The Beatles لفرقة Let it be في الدرس الحادي عشر نستكمل الجزء الثاني من أغنية.

جورج النجار:

"اهلا بكم باعزف دوت كوم اناجورج النجار وهادا درس رقم احدعش بالبوب جيتار.

شفنا المرة الماضية بداية اغنية لت ات بي مع ايقاع جديد بدنا نشوف هسا المقطع التاني وكيف بدنا نربط الاغنية كلها مع بعضها ، هون في تنبيه صغير كثير ناس بما انو الايقاع في تفاوت زمني بين الضربات بحاولو يختصرو موضوع اني اعد شوي شو ون تو ثري فور فايف سكس سيفن ايت اذا انت قادر ، عالبعض بسهولة بيمسك كورد ، وعالبعض بيحس انو في ايشي غلط بيحاولو بجميع الوسائل ما عدا قضية انهم يهدو اللعب شوي ون تو ثري فور والنتيجة مرات بيمر اسبوع اسبوعين ولسا بيحس حالو ما بيعزف مزبوط ببساطة مشان ما تضيع وقت ارجع ، واحنا بنحكي عن دقييقة دقيقتين ، كل يوم طبعا حاليا بجوز العد اختياري انا بفضل تتمرن على الموضوع انك تعد وانت بتعزف لانه لاحقا لما بدنا نمسك اشياء متقدمة اكثر رح تحتاجه.

طيب المقطع التاني من لت ات بي اذا حكينا انو المقطع الاول G D Eماينر C Gهاد المقطع الاول G D Eماينر C ونمسك الجزء او النص التاني من المقطع الاول G D C G بنعيد الحكي هاد بالاغنية كل هادا الحكي مرتين متل سيل اوف ذا كيس بعدين بنخش عالمقطع التاني نقرأ الكوردات اولا الي هم Eماينر D C G برضو هم تمانية وافضل انه نكتبه بنفس الاليه الكوردات هدول حكينا اول اربعه من المقطع التاني نكتبهم E ماينر D C G في سيطر والسطر الثاني نكتب G D C G اذا بدي اكتب هيك رح تلاحظ انه السطر التاني بالمقطع الاول تماما زي السطر التاني بالمقطع التاني نعزفهم ، بدي اعزف مرة بالمقطع الاول ، وبدون توقف بدي افوت المقطع التاني بالاغنية اول مرة هي مش هيك ، المقطع الاول بنعاد مرتين ، ( يعزف الاستاذ جورج التمرين ) المقطع التاني ( يعزف الاستاذ جورج التمرين ).

اوك هسا بدنا نعزف الاغنية كلها نفس النمطية ، الاغنية من اول بنمسك المقطع الاول بنعيد المقطع الاول كمان مرة بعدين بنخش على المقطع التاني وبنعيدو كمان مرة بعدين بنرجع للمقطع الاول ، عشان توخدو فكرة كيف الموضوع بيصير ، من اولها ( يعزف الاستاذ جورج التمرين ) المقطع الاول اعاده ( يعزف الاستاذ جورج التمرين ) المقطع التاني ( يعزف الاستاذ جورج التمرين ) اعاده ( يعزف الاستاذ جورج التمرين ).

نرجع للمقطع الاول ( يعزف الاستاذ جورج التمرين ) وطبعا بدنا اننبهكم لقضية انو المقطع الاول بينتهي ب G والمقطع التاني كمان بينتهي ب G وفي G الكورد الي بعده فانتبهو لهالقضية فحاولو تتدربو عليها من الكتابة الي قدامكم انو ماشيين عالكورد الصح ، التدريب ضروري ، وهو التدريب مش بس عشان الاغنية تطلع مزبوط ، عشان تبلشو تتعودو عالموضوع عشان تركزو ، زمنيا شو الكورد الي انا ماسكو وقديش لازم امسكو كل الموضوع بتجمعو مع بعض بنعالج الكورد لحال والايقاع لحالو بس بالنهاية بدنا نجمع كل الحكي هاد مع بعض ، عشان الموضوع يصير فن عزف.

بنشوفكم في الدرس الجاي."