ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
17 - متابعة أغنية فرقة الإيجلز

و يكمل شرح بقية المقاطع حتى نهاية الأغنية Hotel California في الدرس السابع عشر يستكمل جورج أغنية>


جورج النجار:


"اهلا بكم في اعزف دوت كوم انا جورج النجار و هذا الدرس رقم سبعطعش بالبوب جيتار .


شفنا المره الماضيه المقطع الاول من hotel California ,و حكينا انه في اغاني كثير بتعتمد على مبدأ المقطع بعدين المقطع كمان مره مش شرط بس مره مره وحده و بيجي كمان مقطع ثاني .


و في اغاني بكون فيها مقطعين ومرات في اغاني بتكون هيك مختلفه بتكون الاغنيه مقطع واحد بجوز يتكرر و بجوز لا و بعدين مقطع و برجع للمقطع الاول كمان مره و بجوز كمان مره مقطع اثنين على شان التنويع , و مرات في مقطع ثالث اشي صغير جسر او شي و كله هذا الحكي رايحين نحكي عنه بالتفاصيل , بجوز من حيث المبدأ انه الاغنيه ما تمون ممله لانه مهما كان المقطع حلو اذا بتضلك على نفس الاشي ماشي بعد دقيقه دقيقه و نص المستمع بمل , بس الموضوع هذا مش صحيح فقط للفرق الموسيقيه المحترفين ايضا هذا الك انت كعازف جيتار اذا انت بدك تعزف اغيه دايما على نفس النمطيه طول الوقت اللي قاعد بسمعك دقيقه دقيقتين ممكن يزهق فأنت لازم تنوع , هذا من الاسباب اللي شرحت عن ال careless whispers بالطريقه اللي ساويتها , بجوزهيه بسيطه و اذا بها تفكر فيها بجوز بدهاش تعليم اذا انت بتعرف الكوردات بقدر الواحد يقول ( يعزف الاستاذ جورج التمرين ) ضربه T هيه لحالها.


ف ب hotel California احنا خلينا نعزف المقطع الثاني و نشوف كيف هيه الكودات , هيه بجوز فيها تحدي اكبر شوي ,فبعد ما نعمل ال ( يعزف الاستاذ جورج التمرين ) كما هو ( يعزف الاستاذ جورج التمرين ).


بعدين المقطع الثاني ( يعزف الاستاذ جورج التمرين ) و بترجع كمان مره المقطع الاول , طيب خلينا نشوف المقطع الثاني عملناه مرتين , و برضه اذا بتحبوا تكتبوا اربع كوردات بعدين اربع كوردات و بلشت تبين انه بلش يتكررموضوع الاربع كوردات و بعدين الاربع كوردات , فكان في اسباب و كثير من الاشياء اللي انا بشرحلكوا اياها كان في مسببات اذا بدي اشرحها في البدايه مش رح تفهموا علي ميه بالميه شو اللي بقصده انا , فبدي اياكوا تتابعوا الموضوع هذا انه لما نتعامل مع الكوردات كسلسله من اربعه هو الموضوع مش بس مريح و عملي , لاهو في جزء من الموسيقى هيك او خلينا نحكي انه جزء من الموسيقى هيك و بعدين رح نفوت بتفاصيل اخرى بهذا الموضوع , اذا عم نحكي كورد ال F و شفناه كيف بنعمل ( يعزف الاستاذ جورج التمرين ) C( يعزف الاستاذ جورج التمرين ) Eماجور ( يعزف الاستاذ جورج التمرين ) A ماينور ( يعزف الاستاذ جورج التمرين )بتعيد من ال F ( يعزف الاستاذ جورج التمرين ) C كمن مره ( يعزف الاستاذ جورج التمرين ) زي هذاك ( يعزف الاستاذ جورج التمرين ) ما اختلف B ماينور.


ماشي , طبعا مع هذا اللي ساويناه انه المقطع الاول مرتين و بنعاد كمان مره المقطع الاول مرتين و بعدين بنعاد المقطع الاول كمان مره مرتين , بس موضوع الاعادات هذا لو الواحد بده يفكر فيها بجوز في ناس بيسمعوا الاغنيه و ما بدققوش كم مره بينعاد هذا المقطه و هذاك كم مره بينعاد بس انت كموسيقي بدك تركز على الاشياء هاي , و بدنا نترككوا هلا تتمرنوا على الاغنيه هاي و تزبطوها و بدكوا كمان تحفظوا الكلمات , و حاولوا دايما تستغلوا الوضع لانه بجوز انتوا تضلوا تعيدوا بجوز النقله مثل ( يعزف الاستاذ جورج التمرين ) من ال E الى ال F يعني خشه بين المقطع الاول الى الثاني رايحين تعيدوه كذا مره و مو غلط انه تحفظوا الكلمات و تعرفوا اللحن كيف جاي لو تدندنوا ( يعزف الاستاذ جورج التمرين ) لانه كثير ناس هون بتقول انا بديش اغني انا صوتي مش حلو و الى اخره الى اخره الى اخره , لا الموضوع خلينا نعتبره موضوع علمي شوي لانه ما فيش حدا بقول انا بديش اكتب لانه انا خطي مش حلو , مش مزبوط , فموضوع انكتحاول لانه مره على مره مره على مره لانه احنا مش دروس غناء الموضوع بس موضوعنا انه تكون انت قادر تمسك الزمن لو تخربطت مره ما في مشكله هي الموضوع عباره عن محاوله يعني ما في مشكله لو الواحد عمل غلط بس المشكله انه الواحد ما يحاول , و رايحين نرجع بالدرس الجاي نحكي عن بعض لتفاصيل لاغنيه Hotel California و تحضيرا لبعض الامور اللي رح نحكيها مستقبلا.


 نشوفكوا بالحلقه الجايه."


فيديوهات دروس الدورة - تعلم الجيتار 1
1 وظائف اليد اليمنى Opened 07:05
2 اليد اليسرى Opened 06:34
3 الكوردات Opened 05:38
4 مبادئ الجيتار 1 Opened 06:11
5 كوردي الـ سي و الـ جي Opened 06:25
6 كورد أي ماينور Opened 05:35
7 أغنية سيلد ويذاكيس Opened 06:49
8 نمط ايقاعي جديد Opened 05:09
9 الأنماط الايقاعية Opened 06:39
10 أغنية ليت إت بي Opened 04:02
11 متابعة أغنية البيتلز Opened 04:59
12 أغنية ويشيو ويرهير Opened 06:47
13 نمط ايقاعي جديد Opened 04:38
14 أغنية كيرلس ويسبارز Opened 06:10
15 التنوع في العزف Opened 06:27
16 أغنية هوتيل كاليفورنيا Opened 05:04
17 متابعة أغنية فرقة الإيجلز Opened 06:05
18 التنوع و الإحساس في العزف Opened 06:10
19.1 أسماء النغمات Opened 06:44
19.2 الفلات و الشارب Opened 06:44
20 عنصر الزمن Opened 06:42
21 تطبيق على النمط الإيقاعي Opened 02:19
22 أغنية كانت هيلب فولينج إن لف Opened 02:43
23 أغنية يو جتو هايد يور لف أويه Opened 05:58
24 متابعة أغنية يو جت تو هايد يور لف Opened 05:42
25 مفهوم تغيير الطبقة Opened 06:53