في ھذا الدرس يشرح الأستاذ ممدوح استخدام اليد اليسرى في العزف و يعطي تمارين مھمة في العزف باستخدام اليد اليسرى.
وحيد ممدوح:
"أهلا وسهلا بيكو في الدرس التاني من آلة الجيتار ومعاكم وحيد ممدوح من اعزف دوت كوم.
بالنسبة للإيد الشمال في الأول احنا عندنا شايفين الجيتار متقسم خانات بنسميها الفريتس دي كل خانة من دول ليها اسم لو الوتر ده مي أول نغمة عندنا اسمها فا بالصوباع الأولاني بنحط صوباعنا إلى حد ما زاوية قائمة تسعين درجة لإنه مش عايزين نحط كده فيطلع معانا الصوت ده فهنبتدي نضغط اكتر نبتدي نضغط اكتر فهيبتدو صوابعنا يوجعونا يعني فبراحة هنحط صوابعنا براحة ونضرب نفس التمرين حنلعبه ضربة تحت أوضربة فوق (يعزف الاستاذ ممدوح التمرين).
اربع مرات واللي بعديها اربع مرات (يعزف الاستاذ ممدوح التمرين) واللي بعديها (يعزف الاستاذ ممدوح التمرين) انتو شايفين إن انا سيبت صوابعي موجودة يعني ماشلتش صوابعي يعني ماعملتش (يعزف الاستاذ ممدوح التمرين) خليهم موجودين بحيث إن أنا صوابعي ياخدو شكل الجيتار شوية بشوية نتمرن علشان صوابعنا أول ما نحطها ع الجيتار ينزلو في أماكنهم حناخد تمرين تاني ده تمرين مهم جدا بدايتنا هتكون فيه ده هنعمله على الست أوتار صعودا ونزولا يعني لو ابتدينا من هنا (يعزف الاستاذ ممدوح التمرين).
لو شايفين شكل إيدي جاية وكأنها تسعين درجة مش كده مش هيطلع معايا صوت نضيف يهمني جدا إنه نطلع أحلى صوت من الجيتار فيه ناس بتلعب فمش فاهمين هما بيعملو إيه (يعزف الاستاذ ممدوح التمرين) ع اللي تحته (يعزف الاستاذ ممدوح التمرين) اللي تحته (يعزف الاستاذ ممدوح التمرين) لغايط ما نوصل للوتر الأولاني وبنرجع تاني بنطلعهم (يعزف الاستاذ ممدوح التمرين) اللي بعده (يعزف الاستاذ ممدوح التمرين).
دول تمرينين حنستخدمهم إن شاء الله في أول مقطوعة هنحاول نتمرن عليها مع بعضينا محتاجين ننقل صوابعنا من مكان لمكان هنعمل الصوباع الأولاني (يعزف الاستاذ ممدوح التمرين) والصوباع التالت ع الخانة التالتة (يعزف الاستاذ ممدوح التمرين) نرجع بالصوباع التالت ع الخانة الخامسة (يعزف الاستاذ ممدوح التمرين) هيبقو عاملين كده (يعزف الاستاذ ممدوح التمرين) ع الوتر اللي بعده (يعزف الاستاذ ممدوح التمرين)ع الوتر اللي بعده (يعزف الاستاذ ممدوح التمرين).
لغايط ما نخلص الست أوتار قد مانقدر نتمرن حيكون مفيد بالنسبالنا علشان لما نيجي نلعب مقطوعة مانواجهش مشاكل إزاي ممكن نحرك إيدينا وإزاي صوابعنا ممكن تنط من مكان لمكان وفي نفس الوقت بنطلع صوت نضيف مش مهم نلعب المقطوعة قد ماهو مهم إنه نطلع من المقطوعة دي صوت نضيف وأشوفكم الدرس اللي جاي عشان نبتدي الشغل الكبير إن شاء الله."
