يعطي الأستاذ وحيد ممدوح مقدمة عن وضعية مھمة جدًا و تستخدم كثيرًا في العزف على الجيتار و كيفية وضع الأصابع أثناء العزف على الجيتار.
وحيد ممدوح:
"أهلا بيكم في فيديوهات تعليم الجيتار من اعزف دوت كوم معاكم وحيد ممدوح.
الدرس اللي فات خدنا الدو ماجور على اتنين أوكتاف وزي ما قولتلكو معلومة إنه احنا استخدمنا الأوتار كلها مقفولة ماستخدمناش أوتار فاضية فعلى سبيل المثال استخدمنا دو ري الري هنا كانت بالصباع الرابع (يعزف الاستاذ ممدوح التمرين ) مع إننا احنا في أول دروس كنا استخدمنا الدو ري دي (يعزف الاستاذ ممدوح التمرين ).
وكان الوتر مفتوح دلوقتي الوتر المفتوح ده هي هي نفس النغمة بنفس الأوكتاف يعني الري دي هي هي الري دي احنا ممكن نستخدم دي أو ممكن نستخدم دي وحنلاقي نغمات كتير في نفس الأوكتاف زي المي دي مثلا احنا لما ستخدمنا دو ري مي المي دي مثلا هي نفس الوتر ده الري ع الوتر الوتر التالت هي نفس الري دي بس لسهولة التكنيك عشان إيدينا ماننطش مانقفذش من مكان لمكان ابتدينا ندور نشوف نغمة تعوضلنا النغمة التانية حنلاقي من ده كتير قدام حناخده دلوقتي زي ما هو انتو بعد شوية حتبدو بدل ماتعزفو من هنا هتلاقيها هنا أسهل الناحية التانية أصعب فحتبدي أنت مع الخبرة اللي هتحصل عندك تختار أنهو أنسب بوزيشن انت ممكن تلعب منه ده بالنسبة للميلودي احنا النهاردة عايزين نتكلم عن الكوردس الفترة اللي فاتت الفيديوهات اللي فاتت كنا اتكلمنا عن اكتر من كوردس ودول كانو الكوردات الأساسية من البوزيشن الأساسي الكوردات دي زي ما فيه نغمات بتتكرر في أوكتافز بردو الكوردس ليها اكتر من مكان لو احنا النهاردة عندنا لا ماينر (يعزف الاستاذ ممدوح التمرين ).
ممكن يكون عندنا لا ماينر بالشكل ده (يعزف الاستاذ ممدوح التمرين ) ممكن يكون عندنا لا ماينر بالشكل ده (يعزف الاستاذ ممدوح التمرين ) في أشكال كتير للكورد ولكن في شكل ممكن يكون بيضايق معظم اللي بيبتدو يلعبو جيتار و الحقيقة الشكل ده مستخدم كتير في البداية هو ممكن يضايقنا بس بعد كده هتلاقيك إنه انت ده أهم كورد عندك وده اكتر واحد بتستخدمه وأحيانا بتشوف لو شوفت صورة لعازف جيتار لو شوفت فيديو لعازف جيتار بتلاقيه ماسك شكل زي كده ممكن من هنا من هنا من هنا ولكن الشكل ده شكل متداول على الجيتار مبدأيا معني الشكل ده إيه الصوباع ده بالشكل ده لو اتحط في أي مكان كده معني كده إنه احنا قفلنا الجيتار جيبنا البار ده حطيناه هنا بقى الجيتار المنطقة دي أو لو ابتدينا من هنا مثلا نفس الحكاية وكأننا جيبنا الأنف ده أو الفرسة دي حطيناها هنا قفلت مفيش بعد كده هنا مفيش مزيكا هتتلعب المزيكا كلها هتتلعب فالجيتار بقيت مساحته من هنا ده الصوباع مكان دي احنا خدنا هنا في أول دروس كورد المي ماجور (يعزف الاستاذ ممدوح التمرين ).
لو مسكنا المي ماجور بالشكل ده (يعزف الاستاذ ممدوح التمرين ) نفس النغمات بس الصوابع خلينا الصوباع التالت على نغمة السي تاني نغمة الصوباع الرابع تحته بالظبط عالوتر الرابع على نغمة المي والصوباع التاني حطيناه على أول نغمة ودي اسمها صول دييز في المكنا دي اسمها صول دييز لإنه دي ممكن تتسمى بإسمين قدام شوية ممكن ناخد الكلام ده ولكن هنا في البوزيشن ده اسمها صول دييز ده المي ماجور اللي احنا اخدناه (يعزف الاستاذ ممدوح التمرين )الجيتار مقفول من هنا لو احنا زحلقنا إيدينا زي ما هي كده ع الخانة اللي بعديها وقفلنا بصوابعنا بقى كورد الفا ماجور (يعزف الاستاذ ممدوح التمرين ) طبعا عشان نوصل للبوزيشن ده للمسكة دي لإنه الصوباع ده ماسك أول نغمة فوق وماسك آخر وترين آخر نغمتين مع بعض لإنه التلات أوتار التانيين ممسوكين بصوابعنا دول فحتلاقيك بتشد عشان تطلع صوت والصوت اللي طالع معاك عامل كده (يعزف الاستاذ ممدوح التمرين ).
أو (يعزف الاستاذ ممدوح التمرين ) بس بصو الكورد مش طالع."
