الدروس
02:00:96 ساعة
25 الدروس
القانون
تمرين على مقام الرست
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

.يقوم الأستاذ ماجد بعزف تمرين على مقام الرست مع تطبيق تقنية الفرداش.


ماجد سرور:


"أهلا وسهلا بيكم في اعزف دوت كوم إحنا وصلنا للحلقة التلاتاشر.


معاكم ماجد سرور مش عايزين ننسى إن احنا هنعزف يعني هنعزف النهاردة من مقام الراست هألفلكو تمرين كداهو المقصود منه نعمل تقنية جديدة يعني نستخدم الفرداش بشكل أقوى شوية ويبقى تمرين ليه لحن يخلينا نحب نعزفه يعني ف تعالو نسمع مع بعضينا (يعزف الاستاذ ماجد التمرين) إحنا عملنا في الأول شكل يبقى فيه مهارة شوية وبعد كده ابتدينا ندخل في جملة المقصود منها إن احنا نتعلم الفرداش أكتر ونقول الفرداش بشكل مش الطويل ده ميبقاش الطويل مش محسوب يعني أو بيبقى أسهل لكن لما بنعمل الفرداش قصير كداهو متقنن ده بيحتاج مهاردة أكتر ف نعيد تاني التمرين عشان أوريكو المهارات اللي فيه (يعزف الاستاذ ماجد التمرين).


إحنا عملنا الجملة الأولانية على الأوكتاف اللي هو المتوسط وبعد كداهو طلعنا ع الأوكتاف الأعلى منه عملنا نفس الجملة بالظبط بس ع الأوكتاف الأعلى وبعد كده عملنا قفزة للأوكتاف اللي تحتيه وقولنا الجملة الجديدة اللي هي (يعزف الاستاذ ماجد التمرين) ري دو سي سي لا لا صول الفرداش قصير وآخره الحرف اللي تحتيه ري دو دو سي سي لا لا صول إحنا هنا بنتعلم إزاي نتحكم في صباعنا أوي عشان نعمل الفرداش القصير ده بيبقى أصعب شوية هنزاكره ببطء عشان لحد ما نجيبه بسرعته الطبيعية (يعزف الاستاذ ماجد التمرين) القفلة اللي احنا عملناها دي شبه قفلة التقاسيم شوية دو سي سي لا لا صول صول فا فا مي ري صول مي دو زي قفلة التقاسيم شوية عشان احنا طبعا هنخش بعد كداهو ندخل في تقنية التقسيم وطبعا يعني أي عازف قانون يعني لازم يبقى طالما بقى عازف حلو كده ومخضرم لازم بيكون بيقسم كويس ف طبعا هنخش بعد كداهو في مهارة التقاسيم بس نعملكو نوع من التمهيد في جملة قصيرة نبقى فاهمين من خلالها التقسيم بيتعمل إزاي.


خليكو معانا وتابعونا وإن شاء الله نلقاكم على خير في الدرس القادم."

عن المدرب
ماجد سرور
ماجد سرور
ماجد سرور هو أحد أهم عازفي القانون في العالم ، حاصل على درجة الدكتوراه في آلة القانون، جاءت دراسته تحت عنوان " أساليب الأداء للمصاحبة الغنائية بين النصف الأول والثاني من القرن العشرين "،حيث قدم خلالها مجموعة من أشهر الألحان لكبار النجوم مثل أغنية " أنا وحبيبي" و"هلت ليالي القمر" لأم كلثوم و" جبار" للفنان عبد الحليم.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!