ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
النقل بين الإيقاعات

في الدرس الحادي عشر نتعلم مهارة النقل بين الإيقاعات أثناء العزف و مهارة تغيير سرعة الإيقاع أثناء العزف.


ناصر سلامة:


مرحبا أنا ناصر سلامة من إعزف دوت كوم واليوم إحنا بالحصة رقم احدعش.


وظيفة عازف الإيقاع أنه يكون ماسك الريذم أو ماسك الإيقاع ضابط الإيقاع في القطعة الموسيقية، القطعة الموسيقية ممكن يتحول فيها الإيقاع من سريع لبطيء من بطيء لسريع من إيقاع مقسوم مثلاً زي ما تعلمنا في المرة الماضية لإيقاع لف أو مثلاً من إيقاع مقسوم لإيقاع أيوب من إيقاع مقسوم لإيقاع مصمودي من إيقاع مصمودي في طرق في كذا طريقة لتحويل الإيقاعات ممكن يكون في إيقاعات تانية مركبة رح نحكي عنها هلأ كمان شوي لقدام في حصصنا في إعزف.


لكن اليوم بدنا نحكي شوي عن شو هي أو بعض الأشكال من التحويلات بين الإيقاعات بتعرفوا مرات بكون الإيقاع ماشي مقسوم مثلاً (يعزف الأستاذ ناصر التمرين على الطبلة) بعدين الأغنية بتتحول أو الموسيقى بتتحول للف (يعزف الأستاذ ناصر التمرين على الطبلة) في كتير أشكال وفي كتير طرق لإنك تحول ممكن إنك تحول بشكل طبيعي (يعزف الأستاذ ناصر التمرين على الطبلة) وممكن وهدا اللي بالمعظم أو بالغالب بصير أنه تعطي أنت إشعار أو إنذار تحويل عشان الموسيقيين يكونوا معك في المجموعة ينتبهوا أنه هونا في تحويل قادم أو هونا في تغيير للسرعة قادم ممكن التحويل ما يكون بده سرعة ممكن إحنا نكون نعزف مقسوم بهاي السرعة (يعزف الأستاذ ناصر التمرين على الطبلة) واللف اللي بعديها يكون (يعزف الأستاذ ناصر التمرين على الطبلة) فهون أنت لازم تعطي إشعار أو إنذار للمجموعة مجموعة الموسيقيين اللي بيعزفزا معك أو مجموعة المغنيين اللي بكونوا موجودين أو المغني أو مين ما كان بأنه في تغيير للسرعة جاي.


الإشعارات بتكون بالغالب عبارة عن جمل تكنيكية بتكون بآخر عد يعني بآخر عدة أو عدتين أو ممكن يكون عبارة عن إيقاع وحدة إيقاعية كاملة مازورة كاملة يعني بلغة الموسيقيين هلأ خلينا نحكي شوي عن التحويلات في إيقاع المقسوم (يعزف الأستاذ ناصر التمرين على الطبلة) هذا إذا عم بروح أنا على سرعة تانية فلازم أنا أحسس بالسرعة اللي قادمة يعني في سرعة جاي لازم أنا أحسس الموسيقيين بأنه في تحويلة وبسرعة مختلفة جاي (يعزف الأستاذ ناصر التمرين على الطبلة) أو (يعزف الأستاذ ناصر التمرين على الطبلة) كان الإشعار لسرعة أبطأ في هاي الحالة هلأ كل شخص وكل عازف عنده حسه في أنه كيف شو هي الجمل اللي بدو يحكيها أو التكنيك اللي بدو يعمله في الإشعار شو هي السرعة اللي بدو ينتقللها كل واحد عنده الحس تبعه عنده الفيل تبعه لكن أنا عم بحكي بشكل عام لازم يكون في إشعار للتغيير سواء كان بين إيقاع سريع لإيقاع بطيء إيقاع بطيء لإيقاع سريع إيقاع عده رباعي لإيقاع ثنائي إيقاع عده رباعي لإيقاع ستة أو سبعة أو تسعة أو عشرة أو إيش ما كانت السرعة لازم يكون في يعني على الأقل يحسوا الموسيقيين أنه في تحويل.


تعوا تعوا نستعرض شوي من الإيقاعات اللي ممكن الأربع إيقاعات اللي إحنا أخدناهم في الحصص تبعونا نستعرض تحويلات بيناتهم. حكينا عن المقسوم واللف خلينا نشوف الأيوب للف (يعزف الأستاذ ناصر التمرين على الطبلة) بآخر تحويلة أنا هلأ حولت لإيقاع المقسوم من اللف (يعزف الأستاذ ناصر التمرين على الطبلة) تعوا نشوف من إيقاع المقسوم لإيقاع المصمودي البطيء كيف بده يتم التحويل (يعزف الأستاذ ناصر التمرين على الطبلة) مقسوم (يُكمل الأستاذ ناصر العزف على الطبلة).


الحصة الجاي (يعزف الأستاذ ناصر التمرين الجديد على الطبلة) في إعزف دوت كوم."


فيديوهات دروس الدورة - تعلم الطبلة مع ناصر سلامة
1 الدم و التك Opened 06:22
2 صوت التك الصحيح Opened 04:13
3 الإيقاعات الشرقية Opened 06:16
4 صوت الـ سك Opened 04:20
5 إيقاع المقسوم Opened 05:30
6 مهارة الرش Opened 03:39
7 إيقاع المصمودي الكبير و البلدي Opened 05:06
8 مهارة كتم الصوت Opened 06:39
9 تمرين ضبط الإيقاع Opened 03:32
10 طرق الكتم Opened 03:22
11 النقل بين الإيقاعات Opened 05:09
12 تغيير الصوت أثناء العزف Opened 05:06
13 إيقاع الوحدة الكبيرة Opened 03:02
14 إيقاعات شرقية Opened 03:21
15 الإيقاع السماعي الثقيل Opened 04:27
16 الفالس و الدارج Opened 04:27
17 إيقاع الدور الهندي و نوخد Opened 04:51
18 إيقاع الأقساق Opened 03:31
19 تقنيات متقدمة Opened 03:21
20 تمارين Opened 03:11
21 استخدام كلتا اليدين Opened 04:39
22 تقنيات تحلية العزف Opened 03:31
23 أساسيات فصل الحواس Opened 03:52
24 إدخال إيقاع على الرش Opened 02:45
25 تطبيق شامل Opened 02:29