ناصر سلامة:

 "مرحبا أنا ناصر سلامة من إعزف دوت كوم ورح أقدملكم الحصة السابعة في آلة الطبلة.

اليوم رح نحكي عن إيقاع يستخدم كثير في الموشحات وفي الأغاني الطربية هو إيقاع المصمودي الكبير.

هلأ إيقاع المصمودي هو عبارة عن تمن ضربات رح أعزفه هلأ مرة أدامكم بعدين رح أعطيكم تفاصيله. إيقاع المصمودي (يعزف الأستاذ ناصر إيقاع المصمودي على الطبلة) في منه شكل تاني (يعزف الأستاذ ناصر إيقاع المصمودي على الطبلة بشكل آخر).

أوكي، خلينا نفصله. دُم دُم إس تك دُم إس تك إس دُم دُم إس تك دُم إس تك إس. هلأ هذا الإيقاع هو إيقاع بطيء وإيقاع موشحات وهو إيقاع يعني ممكن الواحد يتوسع في كيف ممكن يعمل تكنيك فيو كتير لكن هذا الإيقاع إحنا متعودين نسمعه بشكل مختلف. هذا الإيقاع إذا تسرّع بضل اسمه مصمودي لكن بنتقل لعائلة إيقاع المقسوم اللي حكينا عنه في الحصة الماضية أو بصير اسمه إيقاع البلدي اللي هو (يعزف الأستاذ ناصر التمرين على الطبلة) أوكي.

تعوا نفكر شوي كيف ننعزف إيقاع المصمودي وهو بطيء وبعدين نروح على نسرعه أنا بعرف هلأ كلكم رح تركزوا على نسرعه أكتر ما رح تركزوا على أنه نتمرن عليه بالبطيء لكن ما رح نعرف نعزفه صح سريع زي أي تمرين إلا إذا عزفناه بطيء تعوا نحكي عنه دُم دُم إس تك دُم إس تك إس (يعزف الأستاذ ناصر التمرين على الطبلة ويقرؤه قراءة إيقاعية) تعوا ندخّل إيدنا الشمال دُم (يعزف الأستاذ ناصر التمرين على الطبلة ويقرؤه قراءة إيقاعية) أوكي. 

تعوا هلأ نفكر كيف بدنا نستعمل الرّش اللي تمرنا عليه قبل حصتين في إيقاع البلدي أو إيقاع المصمودي، خلينا ناخده على البطيء (يعزف الأستاذ ناصر التمرين على الطبلة ويقرؤه قراءة إيقاعية) خلينا نشوف هاي ال إس الأخيرة آخر وحدة ال إس رقم تمنية شو ممكن أعمل فيها (يعزف الأستاذ ناصر التمرين على الطبلة) أوكي في البلدي (يعزف الأستاذ ناصر التمرين على الطبلة) إذا دُم دُم إس تك دُم إس تك إس.

هلأ إحنا كنا نحكي عن ال إس رقم تمنية عم منعمل فيها رش هلأ بدنا ال إس رقم تمنية وال إس رقم ستة دُم دُم إس تك دُم الرشة تك رشة (يعزف الأستاذ ناصر التمرين على الطبلة ويقرؤه قراءة إيقاعية) بنسرع وبندخل الرشات، أوكي.

شوفوا هدول (يعزف الأستاذ ناصر تمرين جديد على الطبلة) هدول الحصة الجاي بنشوفكم بدروس الطبلة في إعزف دوت كوم."