عزف سلم الدو من مكان مختلف حيث تختلف وضعية الأصابع و حدة أصوات النوتات من الجيتار ثم يعطي الأستاذ وحيد تمارين لإتقان عزف السلم.
وحيد ممدوح:
"أهلا بيكم في فيديوهات تعليم الجيتار من اعزف دوت كوم معاكم وحيد ممدوح.
الناس اللي متابعانا من الأول عملنا حاجات حلوة المرة اللي فاتت في الفيديوهات اللي فاتت أغنية لعمرو دياب وإن شاء الله تكونو مبسوطين منها وطلعت جميلة وبتلعبوها وصحابكم كلهم مبسوطين وأموركم ماشية خدنا شوية كوردات خدنا شوية تمارين للإيدين عايزين نزود الكوردس وعايزين نزود التكنيك وطريقة اللعب كنا خدنا الدو ماجور سلم الدو ماجور المرة اللي فاتت في البوزيشن الأولاني هو كان عامل (يعزف الاستاذ وحيد التمرين).
دلوقتي من نغمة الدو الأولانية لنغمة الدو اللي هي تامن نغمة دو ري مي فا صول لا سي دو السلم ده السلم ده بنسميه أوكتاف حنحاول ناخد السلم على أوكتافين يعني هنلعبة مرة وكمان مرة بالشكل الحاد بتاعه بس هيتغير عندنا بوزيشن عندنا الصوابع حنبتديه المرة اللي فاتت كنا بنقول إنه حنبتدي الدو من الصوباع التالت على الخانة التالتة حنبتديه بالصوباع التاني على الخانة التالتة نفس المكان بس هنغير شكل الإيد وشكل الصوابع هيبقى عندنا سلم الدو ماجور حيبتدي من الدو اللي طبعا إحنا عارفينها بس حتبقى بالصوباع التاني (يعزف الاستاذ وحيد التمرين).
نغمة الري حتبقى بالصوباع الرابع على نفس الوتر (يعزف الاستاذ وحيد التمرين) المي عارفين مكانها حتبقى بالصوباع الأولاني في تاني خانة (يعزف الاستاذ وحيد التمرين) الفا هتبقى بالصوباع التاني تالت خانة (يعزف الاستاذ وحيد التمرين) على نفس الوتر حيبقى عندنا صول بالصوباع الرابع (يعزف الاستاذ وحيد التمرين) المسافات ابتدت إيدينا توسع شوية الأول كنا بنلعب على نطاق ضيق على تلت خانات دلوقتي بنلعب على أربع خانات محتاجين المسافة دي نستوعبها أكتر نتمرن عليها شوية (يعزف الاستاذ وحيد التمرين).
اللا بالصوباع الأولاني تاني خاحنة (يعزف الاستاذ وحيد التمرين) السي بالصوباع التالت رابع خانة (يعزف الاستاذ وحيد التمرين) نوصل لهنا وننقل بعد كده يبقى عندنا السلم بقى (يعزف الاستاذ وحيد التمرين) لو ملاحظين في السلم ده ماستخدمناش ولا وتر مغلق أو فاضي كل الأوتار مضغوط عليعا بصوابعنا هنعمل تمارين للجزء ده بحيث إنه احنا هنعمل (يعزف الاستاذ وحيد التمرين).
ونعملها زي دايرة مقفولة يعني دو ري مي فا صول فا مي ري دو ري مي فا صول فا مي ري وكده ع البطيء ده والنغمات تبقى كلير وتبقى واضحة ونبقى نضيفة (يعزف الاستاذ وحيد التمرين) نتمرن عليها على قد ما نقدر لغايط ما نوصل لمرحلة إن احنا بنطلع النغمة نضيفة مابتزنش مش مكتومة إيدينا مش متلغبطة هنا ممكن نضرب على وتر غير الوتر وبعدين نعمل السلم طالع ونازل بردو بنغمات بطيئة شوية شوية لغايط ما نوصل لنغمة احنا سامعينها بشكل حلو هيبقى شكله عمل إزاي (يعزف الاستاذ وحيد التمرين) وبالعكس (يعزف الاستاذ وحيد التمرين).
هنعمله لغايط ما نوصل لسرعة مناسبة بس دي محتاجة مش من أول يوم ومش من يومين محتاجة شوية مزاكرة كتير علشان نعرف نلعب بسرعة معقولة ممكن تكون (يعزف الاستاذ وحيد التمرين).
ممكن تكون دي سرعة معقولة ممكن نستغلها في أغنية أو في حاجة مستنيكو تزاكرو الكلام ده ومستنيكو الفيديو اللي جاي."
