في هذا الدرس نكمل في الايقاعات المركبة 9 عدات ، إيقاع الأقساق والتمرين عليه. ينصح ناصر الطالب/الطالبة أن لا يتقدم للدرس التالي إلا بعد إتقان تدريبات هذا الدرس و الأخذ بالنصائح الواردة فيه.

ناصر سلامة:

"مرحبا أنا ناصر سلامة من إعزف دوت كوم وهدا الدرس رقم تمنطعش لآلة الطبلة.

الحصة الماضية حكينا عن إيقاعات بلشنا نحكي عن إيقاعات مركبة حكينا شوي عن إيقاع سبعة على تمنية الدور الهندي والنواخت وحكينا عن تركيب الإيقاعات كيف بتصير، اليوم رح نحكي عن الإيقاعات اللي بتنعد تسع أضلاع فيها أو تسع عدات إيقاع من أصول تركية اسمه الأقصاق (يقرأ الأستاذ ناصر التمرين قراءة إيقاعية) (يعزف الأستاذ ناصر التمرين على الطبلة ويقرؤه قراءة إيقاعية) هلأ تعوا نفكر شوي أكتر في التسعة.

التسعة إذا بدنا نيجي نحللها هي عبارة عن إما تلت تلاتات عشان ناخد تسعة يعني ون تو ثري ون تو ثري ون تو ثري بصير عنا تسعة أو تلت تنينات وتلاتة ون تو ون تو ون تو ون تو ثري ون تو ون تو ون تو ون تو ثري أو تلاتة وتلت تنينات ون تو ثري ون تو ون تو ون تو أو تنين وتلاتة وتنينتين ون تو ون تو ثري ون تو ون تو ون تو ون تو ثري فبنلاحظ أنه في كتير احتمالات في كتير احتمالات وفي كتير ضغوطات وفي كتير آكسنتس هلأ كل هاي الاحتمالات بالآخر بتوصل لتسعة.

وحدة من أهم الإيقاعات اللي بستخدموها في تركيا أو من أهم الآكسنتس اللي بستعملوها في تركيا هي هاي (يعزف الأستاذ ناصر التمرين على الطبلة) أوكي نحفظه تسعة (يقرأ الأستاذ ناصر التمرين قراءة إيقاعية ويعزفه على الطبلة).

هاي الإيقاعات لازم تنحفظ لازم تتخزن في عقلنا لأنه كل ما كان عنا معلومات أكتر عن هاي الإيقاعات كل ما قدرنا نحلل الإيقاعات هاي بشكل أوضح وبشكل أبسط جوا عقلنا بالتالي فرصتنا لأنه إحنا نقدر نعمل ارتجالات عليها بتكون أكبر. 

بشوفكم الحصة الجاي في إعزف دوت كوم."