يتطرق الأستاذ ممدوح الى الحديث عن كورد الري ماينور و كيفية عزفه و من ثم يعطي تمرين آخر على العزف باستخدام الريشة.
وحيد ممدوح:
"أهلا وسهلا بيكم معاكم وحيد ممدوح من اعزف دوت كوم.
محتاجين كمان كورد من الكوردات الأساسية عندنا الكورد ده هو الري ماينر أو الدي ماينر أول صوباع على أول خانة من تحت على نغمة الفا وتاني صوباع على تالت وتر في تاني خانة على نغمة اللا وتالت صوباع على تالت نغمة في الوتر التاني اللي هي الري حيبقى عندنا التلات أوتار اللي تحت (يعزف الاستاذ وحيد التمرين) هنشارك معاهم الوترين اللي موجودين فوق اللي هو الوتر الرابع والخامس (يعزف الاستاذ وحيد التمرين).
بس هنلغي الوتر السادس ده مش موجود في الكورد ده إحنا الكوردات اللي خدناها كنا بنضرب على الست أوتار في الكورد ده هنضرب على الخمس أوتار بس (يعزف الاستاذ وحيد التمرين) الوتر السادس ده مش موجود معانا نحاول إنه مانضربوش أو لازم إنه مانضربوش الحقيقة في المرحلة دي ع الأقل (يعزف الاستاذ وحيد التمرين) في ناس بيستسهلو وبيغيرو بدل الصوباع التالت بيلعبوه بالصوباع الرابع بحيث إنه يستخدمو الصوباع ده بعد كده ممكن يستخدموه في أي استخدام تاني ممكمن يبقى بالتلات صوابع دول الصوباع الأول التاني الرابع بحيث إنه يبقى كده (يعزف الاستاذ وحيد التمرين).
مهم جدا الصوت لإنه احنا حنبتدي نلعب شكل إيدينا بالنسبالنا أول مرة هنعمل كده فهتلاقي الواحد اللي عمل إيده كده واللي عمل كده طبعا أنا مش عايز اقل حاجه شكلنا هيكون حلو واحنا قاعدين ماسكين الجيتار ريلاكس مانشدش أعصابنا مانتنشنش لازم إيدي تكون قد ما اقدر تكون مرخية ماتكونش مشدودة لأن بعد كده عايز احركها بسرعة معينة لو كانت مشدودة مش هقدر اوصل للسرعة اللي أنا عايزها (يعزف الاستاذ وحيد التمرين) فهنطلع صوت نضيف بردو وبطيء فعندنا بقى لا ماينر أو أيه ماينر (يعزف الاستاذ وحيد التمرين) مي ماجور أو إيه ماجور (يعزف الاستاذ وحيد التمرين) إيه ماينر أو مي ماينر (يعزف الاستاذ وحيد التمرين).
دي ماينر أو ري ماينر هنعملهم دايرة كده نلفهم مع بعض (يعزف الاستاذ وحيد التمرين) عايزين نتمرن عليهم قد ما نقدر نطلعهم بشكل نضيف بعد شوية هنحتاجهم أكتر من إنه نلعب أغنية نطلعها باللحن نلعب اللحن المصاحبة الجيتار آلة مصاحبة أكتر من إنها هي آلة بتقول غنا مش كمانجة يعني حياخد مننا فترة وحياخد مننا تمرين وهنتعب وإيدينا هتتعب معلش أول ما إيدينا تتعب نريحها شوية ونرجع نتمرن لإنه بعد كده هنكون محتاجين أوي لحكاية الكوردس دي عايزين نعمل تمرين تاني نمشي بيه صوابعنا ونمشي بيه الريشه هنعمل ناخد من هنا تالت خانة نغمة صول (يعزف الاستاذ وحيد التمرين) الصوباع الرابع على الخانة نمرة ستة (يعزف الاستاذ وحيد التمرين).
الوتر التاني هو هو نفس الوتر بالصوباع التاني على الخانة نمرة اربعة (يعزف الاستاذ وحيد التمرين) على نفس الوتر الصوباع الأولاني الخانة نمرة تلاتة (يعزف الاستاذ وحيد التمرين) ع الوتر التالت على الخانة نمرة خمسة بالصوباع التالت (يعزف الاستاذ وحيد التمرين) هيبقو عاملين كده (يعزف الاستاذ وحيد التمرين) تاني (يعزف الاستاذ وحيد التمرين) هنعمله بشكل صاعد (يعزف الاستاذ وحيد التمرين) وبشكل نازل (يعزف الاستاذ وحيد التمرين).
مهم نطلع الكلام ده بصوت نضيف مانعملش (يعزف الاستاذ وحيد التمرين) كده أنا مش سامع مزيكا حنضحك على بعض هنتمرن عليهم كويس بصوت نضيف (يعزف الاستاذ وحيد التمرين).
نحاول إنه نبص هنا الأول نحط صوباعنا نبص هنا حنضرب فين لإنه طبعا هنعمل كده هنحط صوباعنا على الوتر التاني أوكيه بس هتلاقينا لعبنا ع الوتر التالت طبعا ماطلعناش النتجة اللي احنا عاوزينها أو صوباعنا إيدينا طلعت زيادة إيدنا طلعت بعد شوية لما نتمرن أول درس و تاني درس إيدينا هتبتدي تحفظ فين الوتر قد إيه المسافة ما بين الوتر الأولاني الوتر التاني لو عايز أنط من الوتر الأولاني للوتر الخامس الوتر السادس إيدي هتحفظ المسافة محتاجة شوية مننا جهد يعني نتعب على نفسنا قد كده لغايط ما نوصل لمرحلة إنه (يعزف الاستاذ وحيد التمرين).
مفيش نغمة واقفة أو مفيش نغمة مكتومة تطلع إنه لو هنلعب حاجة بسرعة عمرها ما هتطلع وفي نغمة عاملة كده (يعزف الاستاذ وحيد التمرين) النغمات طالعة كلها نضيفة مفيش احدة لا مكتومة ولا بتزن ولا ولا ولا ولا نتمرن على ده وأشوفكم الدرس اللي جاي."
