ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
4 - نصائح عامة و عزف مي ماينور

يبدأ الأستاذ وحيد بمراجعة ما سبق مع إعطاء نصائح لتجنب الأخطاء في بداية التعلم على الجيتار. ينتقل الأستاذ دورة تعلم الجيتار مع وحيد ممدوح E minor وحيد الى تعليم كورد أخر و ھو مي ماينور أو.


وحيد ممدوح:


"أهلا وسهلا معاكم وحيد ممدوح من اعزف دوت كوم.


الدرس اللي فات خدنا تكنيكس شوية ممكن تكون صعبة أنا عارف قد إيه هي ممكن تكون صعبة عليكو بس إحنا عملنا كده علشان إحنا نجري مع بعض أكيد اللي اتمرن طبعا حيواجه شوية مشاكل اللي ماتمرنش ده ربنا يكون في عونه لإنه الدرس التاني مرتبط جدا بالدرس الأولاني أكيد وانتو بتتمرنو واجهتو شوية مشاكل أول حاجه مرتبطة بالصوت إنه الصوت طالع مش كلير مش نضيف بتضغطو ممكن صوابعكم وجعتكم بيطلع معانا الصوت ده (يعزف الاستاذ ممدوح التمرين) بيطلع معانا الصوت المكتوم ده (يعزف الاستاذ ممدوح التمرين).


ممكن يطلع صوت بيزن هنحاول نوسطن صوابعنا لا هي في أول الخانة ولا هي في آخر الخانة وخصوصا (يعزف الاستاذ ممدوح التمرين) أهو هنا ابتدا يزن (يعزف الاستاذ ممدوح التمرين).


وخصوصا لو حطيت الصوباع ده ففيه ناس مابتقدرش تفتح صوابعها محتاجين نفتح صوابعنا نعملهم إستريتشينج وطبعا بعد شوية هنلعب حاجات سريعة وطبعا أنا عارف إنكو كلكو بتدورو على الحاجات دي بالنسبالكو حتكون ممتعة فعشان نقدر نلعبها لازم نتمرن ع الكلام ده نتمرن بطيء مانحاولش نجري قد مانقدر نتمرن بطيء ممكن نزهق شوية ممكن نقوم نرجع تاني نتمرن تاني بس قد ما نقدر نتمرن بطيء (يعزف الاستاذ ممدوح التمرين) من غير ما أضرب لا في وتر قبل ولا في وتر بعد في منتهى النضافة صوت يطلع معايا ده بالنسبة للبيك وبالنسبة للميلودي أو اللحن بالنسبة للكوردس طبعا ده شغلانة أنا عارف إيه اللي حصل طبعا طبعا دوشتو اللي حواليكو ومطلعتوش صوت نضيف حنتمرن عليها بردو بطيء هنحط صوابعنا (يعزف الاستاذ ممدوح التمرين). 


هنعد أربع ضربات وحنتحايل ع الجيتار حنضرب أول ضربة ونعد (يعزف الاستاذ ممدوح التمرين) وان تو ثري واحنا بنعد تلاتة حنشيل صوابعنا والفور هتكون معانا في الهوى يعني مش بعد ما نعد فور نشيل صوابعنا وده تمرين ده ما بيني وما بينكو بعد كده مش حينفع نعمل كده إحنا عشان بس نعدي من المرحلة دي فهنعمل (يعزف الاستاذ ممدوح التمرين) وان تو ثري فور علشان لما نوصل للوان اللي بعديها (يعزف الاستاذ ممدوح التمرين). 


نكون جاهزين لإنه لو عملنا وان تو ثري فور وشيلنا لغايط ما نحط صوابعنا معاد الوان حيكون راح مننا إحنا محتاجين دول يطلعو معانا بصوت حلو (يعزف الاستاذ ممدوح التمرين) نضاف ننقل إيدينا في الوقت اللي إحنا محتاجين إنه ننقل ممكن يكون عندنا بعد شوية كوردات كتير فإحنا عايزين نحاول إنه دايما ننقل في المعاد (يعزف الاستاذ ممدوح التمرين) حنتمرن عليهم بالشكل ده وبطيء زي ما قولنا مش ضروري نضرب كتير هنا بقوة جامد ممكن ننزلهم ممكن تجيلنا أغنية محتاجين إنه نلعبها كده (يعزف الاستاذ ممدوح التمرين).


فكل كورد نازل في معاد مابنقدرش نغير لا قبل ولا بعد بنشوف دايما هنحاول إنه نلتزم بده وده اللي هو التيمبو أو الإيقاع إحنا بنشوف دايما في آلة إيقاع درامز أو بركيشن أو طبلة أو وات إيفير بيلعب جنب العازفين ده اللي بيمسكلهم العد عشان مايعدوش يعدو وان تو ثري فور هو اللي بيكون بيعمل بشكل أو بآخر العد ده لو إحنا اتمرنا ع الكوردس دي عايزين ناخد كمان اتني كوردس يكونو موجودين معانا زي ما عندنا المي ماجور ده عندنا منه مي ماينر الفرق ما بين الاتنين حنشيل الصوباع الأولاني من مكانه احنا عارفين عرفنا إن ده اسمه مي ماجور (يعزف الاستاذ ممدوح التمرين) لو نفس الإيد كده بنفس البوزيشن لو نشيل ده ونخلي الإيدين زي ما هي (يعزف الاستاذ ممدوح التمرين) كده بقى اسمه مي ماينر ده مي ماجور (يعزف الاستاذ ممدوح التمرين).


ده مي ماينر (يعزف الاستاذ ممدوح التمرين) الفرق الإصبع ده فاحنا ممكن نعمل كان عندنا اتنين كوردس في الدرس اللي فات الأيه ماينر أو اللا ماينر (يعزف الاستاذ ممدوح التمرين) المي ماجور والإيه ماجور (يعزف الاستاذ ممدوح التمرين).


عندنا دلوقتي المي ماينر أو الإيه ماينر (يعزف الاستاذ ممدوح التمرين) لو عملناهم كدرايرة كده نلعبهم كلوب هنلعب (يعزف الاستاذ ممدوح التمرين) مي ماجور (يعزف الاستاذ ممدوح التمرين) مي ماينر أو إيه ماينر (يعزف الاستاذ ممدوح التمرين) ونرجع للا ماينر(يعزف الاستاذ ممدوح التمرين).


خلينا نلعبهم التلاتة آز آ لوب بيتعادو (يعزف الاستاذ ممدوح التمرين) من غير إيقاع إحنا مجرد إنه احنا بنضرب الضربة بعد كده العد اللي إحنا بنعده طبعا مش حنبتدي نعد لما نكون بنلعب أغنية أو بنغني مش حنكون بنعد حنحوض العد بطريقة لعب يا إما نلعب بيت معين شكل معين هنا بس ده هيعوضلنا العد عشان مانعدش نعد نتمرن على ده. 


واشوفكم الدرس الجاي."


فيديوهات دروس الدورة - تعلم الجيتار 1 مع وحيد ممدوح
1 مقدمة عن الجيتار و أسماء الأوتار Opened 03:38
2 استخدام اليد اليسرى في العزف Opened 04:03
3 التعريف بالكوردات و عزفھا على الجيتار Opened 06:55
4 نصائح عامة و عزف مي ماينور Opened 06:24
5 عزف كورد الري ماينور Opened 06:13
6 سلم الدو Opened 04:44
7 عزف كورد الدو ماجور Opened 04:42
8 تمرين لاستخدام ريشة الجيتار و كورد صول سيفين Opened 05:14
9 عزف أغنية صدقني خلاص للفنان عمرو دياب Opened 06:40
10 عزف أغنية صدقني خلاص للفنان عمرو دياب | متابعة Opened 06:52
11 أغنية صدقني خلاص للفنان عمرو دياب | متابعة Opened 06:07
12 أغنية صدقني خلاص للفنان عمرو دياب | متابعة Opened 06:46
13 أغنية صدقني خلاص للفنان عمرو دياب | متابعة Opened 04:44
14 أغنية صدقني خلاص للفنان عمرو دياب | متابعة Opened 03:43
15 سلم الدو من وضعية مختلفة Opened 04:39
16 سلم الدو من وضعية مختلفة أخرى Opened 05:57
17.1 البار كوردز Opened 04:48
17.2 متابعة البار كوردز Opened 05:47
17.3 متابعة أخرى للبار كوردز Opened 05:42
18 تقنيات متقدمة على الجيتار Opened 05:00
19 الماينور كوردز Opened 06:28
20 كورد لا ماجور Opened 03:53
21 مواضع أخرى للكوردات Opened 04:26
22 أغنية نحنا و القمر جيران للسيدة فيروز Opened 05:03
23 أغنية نحنا و القمر جيران للسيدة فيروز | متابعة Opened 07:06
24 أغنية نحنا و القمر جيران للسيدة فيروز | متابعة Opened 07:22
25 أغنية نحنا و القمر جيران للسيدة فيروز | متابعة Opened 05:23
26 أغنية نحنا و القمر جيران للسيدة فيروز | متابعة Opened 06:40
27 أغنية نحنا و القمر جيران للسيدة فيروز | متابعة Opened 07:04
}