عزف سلم الدو من مكان مختلف حيث تختلف وضعية الأصابع و حدة أصوات النوتات من الجيتار ثم يعطي الأستاذ وحيد تمارين لإتقان عزف السلم.
وحيد ممدوح:
"أهلا بيكم في فيديوهات تعليم الجيتار من اعزف دوت كوم معاكم وحيد ممدوح.
بعد ما نلعب دو ري مي فا صول لا سي عايزين دو الجديدة الدو الجديدة هي هنا بدل ما نلعبها بالصوباع الرابع اللي هو على خامس خانة على الوتر التالت دو ري مي فا صول لا سي احنا ممكن نلعبها دو بالشكل ده دو لو احنا عاوزين أوكتاف واحد ممكن نلعبها بالصوباع ده بحيث إنه يبقى عندنا (يعزف الاستاذ وحيد التمرين) لو عايزين نكمل يبقى لازم نجهز إيدينا لبوزيشن جديد فحنغير بوزيشن إيدينا (يعزف الاستاذ وحيد التمرين).
بعد الصوباع التالت حنروح بالصوباع الأولاني نلعب الدو بحيث إن يكون صوابعنا التلاتة اللي فاضلين موجودين قدامنا لو احتاجنا نغمات حيبقى عندنا النقلة دي مهمة جدا إنه تتنقل في مكانها وبردو صوت نضيف (يعزف الاستاذ وحيد التمرين) نكمل الري بالصوباع التالت على الخانة السابعة مي بالصوباع الأولاني على الخانة الخامسة على الوتر التاني الفا جنبها علطول بالصوباع التاني على نفس الوتر صول بالصوباع الرابع في الخانة تمانية لا بالصوباع الأولاني ع الخانة خامسة سي بالصوباع التالت على الخانة سابعة ودو بالصوباع الرابع على الخانة تمانية نشوف دول عاملين إزاي من الأوكتاف التاني نبتدي (يعزف الاستاذ وحيد التمرين).
نرجعه نفس الصوابع بنفس الخانات (يعزف الاستاذ وحيد التمرين) طب لو عايزين ننزل للأوكتاف الأولاني اللي احنا كنا خدناه حنزلق إيدينا ونحط صوباعنا مكان ما انتهينا واحنا طالعين حيبقى عندنا الدو هنا السي بالصوباع ده على نفس الوتر زي ما عملنا واحنا طالعين كانت السي هنا زحلقنا إيدينا ووصلنا للدو هي هي بس بالعكس هنرجع (يعزف الاستاذ وحيد التمرين).
نلعبه مرة كاملة كده على بعض (يعزف الاستاذ وحيد التمرين) ننزل (يعزف الاستاذ وحيد التمرين) كده السلم الموسيقى على أوكتافين زي ما انتو شوفتم ماستخدمناش ولا وتر فاضي مع إنه كان ممكن نستخدم بس للسهولة وللسرعة لما نحفظ أماكن صوابعنا بتطلع أو بتنزل بالشكل ده ع الجيتار (يعزف الاستاذ وحيد التمرين) هتسهل علينا كتير حاجات جاية قدام محتاجين نزاكر ده بطيء جدا عشان يطلع معانا بنغماته بالتمبو بتاعه بالإيقاع بتاعه يكون كويس محتاجين نوسع الفتحة بتاعت صوابعنا دي تكون من غير تنشن من غير عصبية ع الجيتار دي نغمة اللا لسه قولناها دلوقتي ودي نغمة الدو قولناها دلوقتي هنعمل تمرين طالع ونازل أو صاعد أوهابط نفس الحكاية ما بين الصوباع الأولاني والرابع (يعزف الاستاذ وحيد التمرين) على كل الأوتار (يعزف الاستاذ وحيد التمرين) وبالعكس (يعزف الاستاذ وحيد التمرين).
بحيث إنه نستغلهم نوسع إيدينا بعد شوية ممكن تبقى المسافة أكبر من كده الحقيقة ده بالنسبة للعزف لو هنعزف لحن هنتمرن على دول ناخدلهم كوردس المرة الجاية كوردات حيبقى عندنا حصيلة كوردات كويسة عشان نفتح ونبتدي في أغنية تانية وتكونو انتو بتحبوها أو أي صولو أو أي لحن تكونو انتو بتحبوه ونشتغله مع بعضينا مستنيكو تزاكرو الكلام ده.
ومستنيكو الفيديو اللي جاي."
