في هذا الدرس يقوم الأستاذ بتطبيق تقنية الفرداش المشروحة في الدرس السابق من خلال الأغنية المعروفة .للسيدة فيروز نسم علينا الهوا.
ماجد سرور:
"أهلا بيكم في اعزف دوت كوم احنا دلوقتي وصلنا للدرس العاشر.
معاكم ماجد سرور إن شاء الله هنعزف يعني هنعزف إحنا دلوقتي هنطبق الفرداش في مقطوعة اختارتهالكم من مقام النهاوند مقطوعة معروفة للفنانة الكبيرة فيروز ونطبق بقى الفرداش هنقوله إزاي وبعد كداهو هنشوف بقى المقطوعات اللي عزفناها قبل كداهو بردو هنطبق فيها الفرداش في الأصوات الطويلة الممتدة ف تعالو نشوف دلوقتي هنعمل كده إزاي (يعزف الاستاذ ماجد التمرين).
ده إحنا أول مرة بندخل الفرداش أهو في مقطوعة ف هي الفرداش ده عشان الأصوات الطويلة وطبعا في الكمانجة الأصوات الطويلة بتبقى في القوس الطويل إحنا عشان نعمل كده لازم نتعلم الفرداش زي ما احنا اتعلمناه في الدرس السابق فهنشوف الغنا المذهب بتاع الأغنية دي هنغنيه إزاي مستخدمين تقنية الفرداش اللي احنا اتعلمناها وذاكرناها وبقينا تمام فيها (يعزف الاستاذ ماجد التمرين).
آدي شوفتو الفرداش وصلنا المقطوعة بشكل جميل والأصوات الطويلة خدت حقها يعني إحنا قبل كده عزفنا مونامور كنا بنعزف ونسكت لإن إحنا مكناش لسه اتعلمنا الفرداش ممكن هفكركو بس بالشبه اللي إحنا خدناه قبل كده عشان نزاكره برده و نرجعله ونزاكره تاني واحنا متعلمين بقى الفرداش وشاطرين وكويسين (يعزف الاستاذ ماجد التمرين).
إحنا بقى بعد ما اتعلمنا الفرداش وبقينا شاطرين وكويسين حنبتدي بقى نعيد كل المقطوعات اللي احنا اتعلمناها كداهو عشان نعزفها بقى والأصوات الطويلة فيها نمدها بالفرداش.
ده الدرس بتاع النهاردة وإن شاء الله تابعونا وهنتقابل على خير في الدرس القادم."
