يبدأ الأستاذ وحيد بالحديث عن أسماء أوتار الجيتار الستة ، و من ثم ينتقل إلى تقنية العزف باستخدام ريشة الجيتار .مع إعطاء تمرين على ذلك.
وحيد ممدوح:
"مساء الخير عليكم معكم وحيد ممدوح من اعزف دوت كوم.
في الفيديوهات اللي جاية إن شاء الله حنتكلم عن الجيتار إزاي نلعب جيتار إزاي نطلع منه صوت حتى لو احنا مبنعرفش نعزف جيتار خالص يعني هنحاول نديكم معلومات مفيدة إن شاء الله تكون ليكم ده شكل الجيتار آخر شكل توصلناله في الجيتار إحنا مش عايزين ندخل في تاريخ الجيتار وإزاي وصلنا للشكل ده عشان إنتو ماتزهقوش ده اخر شكل وصلناله للجيتار الجيتار بيتكون من ستة أوتار أول وتر بنسميه الوتر رقم واحد اللي هو أول وتر من تحت اللي هو ده اللي احنا شايفينه ده عندنا اسمه مي وصوته عامل كده أهو الوتر التاني اسمه سي تالت وتر اسمه صول الرابع ري الخامس لا والسادس مي لما نقول الوتر التالت يعني صول بنعد من تحت ده التالت اللي هو صول معانا الريشة الريشة دي رخيصة ممكن نشتري أي ريشة انت تشوف الريشة اللي بتحبها أنا بحاول استخدمها ماتكونش قاسية أوي ولا تكون خفيفة بحيث إني اقدر اعمل عليها كونترول هنمسكها بالشكل ده في أكتر من مسكة أنا بالنسبالي ممكن امسكها بالشكل ده وحنبتدي نضرب الوتر الأولاني (يعزف الاستاذ ممدوح التمرين).
من غير ما نحط صوابعنا على جسم الجيتار(يعزف الاستاذ ممدوح التمرين) بطيء مش ضروري نجري في الحكاية علشان نقدر نستفيد (يعزف الاستاذ ممدوح التمرين) بعدين هنعملها مرة من فوق لتحت ومرة من تحت لفوق فهتبقى عاملة كده (يعزف الاستاذ ممدوح التمرين) طبعا إحنا في البداية هتلاقينا عملنا ضربنا وترين لازم نركز نبص بعنينا على الوتر اللي احنا هنضربه علشان بعد شوية هنكون بنلعب واحنا باصين لفوق فهتبدي إيدينا تخبط في الأوتار مش عايزين نخبط في الأوتار عايزين الزتر اللي احنا عاوينه هو اللي نلعبه فهنتمرن عليها بطيء (يعزف الاستاذ ممدوح التمرين) ده ع الوتر الأولاني ع الوتر التاني نرجع نتمرن نفس التمرين (يعزف الاستاذ ممدوح التمرين) ع الوتر التالت (يعزف الاستاذ ممدوح التمرين) إلى آخره إلى لما نوصل للست أوتار هنحاول إنه شوية شوية نسرع الأمور شوية شوية لغايط مانوصل لمرحلة كويسة احنا محتاجين الشكل ده من اللعب (يعزف الاستاذ ممدوح التمرين) يكون موجود معانا في كل الأغاني لما بنيجي عايزين نلعب (يعزف الاستاذ ممدوح التمرين) عايزين نوصل لمرحلة إنه يبقى شكلها كده في الآخر (يعزف الاستاذ ممدوح التمرين) وده بنسميه تريمالو في المزيكا ده بالنسبة لإيدي اليمين وأشوفكو الدرس اللي جاي عشان نبتدي الشغل الكبير إن شاء الله."
