عزف نوتات سلم الدو على الجيتار مع شرح تفصيلي لمعنى مصطلح السلم الموسيقي حيث يقوم بعزف سلم الدو صعودًا و ھبوطًا.
وحيد ممدوح:
"أهلا وسهلا بيكم معاكم وحيد ممدوح من اعزف دوت كوم.
الدرس ده حناخد فيه السلم الموسيقي الأساسي من الوزيشن الأولاني زي ما احنا قولنا في الدرس الأولاني السلم الموسيقي هو عبارة عن دو ري مي فا صول لا سي في ناس بيقولولي بتقولو دايما في الدروس بتاعتكم إن المزيكا سبع حروف بس إحنا بنشوف البيانو قد كده مليان حروف جاية منين الحروف دي هي فعلا السلم الموسيقى سبع نغمات وبيتكررو إلى لو طالعين لناحية اليمين في البيانو تبقى الناحية الحادة النغمات هي هي بس أحد شوية ولو رايحين لناحية الشمال بتبقى لو منخفضة أكتر من الموجود لو احنا عملنا دو ري مي فا صول لا سي دو ري مي فا صول لا سي دو ري مي فا صول لا سي بنكمل كده ولو نازلين هتبقى دو سي لا صول فا مي ري دو سي لا صول فا مي ري دو سي لا صول فا مي ري إلى آخره هناخد السلم الموسيقي إزاي بيتلعب على الجيتار دايما بنسمع الناس بتقول دو ري مي فا صول لا سي طب بيتلعبو إزاي شكلهم عامل إزاي في السمع البوزيشن الأساسي عندنا بتالت صوباع على خامس وتر على تالت خانة عامل كده (يعزف الاستاذ وحيد التمرين).
دي نغمة الدو الأساسية أو الوسطى في المزيكا بالنسبالنا في الجيتار (يعزف الاستاذ وحيد التمرين) نغمة الري هو عبارة عن الوتر الفاضي احنا قولنا اسم الوتر ده قبل كده إنه وهو فاضي اسمه ري (يعزف الاستاذ وحيد التمرين) فبقى عندنا دو ري (يعزف الاستاذ وحيد التمرين).
نغمة المي قولناها في الكوردس قبل كده تاني خانة بتاني صوباع (يعزف الاستاذ وحيد التمرين) نغمة الفا جنبها علطول بتالت صوباع (يعزف الاستاذ وحيد التمرين) فبقى عندنا (يعزف الاستاذ وحيد التمرين) الوتر التالت من تحت طبعا اسمه صول وهو مطلق فاضي (يعزف الاستاذ وحيد التمرين) واحنا قولناه قبل كده بردو في أسمار الأوتار (يعزف الاستاذ وحيد التمرين) صول وتر مطلق لوحده على نفس وتر الصول هنلعب نغمة اللا وهي في تاني خانة بالصوباع التاني (يعزف الاستاذ وحيد التمرين) السي وهي وتر فاضي (يعزف الاستاذ وحيد التمرين).
اللي هو تاني وتر والدو أول خانة بأول صوباع على نفس وتر السي (يعزف الاستاذ وحيد التمرين) فبقى عندنا كده (يعزف الاستاذ وحيد التمرين) عايزين نرجعه (يعزف الاستاذ وحيد التمرين).
إيه المشاكل اللي هتواجهنا اللي هنحاول إحنا نتغلب عليها أول حاجة بنحط صوباعنا أحيانا على الوتر التاني وبنروح ضاربين الوتر التالت إحنا ما دام حطينا صوباعنا ع الوتر التاني يبقى لازم نضرب الوتر التاني لازم ناخد بالنا مانحاولش نعمل الجيتار كده عشان نبص يعني قد ما نقدر في البدايات واحنا بنتمرن إنه بس نحاول شوية شوية نحط الصوباع الأولاني ع الوتر التاني نشوف فين الوتر التاني الوتر التاني هنا نضربه (يعزف الاستاذ وحيد التمرين) مش هنستعجل بعد كده هنعمله فاضي هو نفس الوتر (يعزف الاستاذ وحيد التمرين) سي بعد كده اللا (يعزف الاستاذ وحيد التمرين) الصول الوتر التالت فاضي (يعزف الاستاذ وحيد التمرين) الوتر الرابع تالت خانة (يعزف الاستاذ وحيد التمرين) فا نفس الوتر تاني خانة مي (يعزف الاستاذ وحيد التمرين).
نفس الوت فاضي ري (يعزف الاستاذ وحيد التمرين) الوتر الخامس دو (يعزف الاستاذ وحيد التمرين) حنتمرن عليه بالشكل ده (يعزف الاستاذ وحيد التمرين) نازلين (يعزف الاستاذ وحيد التمرين) ده سلم الدو ماجور أو دو الكبير نزاكره كويس جدا. واشوفكم الدرس اللي جاي."
