متابعة لعزف الأغنية الرائعة , اهو ده اللي صار لسيد درويش , حيث يبين الأستاذ ماجد التحويلات التي تتم اثناء .العزف على القانون.
ماجد سرور:
"أهلا وسهلا بيكم في اعزف دوت كوم احنا دلوقتي وصلنا للدرس التمانتاشر وماتنسوش شعارنا هنعزف يعني هنعزف.
متهيألي احنا دلوقتي خلاص بقينا بنعزف يعني ف المرة دي هعزفلكو الجزء التاني أو الكوبليه بتاع أغنية أهو ده اللي صار عشان نشوف بقى نقارنه باللي احنا طلعناه بمجهودنا تعالو نشوف مع بعضينا (يعزف الاستاذ ماجد التمرين) الجديد هنا إن احنا على عزفنا على ديوان واحد في الكوبليه عشان احنا دخل علينا عربة في اللازمة في اللزم الموسيقية اللي بين الغنا و في الغنا نفسه أوله كان فيه تحويلة عن المقام التحويلة دي كانت في حرف السي حرف السي هنا المفروض إن هو في المقام هو سي بيمول احنا اتحول حسب رؤية الملحن وخلاها نص (يعزف الاستاذ ماجد التمرين) (يقرأ الاستاذ ماجد النوتة) آدي السي بقيت سي نص بيمول يعني إحنا عربة واحدة بس هي اللي نازلة (يعزف الاستاذ ماجد التمرين) هنا الغنا بس اللي بنعوز فيه في أوله السي نص بدال ما يسأل فينا حاسد هنا أنا غنيتها وعزفت عشان أوريكو الفرق هو الغنا بس في أوله هو السي نص لكن بعد كداهو بنرجع تاني للسي بيمول (يعزف الاستاذ ماجد التمرين) وبردو عيدنا على نفس التقنية اللي احنا قولنا عليها اللي هي سميناها الكونتر اللي هي الشمال بتسبق اليمين بنفس الحرف هنا بنقول فا واليمين بتقول فا اللي في الأوكتاف اللي فوقيها بس فا فا مي مي ري ري دو دو سي نفس الموضوع نفس التقنية (يعزف الاستاذ ماجد التمرين).
ف النهاردة اتعلمنا بردو في الأغنية إن احنا لما بتقابلنا تحويلة ممكن إن أنا اعزف بس مش ع الأوكتافين زي ما كنت باعزف في الأول هقولها عشان هارفع العربة وبعدين إيديا الشمال قريبة من العربة بارفعها وباقول العربة وباغني بقيت الكوبلية لحد ما اخص التحويلة دي وبعد كداهو إيديا الشمال تشترك وترجع تاني على الأوكتاف اللي تحت زي ما كنا بديناه (يعزف الاستاذ ماجد التمرين). تابعونا والدرس القادم نلقاكم على خير."
