يتحدث الاستاذ وحيد في بداية الدرس عن مصطلح المازورة Bar و معناه في الموسيقى و ينهي عزف كوردات هذه الاغنية. ينهي الاستاذ وحيد ممدوح هذه الدورة مع امل اللقاء في الدورات القادمة.
وحيد ممدوح:
"أهلا بيكم في سلسلة فيديوهات تعليم الجيتار من اعزف دوت كوم معاكم وحيد ممدوح.
أنا الحقيقة مستني تقولولي إنكو لعبتنو إحنا والقمر جيران كميلودي ومستني إن تكونو الكوردس اتزاكرت بحيث إن احنا نحط الكوردس بس في أماكنها وكده المقطوعة تكون تمام وتكونو مبسوطين و فرحانين إنكم إنتو لعبتو المقطوعة دي إحنا عندنا لفظ بنستخدمه في المزيكا بيقولو عليه مازورة أو في المودرن ميوزك بيسموه بار البار ده بيتغير من أغنية لأغنية حسب نوع العد اللي جوه الأغنية إحنا الأغنية دي الزمن بتاعها رباعي زي ما انتو شايفين كنا بنعد وان تو ثري فور فالزمن بتاعها رباعي فالمازورة عبارة عن اربع ضربات أو البار عبارة عن اربع ضربات الكوردس حنشوف الكوردس بيتغير هنعده تبع البار يعني لو احنا قولنا الكورد ده هيتلعب في بار واحد بار واحد يعني هنلعبه في أربع ضربات لو هيتلعب على بارين هيبقى اربعة واربعة يبقى تمان ضربات لو احنا قولنا هنلعب بار البار عامل كده أو مازورة المازورة الواحدة عاملة كده (يعزف الاستاذ وحيد التمرين) المازورة التانية (يعزف الاستاذ وحيد التمرين) المازورة التالتة (يعزف الاستاذ وحيد التمرين) المازورة الرابعة (يعزف الاستاذ وحيد التمرين).
دول أربع موازير أربع موازير بستاشر عدة كل اربعة موجودين في بار أو في مازورة فخلينا نشوف الكوردس حتنزل فين في الأغنية بتاعتنا وكل بار أو كل كورد حياخد كام بار حنبتدي إحنا عرفنا إنه إحنا هنبتدي دو ماينر دو دخول الأغنية (يعزف الاستاذ وحيد التمرين) دول تلاتة بار خلصو هنروح للإف ماينر أو الفا ماينر (يعزف الاستاذ وحيد التمرين) بار واحد مازورة واحدة (يعزف الاستاذ وحيد التمرين) سي بيمول ماجور (يعزف الاستاذ وحيد التمرين) بار احد أو مازورة واحدة (يعزف الاستاذ وحيد التمرين) مي بيمول (يعزف الاستاذ وحيد التمرين).
بار واحد أو مازورة واحدة أربع عدات لا بيمول (يعزف الاستاذ وحيد التمرين) بار واحد أو مازورة واحدة (يعزف الاستاذ وحيد التمرين) بار واحد على الجي ماجور أو مازورة واحدة والكلام ده حيتعاد مرتين هنشوف نعدهم الأول ثري فور (يعزف الاستاذ وحيد التمرين) تاني من الأول (يعزف الاستاذ وحيد التمرين).
هنا مابنروحش للجي ماجور في المرة التانية في الإعادة ما بنروحش للجي ماجور بننزل للدو ماينر (يعزف الاستاذ وحيد التمرين) ده البلوك الأولاني البارت اللي بعده دو ماينر (يعزف الاستاذ وحيد التمرين) وان بار اللي هما اربع عدات يعني (يعزف الاستاذ وحيد التمرين) لا بيمول ماجور(يعزف الاستاذ وحيد التمرين).
مازورة واحدة مازورة دو ماينر مازورة لا بيمول ماجور (يعزف الاستاذ وحيد التمرين) سي بيمول ماجور عندنا سي بيمول ماجور هنا مع إن في أول المقطوعة كان عندنا سي بيمول ماجور ده (يعزف الاستاذ وحيد التمرين) هو هو بس بما إنه احنا ماسكين دلوقتي اللا بيمول ماجور بالشكل ده (يعزف الاستاذ وحيد التمرين) أسهل بدل ما ننط النطة دي إنه احنا بس نزحلق إيدينا نوصل للسي بيمول ماجور ده (يعزف الاستاذ وحيد التمرين).
فإحنا عندنا مازورة دو ماينر (يعزف الاستاذ وحيد التمرين) لا بيمول ماجور (يعزف الاستاذ وحيد التمرين) مازورة سي بيمول ماجور (يعزف الاستاذ وحيد التمرين) مازورة لا بيمول ماجور (يعزف الاستاذ وحيد التمرين) مازورة جي ماجور أو صول ماجور بيتعادو مرة تانية (يعزف الاستاذ وحيد التمرين).
من هنا بيتلعب مازورة سي بيمول ماجور (يعزف الاستاذ وحيد التمرين) ومازورة صول ماجور (يعزف الاستاذ وحيد التمرين) نرجع من الأول لو حبيت تلعب الكوردس مش بطريقة العد إنه في كل مرة بتضرب وان الكورد عايزين نلعب شوية إحنا ممكن نلعب بطريقة سهلة إنه العد الأربعة اللي هي المازورة الواحدة إنه ننزل ع الأوتار نغمة نغمة بحيث إنه إحنا بدل ما نعمل (يعزف الاستاذ وحيد التمرين).
قاعدين بنعمل كده إحنا ممكن نعمل (يعزف الاستاذ وحيد التمرين) الفور بتاعتنا دايما ممكن يكونو وترين بينضربو مع بعض ممكن يكونو تلات أوتار اللي هما آخر الكورد لو إحنا باديين من خامس وتر على أساس إنه هنلعب كورد الدو ماينر (يعزف الاستاذ وحيد التمرين).
ده إنت حابب إنك تعمل الشكل ده حابب تعمل الشكل ده ودي كلها أشكال متعلقة بالأغاني السلو أو الرومانسية أو الأغاني العاطفية اللي هي هادية رومانسية مش محتاجة دوشة كتير مش محتاجة رتم فإن شاء الله تكونو استفادتو في الكورس ده وحابب إني أشوفكو إن شاء الله في الكورس الجاي.
شكرا ليكو."
