ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
الإيقاع السماعي الثقيل

في الدرس الخامس عشر نتعلم مع ناصر إيقاع جديد يستخدم كثيرا في الموشحات و الأغاني الشرقية و هو الإيقاع السماعي الثقيل.


ناصر سلامة:


"مرحبا أنا ناصر سلامة من إعزف دوت كوم واليوم رح ناخد الدرس رقم خمسطعش على آلة الطبلة.


درس اليوم رح يكون عن إيقاع بستخدموه بالموشحات وبستخدموه بقالب السماعي في الموسيقى الشرقية وهدا الإيقاع اسمه السماعي الثقيل.


السماعي الثقيل بتكوّن من عشر عدّات على أصابعنا العشرة دُم إس إس تك إس دُم دُم تك إس إس مرة تانية (يقرأ الأستاذ ناصر التمرين قراءة إيقاعية) رح نعزف هلأ الإيقاع بدون ما نعبي الفراغات الإس رح نحكي إس محل كل فراغ (يعزف الأستاذ ناصر التمرين على الطبلة ويقرؤه قراءة إيقاعية).


أبسط مثال على هذا الإيقاع وين يستخدم في أغنية لما بدى يتثنى ممكن اتدوروا على الأغنية في أي مكان رح تلاقوا أنه الإيقاع معزوف بهدا الشكل (يعزف الأستاذ ناصر التمرين على الطبلة).


هلأ في كتير بتصير زخارف بإيقاع السماعي الثقيل وفي كتير مناطق بسبب وجود كتير من السكتات أو من الوقفات أو من الريستس أو من الإسات فأنت بتقدر تلعب في كتير أماكن في الإيقاع السماعي الثقيل هلأ إحنا رح نبلش نعزف إيقاع السماعي الثقيل بشكل بطيء رح أعزفه لمدة تمن مرات تمن موازير أو تمن مرات عشان تقدروا تمارسوا هدا الإيقاع معاي (يعزف الأستاذ ناصر التمرين على الطبلة).


أوكي هلأ رح أبلش أعزف إيقاع السماعي الثقيل وأستخدم شوي من الزخارف والتكنيكس اللي إحنا حكينا فيهم في الحصص الماضية (يعزف الأستاذ ناصر التمرين على الطبلة). هدا الإيقاع ممكن نواجهه في لحظات بشكل كتير بطيء ممكن تلاقي قطعة موسيقية أو ممكن تلاقي أغنية معزوف فيها الإيقاع بشكل كتير كتير كتير بطيء مهم في هدا الإيقاع دايماً نبيّن الضغوط اللي موجودة فيه دُم إس إس تك إس دُم دُم تك إس إس حتى لو كان أبطأ دُم إس إس تك إس دُم دُم تك إس إذاً في ضغط في الضربة الأولى في ضغط في الضربة الرابعة في ضغط في الضربة السادسة والسابعة والتامنة (يقرأ الأستاذ ناصر التمرين مرة أخرى قراءة إيقاعية مع بيان الضغوطات في الإيقاع) مرة تانية (يعزف الأستاذ ناصر التمرين على الطبلة) هدا الإيقاع بده تركيز في التمرين. بشوفكم المرة الجاي في إعزف دوت."


فيديوهات دروس الدورة - تعلم الطبلة مع ناصر سلامة
1 الدم و التك Opened 06:22
2 صوت التك الصحيح Opened 04:13
3 الإيقاعات الشرقية Opened 06:16
4 صوت الـ سك Opened 04:20
5 إيقاع المقسوم Opened 05:30
6 مهارة الرش Opened 03:39
7 إيقاع المصمودي الكبير و البلدي Opened 05:06
8 مهارة كتم الصوت Opened 06:39
9 تمرين ضبط الإيقاع Opened 03:32
10 طرق الكتم Opened 03:22
11 النقل بين الإيقاعات Opened 05:09
12 تغيير الصوت أثناء العزف Opened 05:06
13 إيقاع الوحدة الكبيرة Opened 03:02
14 إيقاعات شرقية Opened 03:21
15 الإيقاع السماعي الثقيل Opened 04:27
16 الفالس و الدارج Opened 04:27
17 إيقاع الدور الهندي و نوخد Opened 04:51
18 إيقاع الأقساق Opened 03:31
19 تقنيات متقدمة Opened 03:21
20 تمارين Opened 03:11
21 استخدام كلتا اليدين Opened 04:39
22 تقنيات تحلية العزف Opened 03:31
23 أساسيات فصل الحواس Opened 03:52
24 إدخال إيقاع على الرش Opened 02:45
25 تطبيق شامل Opened 02:29