في الدرس الخامس نتعرف على أكثر الإيقاعات شيوعا و شعبية و هو إيقاع المقسوم ، نتعرف على عناصره و التنوعات الممكنة أثناء عزفه.

ناصر سلامة:

"مرحبا أنا ناصر سلامة من إعزف دوت كوم ومعكم اليوم بالحصة رقم خمسة.

الحصة الماضية تعلمنا السك وحكينا كيف هو صوت يستخدم في الضغوطات في آلة الطبلة. اليوم بدنا نتعلم إيقاع كلنا منعرفه كلنا منحبه كلنا منعزفه وكلنا منكون ماشيين بالشارع منطبله وبنسمعه إيقاع اسمه إيقاع المقسوم أو المأسوم باللغة الدارجة. إيقاع المقسوم (يعزف الأستاذ ناصر إيقاع المقسوم على الطبلة).

إيقاع المقسوم مكون من تمن ضربات لازم نحفظهم دُم تك إس تك هذا الجزء الأول خلينا نحفظ الجزء الأول دُم تك إس تك (يعزف الأستاذ ناصر الجزء الأول من إيقاع المقسوم على الطبلة). الجزء التاني دُم إس تك إس العكس دُم إس تك إس (يعزف الأستاذ ناصر الجزء الثاني من إيقاع المقسوم على الطبلة) الجزء الأول دُم تك إس تك الجزء التاني دُم إس تك إس. دُم تك إس تك دُم إس تك إس (يقرأ الأستاذ ناصر التمرين قراءة إيقاعية) (يعزف الأستاذ ناصر التمرين على الطبلة) تكات (يعزف الأستاذ ناصر التمرين على الطبلة)، تكات شمال (يعزف الأستاذ ناصر التمرين على الطبلة) أوكي.

الضغوطات في هذا الإيقاع أو الآكسنتز اللي شرحنا عنهم الحصة الماضية واضحين دُم تك هاي آكسنت إس تك هاي كمان آكسنت دُم إس تك هاي كمان آكسنت إس هي مش آكسنت. إذن خلينا نبطء الإيقاع ونبلش ناخد شوي تفاصيل أكتر (يعزف الأستاذ ناصر التمرين على الطبلة ويقرؤه قراءة إيقاعية) أوكي.

هلأ في إيقاع المقسوم في بصير كتير خيارات قدامنا لأنه منلعب هلأ ممكن نلعب التكين اللي بالنص اللي بيجوا بين الدُم وبين السك بالإيد الشمال (يعزف الأستاذ ناصر التمرين على الطبلة) ممكن نلعبهم تبديل بين اليمين والشمال (يعزف الأستاذ ناصر التمرين على الطبلة) تبديل. هلأ هدا التمرين (يعزف الأستاذ ناصر التمرين على الطبلة) سهل بحالة إذا كان الإيقاع بطيء لكن إذا كان الإيقاع سريع لازم نبلش نعتمد على تمرين تسريع الأصبع الشمال اللي حكينا عنه في الحصة رقم تنين (يعزف الأستاذ ناصر التمرين على الطبلة) إذا بدي أفكر فيه (يعزف الأستاذ ناصر التمرين بسرعة على الطبلة) إذا بدي أصير تبديل بين اليمين والشمال رح أوصل لسرعة معينة ما رح أقدر أوصللها عشان هيك منرجع للتمرين اللي هو في حصة رقم تنين اللي حكينا عنه لتسريع الإيد الأصبع الثاني في الإيد الشمال (يعزف الأستاذ ناصر التمرين على الطبلة).

كتر التمرين على هدا (يعزف الأستاذ ناصر تمرين الأصبع الثاني من الإيد اليسار على الطبلة) رح يوصلنا ل (يعزف الأستاذ ناصر التمرين سريعاً على الطبلة). 

منشوفكم في الحصة الجاي من إعزف دوت كوم."