عزف كورد الدو ماجورعلى الجيتار مع شرح نوتات المستخدمة في عزف ھذا الكورد و يعطي الأستاذ وحيد تمرين يساعد في عزف ھذا الكورد. ينوه الاستاذ وحيد على أھمية استخراج صوت واضح من الكوردات كما ينصح الطالب .بعدم الانتقال للدروس القادمة قبل إتقان الدروس السابقة.
وحيد ممدوح:
"أهلا وسهلا بيكم معاكم وحيد ممدوح من اعزف دوت كوم عندنا عشان نكمل بس النغمات مادام وصلنا لغايط الدو هنا (يعزف الاستاذ ممدوح التمرين) إحنا قولنا إن السلم بيتكرر فلو اتكرر عندنا وصلنا لنغمة الدو (يعزف الاستاذ ممدوح التمرين) نغمة الري بالصوباع التالت على نفس الوتر اللي هو التاني (يعزف الاستاذ ممدوح التمرين).
نغمة المي احنا قولنا إن الوتر الفرست سترينج اللي هو أول وتر مي هو اسمه مي (يعزف الاستاذ ممدوح التمرين) أو ل نغمه على نفس الوتر (يعزف الاستاذ ممدوح التمرين).
فا وبالصوباع التالت صول (يعزف الاستاذ ممدوح التمرين) فبقى عندنا هنا في سلم جديد (يعزف الاستاذ ممدوح التمرين) لحد هنا مش حنزود عنهم بحيث إنه نفضل في البوزيشن الأولاني اللي عملناه يعتبر سلم ونص كده (يعزف الاستاذ ممدوح التمرين) صعودا نبتدي من نفس المكان (يعزف الاستاذ ممدوح التمرين).
السلم ده رقم واحد هيحركلنا صوابعنا حيخلي عندنا صوابعنا بتتحرك بتتنقل من وتر لوتر بتتقل من خانة لخانة بشكل كويس حيمرنا لإنه حنستخدم الكلام ده في أغاني مهم جدا إنه لما ننقل إيدينا ننقلها في مكانها ونطلع صوت سليم لإنه إحنا ممكن نعمل (يعزف الاستاذ ممدوح التمرين).
كده ماسمعتش حاجه أنا عايز اسمع (يعزف الاستاذ ممدوح التمرين) بعد شوية حنبتدي نجري في السلم بحيث إنه نعمل (يعزف الاستاذ ممدوح التمرين) وهلم جرة ده سلم الدو ماجور بما إنه بنتكلم عن الدو ماجور ناخد كورد الدو ماجور طبعا أكيد احنا زاكرنا الأربع كوردات اللي فاتو هناخد الكورد الخامس كورد الدو ماجور إحنا قولنا أول نغمة عندنا دو بالصوباع التالت زي ما ابتدينا السلم هنحط الصوباع التالت آدي أول نغمة (يعزف الاستاذ ممدوح التمرين) وكان عندنا نغمة المي هنا خدناها في السلم موجودة في الصوباع التاني هنلعب المي (يعزف الاستاذ ممدوح التمرين) وكان عندنا نغمة دو على الوتر التاني بالصوباع الأولاني هنحط الدو زي ما اتعلمناهم في السلم بالظبط ونلعب على الست أوتار (يعزف الاستاذ ممدوح التمرين).
كده ده كورد الدو ماجور مفيش أسهل من كده آدي الدو ماجور (يعزف الاستاذ ممدوح التمرين) فلو إحنا عندنا دو ماجور (يعزف الاستاذ ممدوح التمرين) لا ماينر (يعزف الاستاذ ممدوح التمرين) مي ماجور (يعزف الاستاذ ممدوح التمرين) لا ماينر (يعزف الاستاذ ممدوح التمرين) دو ماجور (يعزف الاستاذ ممدوح التمرين).
لو جيه بعديه لا ماينر بنثت الصوباعين دول ثابتين مابيتشالوش الصوباع ده اللي بيتشال وبيتحط على نغمة اللا اللي احنا خدناها في السلم اللي هي تحت المي لإنه لو لسه حنشيل إيدينا ونشوف فين البوزيشن حيروح فيه هنضيع جزء من الثانية ده مكان نزول الكورد حيتغير عندنا فاحنا لو لعبنا دو ماجور (يعزف الاستاذ ممدوح التمرين) لا ماينر (يعزف الاستاذ ممدوح التمرين) صوباع بس اللي بيتشال طبعا مش ضروري بعد الدو ماجور يجي اللا ماينر بعد الدو ما ماجور ممكن يجي أي كورد موجود عندنا بس إحنا كتمرين أولي ممكن نعمل (يعزف الاستاذ ممدوح التمرين) وبعديه يجي لا ماينر (يعزف الاستاذ ممدوح التمرين).
نفس البوزيشن نطلعه فوق زي ما احنا قولنا ع المي ماجور (يعزف الاستاذ ممدوح التمرين) ننزله يبقى لا ماينر (يعزف الاستاذ ممدوح التمرين) الري ماينر (يعزف الاستاذ ممدوح التمرين) اللا ماينر (يعزف الاستاذ ممدوح التمرين) الدو ماجور (يعزف الاستاذ ممدوح التمرين).
محتاجين مزاكرة نطلعهم صوتهم نضيف مهم جدا حكاية الصوت النضيف مهم جدا نقعد نتمرن يعني مانطش من الدرس الأولاني اروح للدرس العاشر عشان عايز ألعب اللي موجود في الدرس العاشر."
