في هذا الفيديو نتعلم مع الأستاذ ماجد سرور طريقة عزف الأغنية الطربية المشهورة يا مال الشام على آلة القانون.
ماجد سرور:
"أهلا بيكو في اعزف دوت كوم إحنا وصلنا للدرس الأربعتاشر معاكم ماجد سرور وإن شاء الله هنعزف يعني هنعزف النهاردة.
بردو بنتواصل في مقام الراست و هنعزف لحن معروف أغنية يا مال الشام وحنتعلم إزاي نعزفها خليكو معايا (يعزف الاستاذ ماجد التمرين).
طبعا إنتو ملاحظين أنا بقول الحروف بتاعت الغنا بالظبط عشان يعني في الغنا هنا لما بتيجي تعزف آلة موسيقية وتقول غناء لازم بتلتزم جدا جدا بالحروف حتى لو عندك مهارات وصلت لمرحلة قوية جدا لازم بردو تعزف الحروف بالظبط عشان المستمع العادي يبقى متابع إنت بتقول أغنية إيه لو انت عزفت الأغنية ووقفت في أغنية إيه يقولك دي كذا مايتوهش منك بمهارتك تتوهه لأ انت لازم تلتزم الحروف (يعزف الاستاذ ماجد التمرين) طبعا أول ما بنلاقي حرف طويل شوية بنطوله (يعزف الاستاذ ماجد التمرين) يا مال الشام دو سي لا دو دو سي دو سي لا سي دو سي دو سي لا صول (يعزف الاستاذ ماجد التمرين).
الجزء اللي باقي في يا مال الشام هو يعني محتاج تفسير أقوى شوية ف يعني انا عايزك انت تجتهد تطلعه أو إنتي تجتهدي وتطلعيه استخدمتي مهاراتك اللي اتعلمتيها في الدروس السابقة يعني ده أنا مش هعزفهولكو إنتو هتطلعوه مع نفسكو لكن هعيد تاني نفس اللي إحنا قولناه في الأول عشان تالخدو بالكو من إيديا ونشوف إحنا بنعمل إيه وبنعزفها إزاي (يعزف الاستاذ ماجد التمرين). تابعونا وإن شاء الله نلتقي في الدرس القادم."
