يتابع الاستاذ وحيد عزف أغنية صدقني خلاص ويشرح كيفية العزف بشكل بطئ. و يشرح كورد ال فا ماجور سفنث او F major 7th كما يبين الكوردات المستخدمة في عزف الأغنية.
وحيد ممدوح:
"أهلا وسهلا بيكم في فيديوهات تعليم الجيتار معاكم وحيد ممدوح من اعزف دوت كوم عندنا الجملة التالتة من الأغنية (يعزف الاستاذ ممدوح التمرين).
الجملة التالتة من الأغنية عاملة فا بالصباع التالت على الوتر الرابع في تالت خانة (يعزف الاستاذ ممدوح التمرين) اللا بالصباع التاني على الوتر التالت تاني خانة (يعزف الاستاذ ممدوح التمرين) الدو على الوتر التاني بالصباع الأولاني على أول خانة (يعزف الاستاذ ممدوح التمرين).
جملة معترضة يعني عايزين الشكل ده نحفظه لإن ده هنستخدمه طول عمرنا الشكل ده في الجيتار ده شكل مهم جدا من أشكال الكوردس بعد كده هيجيلنا فنهتم بيه إنه يطلع نضيف قد ما نقدر لإنه بعد كده كتير هنستخدمه نكمل الأغنية(يعزف الاستاذ ممدوح التمرين) سي بالوتر التاني مطلق لا (يعزف الاستاذ ممدوح التمرين) بالصباع التاني الوتر التالت الخانة التانية صول فا صول(يعزف الاستاذ ممدوح التمرين).
النغمتين دول هيبقو أسرع من النغمات اللي احنا كنا بنلعبهم بحيث هتبقى (يعزف الاستاذ ممدوح التمرين) وبعدين مي بالصباع التاني على الوتر الرابع الخانة التانية (يعزف الاستاذ ممدوح التمرين) نسمعها على بعض (يعزف الاستاذ ممدوح التمرين) سمعنا الصول فا صول أسرع من التانيين (يعزف الاستاذ ممدوح التمرين) عندنا بقى تلاتة بارتس أول بارت (يعزف الاستاذ ممدوح التمرين) التاني (يعزف الاستاذ ممدوح التمرين) التالت (يعزف الاستاذ ممدوح التمرين) دول حنتمرن عليهم أبطأ حاجه في الدنيا حنقول ملحوظة صغير حول المسكة دي اللي مسكناها اللي قلنا عليها مهمة المسكة دي لو ضربنا الست أوتار (يعزف الاستاذ ممدوح التمرين) هيبقى عندنا كورد اسمه فا ماجور سيلر حنستخدمه في الأغنية دي ممكن نلعبه فا ماجور سيلر هنا (يعزف الاستاذ ممدوح التمرين) أو نمسك وترين هنا بدل وتر بحيث إنهم يبقوا كده (يعزف الاستاذ ممدوح التمرين).
لو المسكة دي هتلاقيها فيها صعوبة شوية ممكن نمسكه دلوقتي (يعزف الاستاذ ممدوح التمرين) بالشكل ده حيكون بالنسبالنا أسهل فمهم جدا التلاتة دول (يعزف الاستاذ ممدوح التمرين).
ونحاول مانستخدمش يعني نحاول على قد ما نقدر إنه مانستخدمس الوتر الأولاني يعني مانضربش الجيتار كله مع بعضيه ممكن نضرب من الوتر الرابع وده أنضف صوت ممكن يطلع (يعزف الاستاذ ممدوح التمرين) أو من الوتر الخامس (يعزف الاستاذ ممدوح التمرين) مش غلط لو ضربنا من الوتر السادس عشان الوتر السادس مكرر هنا اللي هو احنا قولنا هنا أول وتر اسمه مي وسادس وتر اسمه مي مش غلط لو انضربو مع بعض بس الأحلى احنا بنحاول نوصل لمرحلة إنك اللي انت بتسمعه في أغنية أو اللي بتسمعه ع الاستيدج مع مطرب أو اللي بتسمعه هو ده اللي انت تلعبه بقى عندنا مجموعة كوردات خلينا نستعرضهم مهمين جدا ودول حيشكلو معانا كوردات الأغنية دي اللي احنا بنتكلم فيها هنستخدمهم كلهم في أغنية واحدة عندنا لا ماينر(يعزف الاستاذ ممدوح التمرين) عندنا دو ماجور(يعزف الاستاذ ممدوح التمرين) عندنا ري ماينر (يعزف الاستاذ ممدوح التمرين).
عندنا صول ماجور سيفين (يعزف الاستاذ ممدوح التمرين) عندنا مي ماينر(يعزف الاستاذ ممدوح التمرين) عندنا مي ماجور نرجع دو ماجور (يعزف الاستاذ ممدوح التمرين) يهمني إن أنا ألعبهم وننقلهم بطريقة سلسة وبطريقة مريحة لأن بعد شوية لما هنلعب اللحن بتاع الأغنية اللي احنا فيها لو احنا عملنا (يعزف الاستاذ ممدوح التمرين) لو كل واحد ضرب ضربتين حيبقى عندنا (يعزف الاستاذ ممدوح التمرين).
ممكن يكون عندنا جايد بسيط ممكن يكون مفيد ليكو لما نلعب احنا اللا ماينر (يعزف الاستاذ ممدوح التمرين) ري ماينر حنغير شكل الإيد تماما (يعزف الاستاذ ممدوح التمرين) الصول ماجور سيفين هنسيب أول صباع موجود من الري ماينر(يعزف الاستاذ ممدوح التمرين) حنسيبه موجود عندنا وننط بصوابعنا على الوترين اللي فوق اللي هما الخامس والسادس (يعزف الاستاذ ممدوح التمرين) بحيث إن احنا نلعب الصول ماجور عشان مانشلش إيدينا ونبتدي ندور فين نحط إيدنا خلي الصوباع ده صوباع ارتكاز عندنا ثابت معانا في الكورد من الري ماينر للصول ماجور بس هنشيل الصوباعين نحطهم هنا (يعزف الاستاذ ممدوح التمرين).
في الدو ماجور هنغير شكل الإيد (يعزف الاستاذ ممدوح التمرين) فبقى عندنا لا ماينر (يعزف الاستاذ ممدوح التمرين) الأربع كوردات دول زي ما هما بالتتابع ده عايزين نتمرن عليهم لإنهم دول هيكون معانا في الأغنية وكل واحد محتاجين نعده مرتين (يعزف الاستاذ ممدوح التمرين).
من غير ما نلعب رتم ممكن نحتاج رتم وممكن مانحتاجوش ولكن دول هيكونو معانا أساسيين في الأغنية تمرين على التلاتة بارتس بتاع الأغنية بطيء جدا عشان نوصل لنتيجة وعلى الكوردس نقل الكورد مهم جدا بالزمن بتاعه وإنه يطلع صوت زاكرو على قد ما تقدرو حستناكم في الفيديو اللي جاي."
