.بعد الانتھاء من عزف اللحن يبدأ الأستاذ وحيد بعزف الكوردات المرافقة.
وحيد ممدوح:
"أهلا بيكم في فيديوهات تعليم الجيتار من اعزف دوت كوم معاكم وحيد ممدوح ارجو إن مفيش أي مشاكل واجهتكو واحنا بنلعب الميلودي بتاع احنا والقمر جيران النهاردة هنتكلم ع الكوردس بتاع احنا القمر جيران الكوردس إحنا خدنا إزاي أماكنها نلعبها إزاي أسمائها إزاي دلوقتي عايزين ناخد تتابع الكوردس السلسلة اللي حتكون موجودة معانا جوة اللحن بتاع احنا والقمر جيران كل أغنية ليها الكوردس بتاعتها ليها التتابع بتاع الكوردس بتاعتها فحنشوف النهاردة تتابع الكوردس بتاع اللحن بتاع احنا والقمر جيران احنا قولنا قبل كده إن احنا والقمر جيران من سلم اسمه دو ماينر الكورد بتاع الدو ماينر اللي هو كان عامل كده اهو (يعزف الأستاذ وحيد التمرين).
ده أول كورد هيكون معانا في الأغنية تاني كورد فا ماينر (يعزف الأستاذ وحيد التمرين) الكورد التالت هو سي بيمول ماجور (يعزف الأستاذ وحيد التمرين) ده السي بيمول ماجور يبقى احنا عندنا أول كورد دو ماينر (يعزف الأستاذ وحيد التمرين) الكورد اللي بعده الكورد اللي بعده هو مي بيمول ماجور المي بيمول ماجور خدنا البوزيشن بتاعه قبل كده عامل (يعزف الأستاذ وحيد التمرين).
الشكل اللي قدامنا ده الشكل اللي قدامنا عامين بلوك من من تالت خانة أو من تالت فريت للجيتار عندنا الصوباع الرابع على الخانة رقم ستة على الوتر الخامس عندنا الصباع التالت على الخانة رقم خمسة الصوباع الرابع وعندنا الصوباع التاني على الخانة رقم اربعة على الوتر التاني باقي الأوتار البلوك اللي احنا عاملينه هو اللي ماسكهم فعامل كده (يعزف الأستاذ وحيد التمرين) لو نسمع النغمات وتر وتر (يعزف الأستاذ وحيد التمرين).
حيكون عندنا شوية حاجات زي (يعزف الأستاذ وحيد التمرين) أوكي شوية شوية هيبتدي الكورد يطلع نضيف مننا مش من أول ضربة هيطلع الكورد كلير ونضيف والصوت بتاعه حلو هيضايقنا شوية كل ما اتمرنا هنعدي من المشاكل دي نعمل الأربع كوردات على بعض (يعزف الأستاذ وحيد التمرين) في عندنا حاجات ممكن تحصل الإيد من هنا أحيانا بتكون انت عشان بتضغط ع الجيتار فعايز تطلع صوت نضيف فبتلم إيدك بتلم إيدك الصوباع من هنا بيضغط على الوتر الأولاني فبيطلع معانا (يعزف الأستاذ وحيد التمرين) لأ انت هتحاول تزق إيدك من هنا شوية لقدام بحيث إنه لو احنا ألتزمنا بحكاية إن صوباعي نازل بتسعين درجة على الفريت بورد على المسطرة مش حنواجه أما لو مسكنا كده صوابعنا نزلت شوية صوابعنا من هنا ممكن هتخبط في الأوتار لو كان ده ممكن يخبط في الوتر اللي هنا أول واحد أو ممكن يخبط في الوتر اللي تحته اللحم الموجود هنا في صوابعنا ممكن يخبط في الوتر اللي تحته أحاول قد ما اقدر إني ماخلهوش لامس الوتر اللي تحته لو كان من هنا (يعزف الأستاذ وحيد التمرين).
من هنا ومايخطبش في الوتر اللي تحت نفس الحكاية ده مايخبطش في الوتر اللي تحته نفس الحكاية ده المشكلة دي ممكن نواجهها حتى في الكوردس دي الماينر بحيث إن ده ممكن تلاقيك انت عامل لو عملت إيدك كده شوية بس بقى ده (يعزف الأستاذ وحيد التمرين).
اللي تحته مقفول فانت فاكر إن المشكلة من هنا هي المشكلة الحقيقة جاية من الصوباع ده فقد ما تقدر إيدك تكون معدولة قد ما تقدر الزاوية تكون تسعين احنا اتكلمنا في الحكاية دي اربعة كوردس اللي احنا اتكلمنا عليهم دو ماينر (يعزف الأستاذ وحيد التمرين) فا ماينر (يعزف الأستاذ وحيد التمرين) سي بيمول ماجور(يعزف الأستاذ وحيد التمرين) مي بيمول (يعزف الأستاذ وحيد التمرين) الكورد اللي بعده لا بيمول ماجور (يعزف الأستاذ وحيد التمرين) المي بيمول ماجور (يعزف الأستاذ وحيد التمرين) اللا بيمول ماجور واحنا واخدين كل الكوردس دي للصول ماجور (يعزف الأستاذ وحيد التمرين) للدو ماينر (يعزف الأستاذ وحيد التمرين).
هيبقى عامل كده هنعدهم كل واحد هنديله مسافة اربع ضربات (يعزف الأستاذ وحيد التمرين) دول مجمل الكوردس اللي احنا محتاجينهم في المقطوعة دي هيتغير ترتيبهم تبع تغير اللحن محتاجين نلعبهم ويطلعو نضاف لما هنسمعهم مع المقطوعة حيبقى الموضوع بالنسبالنا موضوع ممتع لو أنا بلعب مع واحد صاحبي جايب جيتار معاه أو جايب أي آلة تانية بيلعب جنبي ممكن أنا ألعب كوردس وهو يلعب أو ممكن أنا أغني ألعب الأغنية عن طريق الكورد وأنا أغني أو حد صاحبي يغني وأنا ألعبله الكوردس فبعد كده كتير هنحتاج حكاية الكوردس دي مش ضروري أنا طول الوقت ألعب الجيتار زي العود بالعب اللحن عن طريق الريشة الكوردس حيفدني جدا قدام إني لو حد بيغني ألعب جنبه لو حد بيعزف جيتار بيعزف أي آلة تانية إني ألعب معاه نزاكر الكلام ده والدرس اللي جاي نحط الكوردات في أماكنها علشان نعرف نلعب المقطوعة وتكون عندنا مقطوعة كاملة.
أشوفكو الدرس اللي جاي."
