تمارين لزيادة سرعة العزف باستخدام ريشة الجيتار من خلال عزف النوتات الموسيقية على الجيتار. ينتقل بعدها لعزف كورد صول سيفين او G7.

وحيد ممدوح:

"أهلا وسهلا بيكم معاكم وحيد ممدوح من اعزف دوت كوم.

محتاج اعمل اسرع حركة ريشة إيدي شوية من السلم الموسيقى اللي احنا خدناه عايزين نعمل نغمة الدو أول نغمة أهي (يعزف الاستاذ وحيد التمرين) سي فاضي مطلق (يعزف الاستاذ وحيد التمرين) لا (يعزف الاستاذ وحيد التمرين) التلات نغمات دول لا سي دو (يعزف الاستاذ وحيد التمرين).

تاني لا سي دو طبعا زي ما قولنا في أول درس لا سي دو واحدة فوق واحدة تحت (يعزف الاستاذ وحيد التمرين) ضربنا اللا لتحت (يعزف الاستاذ وحيد التمرين) السي ضربناها لفوق (يعزف الاستاذ وحيد التمرين) دو لتحت (يعزف الاستاذ وحيد التمرين) للسرعة عشان تساعدنا في السرعة لإنه لو هضربنه كله كده إيدينا طبعا هتتشنج من هنا هتلاقينا بنعمل كده عادي وهتستهلك مننا وقت بعد شوية مش هنقدر نسرع أكتر من كده لما تكون كده إيدي مستريحة لازم تكون إيدي قد ما اقدر موجودة مستريحة تماما (يعزف الاستاذ وحيد التمرين).

لا سي دو دو سي لا (يعزف الاستاذ وحيد التمرين) هنبتديها بطيء (يعزف الاستاذ وحيد التمرين) وزيها من الصول (يعزف الاستاذ وحيد التمرين) لا سي دو (يعزف الاستاذ وحيد التمرين) دو سي لا (يعزف الاستاذ وحيد التمرين) صول لا سي (يعزف الاستاذ وحيد التمرين) الكلام ده موجود كله على وترين إحنا بنستخدم في الكلام ده كله الوتر التاني والوتر التالت ودول خدناهم طبعا في السلم يعني لو اتمرنا ع السلم كويس وعرفنا كل نغمة مكانها فين وإسمها فين حنسمع الفيديو ده هنعرف احنا بنتكلم على ايه وفين بالظبط فمحتاجين نزاكر الكلام ده بما إننا وصلنا عند الصول خلينا ناخد كورد الصول طبعا لكل نغمة فيه ليها كورد إن كان ماجور إن كان ماينر أو الكوردس المتقدمين شوية عليهم هناخد الكورد بتاع الصول الصول ده للسهولة هناخده صول اسمه صول سيفين ليه سيفين هو إيه السيفين هنتكلم عنه فيما بعد نغمة الصول هي تالت نغمة على سادس وتر بالصوباع التالت (يعزف الاستاذ وحيد التمرين).

تاني نغمة على الصوباع الخامس اسمها سي (يعزف الاستاذ وحيد التمرين) أول نغمة على أول وتر اسمها فا (يعزف الاستاذ وحيد التمرين) والجيتار كله (يعزف الاستاذ وحيد التمرين) الصوت عمل كده (يعزف الاستاذ وحيد التمرين) كل باينة طالعة كل النغمات النغمات وفي كل مرة بأكد على كل ما بنلعب كورد بأكد على المعلومة دي مانشدش أوي مانعصبش إيدينا براحة ممكن في أول مرة مايطلعش براحة ممكن في أول مرة مايطلعش يطلع (يعزف الاستاذ وحيد التمرين).

معلش تاني مرة تالت مرة لغايط ما أوصل للنتيجة دي (يعزف الاستاذ وحيد التمرين) كل النغمات تطلع نضيفة (يعزف الاستاذ وحيد التمرين) مفيش نغمة مكتومة مفيش نغمة بتزن (يعزف الاستاذ وحيد التمرين) ودو (يعزف الاستاذ وحيد التمرين) نحط إيدينا الأول لما نطمن إن إيدنا كلها ثبتت هنا نضرب مانضربش وإيدينا لسه مش محطوطة (يعزف الاستاذ وحيد التمرين).

وزي ما قولنا ممكن بعد الصول ماجور سيفين مايجيش دو وممكن بعد الدو ماجور مايجيش لا اللي حيجي حنشوف إيه الكوردس المطلوب مننا إننا نلعبها هنعملها بقى عندنا مجموعة كوردات بنتكلم في دو ماجور (يعزف الاستاذ وحيد التمرين) لا ماينر (يعزف الاستاذ وحيد التمرين) ري ماينر (يعزف الاستاذ وحيد التمرين) صول ماجور سفين (يعزف الاستاذ وحيد التمرين) دو ماجور (يعزف الاستاذ وحيد التمرين) إيه ماجور (يعزف الاستاذ وحيد التمرين) إيه ماينر (يعزف الاستاذ وحيد التمرين) ولا ماينر (يعزف الاستاذ وحيد التمرين).

تمرين الصوابع لا سي دو وصول لا سي ومجموعة الكوردات دي علشان حنبتدي ندخل في إن نلعب مقطوعة كل اللي احنا عملناه ده مرتبط باللي احنا هنلعبه كمقطوعة لو إحنا مالعبناش لغايط هنا هنيجي في المقططوعة مش عارفين نعمل أي حاجة يبقى لازم نرجع للدرس الأولاني فبأكد ع المعلومة دي إن الدروس اللي إحنا بناخدها الكلام ده مبني فوق بعضيه مش هنقدر ننط نزاكره كويس جدا علشان هنبتدي الدرس اللي جاي نلعب أغنية من الأغاني اللي إنتم بتحبوها. 

مستنيكم الدرس اللي جاي."