزف الاستاذ وحيد التمرين) عشان نلحق ننقل من ده لده كمان شوية حيكون عندنا البوزيشن بتاع إيدينا شوية مفعص وشوية صعب علينا هنحاول نسهلها ده أسهل شيء دلوقتي عندنا مهمين جدا دول (يعزف الاستاذ وحيد التمرين) بحيث إنه بعد شوية هيكون عندنا (يعزف الاستاذ وحيد التمرين) عشان لما ننقل مايجيش مايحصلش معانا (يعزف الاستاذ وحيد التمرين).

ونبطأ لإنه احنا عندنا رتم هنكون ماشيين معاه هنحاول نتمرن ع الكلام ده (يعزف الاستاذ وحيد التمرين) دول كوردين مهمين هنحاول نحط في كل فيديو كوردين أو تلاتة كوردس بحيث إن إحنا نتمرن عليهم بالإضافة لتمارين الصوابع عشان بس إيدينا اليمين وإيدينا الشمال تفك شوية علشان نجهز لأول مقطوعة وأنا عارف إنكو كلكو عايزين تجرو وتلعبو كل المقطووعات اللي نفسكو فيها هنحاول إن نعمل ده بأسرع وقت ممكن.

وأشوفكو الدرس اللي جاي عشان نبتدي الشغل الكبير إن شاء الله."