ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
إيقاعات شرقية

في هذا الدرس نتناول إيقاعات شرقية أخرى : إيقاع الشفتتلي وإيقاع السنباطي والجمل التكنيكية في كليهما. ينصح ناصر الطالب/الطالبة أن لا يتقدم للدرس التالي إلا بعد إتقان تدريبات هذا الدرس و الأخذ بالنصائح الواردة فيه.


ناصر سلامة:


"مرحبا أنا ناصر سلامة من إعزف دوت كوم واليوم حصتنا رقم أربعطعش في آلة الطبلة.


اليوم رح نحكي عن إيقاعات شرقية بحتة الإيقاع الأول اسمه صعب لكن عزفه سهل والإيقاع التاني اسمه سهل وعزفه سهل لأنه مربوط بالإيقاع الأول شو الجواب!


أوكي إذا الإيقاع الأول اسمه شفتتلّي شفتتلّي وهدا الإيقاع بستخدموه كتير في الأغاني الطربية والأغاني اللي فيها طرب يعني هيك الأغنية بكون مقامها العربي مثلاً بساعد على أنه أنت تطرب وتتمايل وتهتز وأنت بتعزف فيها أو بتسمع فيها هدا الإيقاع كلنا بنعرفه يعني ما فش حدا ما في حدا ما مرق عليه وما سمعه وما علق في باله الإيقاع هو (يعزف الأستاذ ناصر التمرين على الطبلة).


هلأ هدا الإيقاع كل ما كان أبطأ كل ما كان الوضع أحلى وأروق وعازف الإيقاع بياخد راحته بالعزف (يعزف الأستاذ ناصر التمرين على الطبلة) هدا الإيقاع بشبه إيقاع الوحدة اللي هو (يعزف الأستاذ ناصر التمرين على الطبلة) بس الفكرة في إيقاع الشفتتلّي أنه مازورة أو يعني الجزء الأول هو عبارة عن إيقاع وحدة والجزء التاني هو عبارة عن إيقاع وحدة لكن موقف في نص في نص المازورة (يعزف الأستاذ ناصر التمرين على الطبلة) هاي الوقفة مهمة عشان بتحسسنا أنه شفتتلّي لأنه لو كمّلت (يعزف الأستاذ ناصر التمرين على الطبلة) صار وحدة.


إذاً (يعزف الأستاذ ناصر التمرين على الطبلة). أشكال لإيقاع الشفتتلّي (يعزف الأستاذ ناصر التمرين على الطبلة) اتدربوا بتصيروا تسوّوا هيك. إيقاع السنباطي (يعزف الأستاذ ناصر التمرين على الطبلة) وتقريبا نفس الجمل التكنيكية اللي ممكن نتعرضلها أو ممكن نتطرقلها في إيقاع الشفتتلّي هي الجمل التكنيكية اللي ممكن نتعرضلها في إيقاع السنباطي (يعزف الأستاذ ناصر التمرين على الطبلة) إشي عشفتتلّي (يعزف الأستاذ ناصر التمرين على الطبلة) شفتتلّي (يعزف الأستاذ ناصر التمرين على الطبلة).


منشوفكم بالحصة الجاي من إعزف دوت كوم وأنا ناصر سلامة.


فيديوهات دروس الدورة - تعلم الطبلة مع ناصر سلامة
1 الدم و التك Opened 06:22
2 صوت التك الصحيح Opened 04:13
3 الإيقاعات الشرقية Opened 06:16
4 صوت الـ سك Opened 04:20
5 إيقاع المقسوم Opened 05:30
6 مهارة الرش Opened 03:39
7 إيقاع المصمودي الكبير و البلدي Opened 05:06
8 مهارة كتم الصوت Opened 06:39
9 تمرين ضبط الإيقاع Opened 03:32
10 طرق الكتم Opened 03:22
11 النقل بين الإيقاعات Opened 05:09
12 تغيير الصوت أثناء العزف Opened 05:06
13 إيقاع الوحدة الكبيرة Opened 03:02
14 إيقاعات شرقية Opened 03:21
15 الإيقاع السماعي الثقيل Opened 04:27
16 الفالس و الدارج Opened 04:27
17 إيقاع الدور الهندي و نوخد Opened 04:51
18 إيقاع الأقساق Opened 03:31
19 تقنيات متقدمة Opened 03:21
20 تمارين Opened 03:11
21 استخدام كلتا اليدين Opened 04:39
22 تقنيات تحلية العزف Opened 03:31
23 أساسيات فصل الحواس Opened 03:52
24 إدخال إيقاع على الرش Opened 02:45
25 تطبيق شامل Opened 02:29