ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
استخدام كلتا اليدين

في هذا الدرس يقوم ناصر بمراجعة تمارين لاستخدام اليد اليمنى واليسرى في ال”تكات”. وكيفية استخراج الأصوات على الطبلة بأفضل صورة ممكنة. ينصح ناصر الطالب/الطالبة أن لا يتقدم للدرس التالي إلا بعد إتقان تدريبات هذا الدرس و الأخذ بالنصائح الواردة فيه.


ناصر سلامة:


"مرحبا أنا ناصر سلامة من إعزف دوت كوم وإحنا اليوم في الحصة رقم واحد وعشرين.


بالحصة رقم واحد وعشرين رح نراجع تمارين أخدناهم بالبداية بتتعلق هاي التمارين باستخدام اليد اليمنى واليد اليسرى في التكات (يعزف الأستاذ ناصر التمرين على الطبلة).


إذا بتتزكروا هدا التمرين كنا نعتمد فيه على ارتداد الإيد مرتين يمين ومرتين بالإيد الشمال (يعزف الأستاذ ناصر التمرين على الطبلة).


بهذا التمرين كنا نستخدم الأصبع الأوسط في التك بالإيد اليمين هلأ في كتير استخدامات للتكات أو في كتير مناطق ممكن أنه نستخرج فيها صوت التك من الطبلة بالإيد اليمين ممكن نستعمل الأصبع التاني الأوسط (يعزف الأستاذ ناصر التمرين على الطبلة) ممكن نستخدم الأصبع الشاهد أو السبابة (يعزف الأستاذ ناصر التمرين على الطبلة).


ليش في اختلاف في استخداماتهم السبب هو وين أنا بدي أرجع أو أنا من وين جاي من أي منطقة على وجه الطبلة جاي ووين رايح وإيش اللي بدي أعمله إذا أنا كنت عم بعزف بإيقاع سريع على سبيل المثال فالحل الأمثل إني أنا أرجع بإيدي إيقاع سريع مثل هيك (يعزف الأستاذ ناصر التمرين على الطبلة) وحابب أستخدم إيدي اليمين الحل الأمثل إنه أنا أرجع لأقرب نقطة موجود فيها تك أقرب نقطة موجود فيها تك هي اللي موجودة عند هدا الأصبع إذا بدي أرجع هون مسافة طويلة إذا بدي أروح هون ففي مشكلة في شكل الإيد في العزف ببطل في بصير في كتير زوايا فبالتالي بتصير الإيد أبطأ. هلأ عشان أنا أرجع لهون بهدا الأصبع بتصير بصير شكل العزف (يعزف الأستاذ ناصر التمرين على الطبلة) بالتالي أنا بعطي حرية أكتر لإيدي الشمال تلعب بالتكات (يعزف الأستاذ ناصر التمرين على الطبلة).


أوكي, وين بستعمل الأصبع التاني، الأصبع التاني يستخدم في الرشات السريعة إذا أنا بدي أعمل رشة سريعة (يعزف الأستاذ ناصر التمرين على الطبلة) أكيد رح أستخدم هدا الأصبع ما رح أستخدم هدا الأصبع لأنه بتصير الزاوية صعبة (يعزف الأستاذ ناصر التمرين على الطبلة) صعبة (يعزف الأستاذ ناصر التمرين على الطبلة) بعيدة (يعزف الأستاذ ناصر التمرين على الطبلة) بحتاج قوة أكتر في الرش أكتر قوة باخدها من الإرتداد لما أنا أكون عم بحرك الإيد بهدا الاتجاه بهدا الاتجاه بما أنه أنا إيدي بإيدي المفصل رح يكون ضعيف فبالتالي (يعزف الأستاذ ناصر التمرين على الطبلة) بضل استخدام الأصبع الكبير. في الإيقاعات البطيئة منستخدم الأصبع الكبير الأصبع الأوسط العفو بالإيقاعات البطيئة بالرش (يعزف الأستاذ ناصر التمرين على الطبلة) عشان آخد قوة أكبر ماخدينها إحنا من هاي من عضلة إيدي كاملة (يعزف الأستاذ ناصر التمرين على الطبلة). إذا (يعزف الأستاذ ناصر التمرين على الطبلة) التمرين (يعزف الأستاذ ناصر التمرين على الطبلة) مرة تانية بزكّر أنه هاي التمارين لازم ناخد وقتنا وإحنا منتمرن عليها لازم نركز بأنه التمرين هو للتمرين وأنا بعرف أنه انتوا وصلتوا لمرحلة كتير منيحة وعم بتعزفوا إيقاعات وعم بتعزفوا بشكل ممتاز لكن العزف اللي إنتوا بتعملوه موضوع والتمرين موضوع، التمرين مهم ومهم لفترات أطول من زمان. كل التوفيق وأنا معكم ناصر من إعزف دوت كوم."


فيديوهات دروس الدورة - تعلم الطبلة مع ناصر سلامة
1 الدم و التك Opened 06:22
2 صوت التك الصحيح Opened 04:13
3 الإيقاعات الشرقية Opened 06:16
4 صوت الـ سك Opened 04:20
5 إيقاع المقسوم Opened 05:30
6 مهارة الرش Opened 03:39
7 إيقاع المصمودي الكبير و البلدي Opened 05:06
8 مهارة كتم الصوت Opened 06:39
9 تمرين ضبط الإيقاع Opened 03:32
10 طرق الكتم Opened 03:22
11 النقل بين الإيقاعات Opened 05:09
12 تغيير الصوت أثناء العزف Opened 05:06
13 إيقاع الوحدة الكبيرة Opened 03:02
14 إيقاعات شرقية Opened 03:21
15 الإيقاع السماعي الثقيل Opened 04:27
16 الفالس و الدارج Opened 04:27
17 إيقاع الدور الهندي و نوخد Opened 04:51
18 إيقاع الأقساق Opened 03:31
19 تقنيات متقدمة Opened 03:21
20 تمارين Opened 03:11
21 استخدام كلتا اليدين Opened 04:39
22 تقنيات تحلية العزف Opened 03:31
23 أساسيات فصل الحواس Opened 03:52
24 إدخال إيقاع على الرش Opened 02:45
25 تطبيق شامل Opened 02:29