في الدرس السادس نتعلم مهارة الرش و هي من أكثر التقنيات شعبية ، و نتعلم أيضا كيفية تطبيق الرش ضمن الإيقاعات المختلفة و الأماكن المناسبة لاستخدامه.

ناصر سلامة:

"مرحبا أنا ناصر سلامة من إعزف دوت كوم واليوم موعدكم مع الحصة السادسة في تمارين آلة الطبلة.

اليوم رح نبلش بتمرين الكل بحب يعمله والكل بستنى انه يصير قادر على أنه يعمل هذا الإشي اللي هو الرش كيف نرش كيف نسوي (يعزف الأستاذ ناصر تمرين الرش على الطبلة).

أكيد انا ما بلشت بحياتي بهاي السرعة (يرش الأستاذ ناصر على الطبلة) وأكيد في أسرع مني لكن كيف وصلت لهاي السرعة لازم نبدا بشكل بطيء زي أي تمرين بلشنا فيه بشكل بطيء تمرين الرش برضه بنبدا فيه بشكل بطيء عن طريق تبديل الأصابع (يعزف الأستاذ ناصر على الطبلة).

نقاط مهمة كتير في تمرين الرش وضوح الصوت (يعزف الأستاذ ناصر التمرين على الطبلة) هذا التمرين صحيح لكن (يعزف الأستاذ ناصر التمرين على الطبلة) هذا التمرين خاطىء لازم الإيد تكون ثابتة في مكانها واضح مكانه اللي عم بنزل والصوت (يعزف الأستاذ ناصر التمرين على الطبلة) متوازن بين الإيد اليمين والإيد الشمال (يعزف الأستاذ ناصر التمرين سريعاً على الطبلة) أسرع أسرع أوكي رح نوصل لسرعة رح نحس حالنا ما منقدر نسرع فيها ممكن تكون (يعزف الأستاذ ناصر التمرين على الطبلة) هاي هي السرعة يفضل الثبات عليها لحد ما تتعود العضلة أو تتعود الإيد على هاي الحركة (يعزف الأستاذ ناصر التمرين على الطبلة) بعدين أبلش أصير أسرع كل ما صرت أسرع لازم أقلل عدد المفاصل اللي بتتحرك عشان أتحكم بنوعية الصوت يعني في البداية أنا ممكن أحرك إيدي كلها (يعزف الأستاذ ناصر التمرين على الطبلة) لما أصير أسرع ممكن ببلش أحرك بس هاي المنطقة من الإيد (يعزف الأستاذ ناصر التمرين على الطبلة) لما أصير أسرع أنا عم بحرّك هدا المفصل (يعزف الأستاذ ناصر التمرين على الطبلة) إذن (يعزف الأستاذ ناصر التمرين على الطبلة) أوكي.

وين بستخدم الرش في كل مكان تقريباً في الإيقاع ممكن تستخدم الرش لكن مش حلو إنك أنت تزخرف بالرش في كل إشي. في البدايات حلو الرش (يعزف الأستاذ ناصر التمرين على الطبلة) أو (يعزف الأستاذ ناصر التمرين على الطبلة) يعني ممكن تستخدم برضه ضغوطات في الرش (يعزف الأستاذ ناصر التمرين على الطبلة).

منشوفكم في الحصة الجاي من إعزف دوت كوم."