متابعة لعزف التمارين بالإضافة الى تمارين جديدة على القانون ينوه الأستاذ ماجد بأن التمارين تحتاج الى صبر و تحتاج للتدرج بالسرعة حتى يتمكن الطالب من عزفها بطريقة صحيحة بدون أخطاء.
ماجد سرور:
"الخامس بتاعهم هيبقى الآربيج الآربيج ده اللي هو زي ما قولنا قبل كده لما نكون مثلا إحنا سلم الآربيج بتاعه سلم من الري للري حيبقى ري فا لا ري (يعزف الاستاذ ماجد التمرين).
هيبقى فيها يعني قفزة تالتة تالتة رابعة من الري للفا هنعدي المي وننط ع الفا ونعدي الصول ننط ع اللا ونعدي السي دو ونوصل للري يبقى هي دي القفزة الأخيرة رابعة بس هنعملها بالشكل تاني بقى (يعزف الاستاذ ماجد التمرين) ده الشكل الآربيج بشكل تمريني كده يخلينا نطلعه وننزله وهو بيبقى صعب شوية بس لما نذاكره كتير بيبقى تمام جدا تعالى عايزين نسمع بقى يعني كوكتيل الخمس تمارين دول على بعضيهم نسمعها كإنها مقطوعة واحدة (يعزف الاستاذ ماجد التمرين).
وطبعا إحنا التمارين اللي احنا بنقدمها بنزاكرها في الأول بسرعة بطيئة جدا لحد ما نحفظها ونتمكن منها بالسرعة البطيئة وبعد كداهو بنبتدي نسرع ونسرع ونسرع سنة سنة لكن مانقدرش نزاكرها من الأول سريعة لإن احنا لازم نحافظ على الحاجات اللي احنا قولنا عليها في البداية خالص إن احنا الصباع بيترفع كله كامل جدا وبينزل بقوة جدا كل الحاجات دي يعني مع التمارين دي لازم نزاكرها في الأول ببطء شديد خلاص حفظناها وأتقناها بالبط ده لازم نسرع سنة ونسرع سنة ونسرع سنة هنعد نتمرن كتير جدا نتمرن بالست سبع ساعات في اليوم يعني اللي عايز يبقى عازف كويس لازم هيتعب كتير وزي ما اتفقنا إن القانون ده بيحتاج صبر كتير جدا عشان نبقى عازفين تمام إن شاء الله نلقاكم إن شاء الله في الدرس القادم."
