ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
مهارة كتم الصوت

في هذا الدرس نأخذ تمرين كتم التك أو ال mute على آلة الطبلة واستخدامه في إيقاع المقسوم. يقوم ناصر بمراجعة مجموعة الأصوات التي تم أخذها سابقا في نهاية الدرس. ينصح ناصر الطالب/الطالبة أن لا يتقدم للدرس التالي إلا بعد إتقان تدريبات هذا الدرس و الأخذ بالنصائح الواردة فيه.


ناصر سلامة:


"(يعزف الأستاذ ناصر التمرين على الطبلة) الكل بشوف أنه هاي الأشياء هي تمارين معقدة على الطبلة أو هي تقنيات صعب الوصول إلها على الطبلة.


هلأ في حال كان وصلنا خلال التمن دروس السبع دروس الماضيين إحنا بالدرس التامن لوضوح بصوت التك ولدقة في أنه وين بالضبط بنزل التك يعني كل مرة عم بنزل بنفس المكان اللي إحنا ناويين ننزل فيه إحنا ممكن يكون بنيتنا كعازفين أنه مرة بدي إياه هون مرة بدي إياه هون (يعزف الأستاذ ناصر على الطبلة) عشان حسب الصوت أوكي. لكن إذا أنا عندي دقة في الصوت صوتي واضح (يعزف الأستاذ ناصر على الطبلة).


أوكي بقدر أبلش أستخدم إيدي اليمين في حال إيدي الشمال هي اللي عم بتعمل التك أو إيدي الشمال في حال أنه إيدي اليمين هي اللي عم تعمل التك بأنه أصغّر المساحة المعرضة للإهتزاز في الطبلة صوت التك بطلع بأنه أنا بضرب على حفة الطبلة بهتز كل السطح تبع الطبلة فبالتالي بطلع عندي صوت التك كل ما صغرت المساحة اللي بتهتز كل ما بصير الصوت أحد وأعلى وهذا التمرين اسمه تمرين كتم التك أو تمرين الميوت اطلعوا هذا الصوت صوت تك مفتوح (يعزف الأستاذ ناصر على الطبلة) بشكل كامل على الطبلة إذا بنزل إيدي وإذا بطلع إيدي من تحت لفوق بلاحظ أنه في صعود تدريجي في الصوت (يعزف الأستاذ ناصر على الطبلة) وإذا بنزلها بصير العكس. 


إذا بعد واحد تنين تلاتة أربعة (يعزف الأستاذ ناصر على الطبلة) مش مطلوب مني أنه أنا أكون بضغط على الطبلة بشكل أنها توقع أو أنه أنا مش حاطط إيدي يا دوب يا دوب ملموسة هي الطبلة ثابتة على رجلي بنفس الوقت إيدي عم بتمر على سطح الطبلة ومسكرة تماما المنطقة اللي بتنزل عليها (يعزف الأستاذ ناصر التمرين على الطبلة) هلأ هذا التمرين السهل.


التمرين الصعب أو التمرين الأصعب في الميوت هو أنه نقدر نلاقي توافق بين أنه انزّل إيدنا اليمين بنفس اللحظة اللي بتنزل فيها إيدي الشمال عشان أعمل تك مكتوم بعدين أرفع إيدي اليمين وأعمل تك عادي اطلعوا (يعزف الأستاذ ناصر التمرين على الطبلة) بهاي الحالة لازم نبلش نتمرن زي أي تمرين شوي شوي أولاً إيدي اليمين لما تنزل على الطبلة مش لازم تطلع صوت (يضرب الأستاذ ناصر على الطبلة بصوت خفيف) هذا الصوت الخفيف اللي عم بطلع بختفي بصوت التك (يعزف الأستاذ ناصر على الطبلة) بطيء، بعرف جزء منكم رح يصير (يعزف الأستاذ ناصر على الطبلة) أولها بتزبط بعدين رح تحس حالك إنك ورطت فادّرب شوي شوي ادّرب بوضوح أحسنلك.


أفرجيكم تمرين ممكن يساعد في أنه إحنا نعزف تمرين الكتم ويساعدنا يسلينا يخليه مسلي وممتع أكتر لأنه إذا بضلني أسوي هيك (يعزف الأستاذ ناصر على الطبلة) رح أزهق بس إذا بسوي هيك (يعزف الأستاذ ناصر على الطبلة). إيقاع المقسوم، إيقاع المقسوم دُم تك إس تك دُم إس تك إس أخدناه قبل كذا حصة وبديش أضل أعيده عشان ما نضيعش وقتكم والداون لود تبع الانترنت وقصة.


هلأ إيقاع المقسوم دُم تك إس تك دُم إس تك إس يعني دُم تك إس تك في تلاتة ورا بعض يعني (يعزف الأستاذ ناصر التمرين على الطبلة ويقرؤه قراءة إيقاعية) إذا بعبي التالتة وبعمل أول تك وتاني تك ميوتد أو مكتومين ببين عندي فرق في الصوت (يعزف الأستاذ ناصر على الطبلة ويقرؤه قراءة إيقاعية) آخر إس خليها تكّين من تبعون تمرين رقم تنين. اللي هو أنه نسرّع التك تبع إيدنا الشمال (يقرأ الأستاذ ناصر التمرين قراءة إيقاعية) (يعزف الأستاذ ناصر التمرين على الطبلة) وممكن كمان أنه نستخدم آخر تكّين اللي هم ال إس رقم تمنية بأنه يكونوا تبديل للإيد اليمين والشمال (يعزف الأستاذ ناصر التمرين على الطبلة) أوكي.


كيف منستخدم هاي التمارين ممكن يكون الإيقاع ماشي (يعزف الأستاذ ناصر التمرين على الطبلة)، إذا الميوت هي عبارة عن ضغط أو آكسنت بضيف لمجموعة الأصوات اللي تعلمناها. بدي أراجع بهاي الحصة مجموعة الأصوات اللي تعلمناها الحصة الجاي رح ننتقل على تمارين تكنيك شوي متقدمة لآلة الطبلة.


خلينا نراجعهم مع بعض الدُّم الصوت الأساسي، التك بالشمال التك باليمين السك الميوت والميوت الصاعد (يعزف الأستاذ ناصر الأصوات على الطبلة). 


منشوفكم الحصة الجاي في إعزف دوت كوم."


فيديوهات دروس الدورة - تعلم الطبلة مع ناصر سلامة
1 الدم و التك Opened 06:22
2 صوت التك الصحيح Opened 04:13
3 الإيقاعات الشرقية Opened 06:16
4 صوت الـ سك Opened 04:20
5 إيقاع المقسوم Opened 05:30
6 مهارة الرش Opened 03:39
7 إيقاع المصمودي الكبير و البلدي Opened 05:06
8 مهارة كتم الصوت Opened 06:39
9 تمرين ضبط الإيقاع Opened 03:32
10 طرق الكتم Opened 03:22
11 النقل بين الإيقاعات Opened 05:09
12 تغيير الصوت أثناء العزف Opened 05:06
13 إيقاع الوحدة الكبيرة Opened 03:02
14 إيقاعات شرقية Opened 03:21
15 الإيقاع السماعي الثقيل Opened 04:27
16 الفالس و الدارج Opened 04:27
17 إيقاع الدور الهندي و نوخد Opened 04:51
18 إيقاع الأقساق Opened 03:31
19 تقنيات متقدمة Opened 03:21
20 تمارين Opened 03:11
21 استخدام كلتا اليدين Opened 04:39
22 تقنيات تحلية العزف Opened 03:31
23 أساسيات فصل الحواس Opened 03:52
24 إدخال إيقاع على الرش Opened 02:45
25 تطبيق شامل Opened 02:29