.مجموعة من التمارين تمكن الطالب من تطوير نفسه في عزف السلم الموسيقي و تطبيق القفزات في العزف.
ماجد سرور:
"أهلا وسهلا بيكم في اعزف دوت كوم معاكم ماجد سرور.
إن شاء الله إحنا في الدرس الخامس إحنا هنبتدي النهاردة نعمل أشكال تمارين على اعتبار بقى إن احنا إيدينا مشيت ع القانون وبقينا نقول سلالم وأوكتافات هنبتدي نعمل أشكال ونكررها يعني مثلا هنعمل تمرين للسلالم (يعزف الاستاذ ماجد التمرين) وهكذا التمرين بنطلعه درجة درجة وبننزله درجة درجة ده تمرين للسلالم هنبتدي نعزف تمرين بشكل تاني نتعلم منه حاجات تانية (يعزف الاستاذ ماجد التمرين) ده شكل تاني بردو من التمرين نتعلم منه السلالم والقفزات والتمرين التالت للقفزات (يعزف الاستاذ ماجد التمرين).
ده قفزات بس بحتة يعني كلهم على قفزة التالتة اللي هو يعني من الري نقفز للفا يبقى التالتة ري مي فا ومن الفا نقفز لللا يبقى فا صول لا يعني بنسيب الصول ونوصل للا يعني من الري للفا بنسيب المي من الفا لللا بنسيب الصول يبقى احنا كده اتعلمنا تلات تمارين هعملكو كمان كوكتيل منهم يعني هنعمله كتمرين واحد بس إحنا هو ده عبارة عن أربع خمس تمرينات في بعض بنعزفه بقى ونعمله بسرعة جدا وكده بيعلي مستوى التكنيك عندنا (يعزف الاستاذ ماجد التمرين).
ده بردو شكل تاني من السلالم والقفزات يبقى احنا كده خدنا اربع تمارين."
