في الدرس الرابع نتعرف على كورد جديد و هو كورد الـ دي مايجورثم ننتقل إلى مفهوم الأصبع القائد في تحضير الكوردات في اليد اليسرى و نبدأ بتعلم لحن عالمي معروف كتطبيق عملي.
جورج النجار:
"اهلا بكم مرة اخرى باعزف دوت كوم ، انا جورج النجار وهادا درسنا الرابع بالبوب جيتار .
قبل ما نروح عالاغنية الي بعديها بدنا نتعلم كورد جديد ، اسمه D ماجور وهاي شكلو ، اصبعي الاول عالوتر التالت ، الاصبع التاني عنفس الخانة بس عالوتر الاول تحت ، صار في فراغ بين الاول والتاني ، بتحط عليه الاصبع التالت ، بس الخانة الي قدام ، هاضا اول مرة تقدم للخانة التالته ، وكان ال E ماينور بالخانة التانية ، كذلك ال E ماجور كورد ال E ماجور رحنا شوي للخانة الاولى.
هسا مع ال D مشينا شوي للخانة التالتة ، ( يعزف الاستاذ جورج التمرين ) خلينا نشوف كيف كيفية النقل من ال A ماجور لل D ماجور رايحين نحتاجو بعد اغنيتنا ، كتير ناس بيحاولو يحطو تلات اصابع مرة وحده ، زي مانا قاعد بساوي ورح يصير هيك بالنهاية ، لكن الشطارة في البداية انك تحاول تتمكن من اصبع واحد ، احنا بنسمي الاصبع القائد ، يعني اذا انا خلينا نرجع شوي من النقلة من ال A ماجور لل E ماجور سهل لانو الكوردات ، الاصابع مضمومين مع بعض مش كتير صعب بس اذا بتفكر فيها ( يعزف الاستاذ جورج التمرين ) هسا بدي افكر فقط كيف بدي اجي عالاصبع الاول هون.
بتلاحظ انو اذا فكرت بالحركة هاي الباقي بيصير سهل ، هسا بس اقلب من ال A لل D (يعزف الاستاذ جورج التمرين ) ال D شوي بدو مجهود اكتر من ال E قكر كيف الاصبع هادا بدو يجي هون ( يعزف الاستاذ جورج التمرين ) حتى انا بعتبرو تمرين جيد انك تحاول تعمل اول مرات اصبع واحد فقط ( يعزف الاستاذ جورج التمرين ).
انسى انو بدك كمان اصابع يجو خلينا اول ( يعزف الاستاذ جورج التمرين ) اذا بتتمرن عالحركة هاي ، اصبع واحد ، سياسة فرق تسد ، ( يعزف الاستاذ جورج التمرين ) لما تتمكن من هاي النقلة ( يعزف الاستاذ جورج التمرين ) رح تلاحظ انو مش صعبة انو تضيف الاصبع التاني.
برضو ، تمرن كمان دقيقية دقيقتين ، خمسة عشرة قد ما تاخد معك ، او معاكي ، واعمل ( يعزف الاستاذ جورج التمرين ) اذا هدول التنين صارو هون صار هاض السهل ، لكن اذا من اولها حاولنا تعمل هيك ، مش رح تيجي ، مرة على مرة حتيجي ( يعزف الاستاذ جورج التمرين ).
اللحن ، ماشي ، برضو لحن عالمي ( يعزف الاستاذ جورج التمرين ) كيف بدنا نشوف اللحن ، بدنا نشوف شو النقلات ، ( يعزف الاستاذ جورج التمرين ( يقرأ الاستاذ جورج التمرين قراءة ايقاعية ) مرة كاملة عال A ماجور وبعدين كمان مرة ( يعزف الاستاذ جورج التمرين ) ( يقرأ الاستاذ جورج التمرين قراءة ايقاعية ) وبيطلع اللحن معنا هيك ( يعزف الاستاذ جورج التمرين ).
بعدين بتروح على ال D ماجور ( يعزف الاستاذ جورج التمرين ) نص لاحظتو ، زي LONDON BRIDGE نص عال E نص عال A زي ما لاحظتو ، هون عندك نص عال D نص عال A فاذا من قبل ما تبلش اللحن كيف احنا حكينا بدنا نتمرن على النقلة من ال A لل E والعكس ، وبعدين بنحاول نعزف الاغنية كاملة.
وبعدين هون بدنا نحكي عن السرعه ، مش ضروري ( يعزف الاستاذ جورج التمرين ) لا خليها شوي شوي ( يعزف الاستاذ جورج التمرين ) نعتبر هادا الجزء الاول شو صار معانا ، A كامل (يعزف الاستاذ جورج التمرين ) كمان A (يعزف الاستاذ جورج التمرين ) نص D نص A ( يعزف الاستاذ جورج التمرين ) E كامل ( يعزف الاستاذ جورج التمرين ) ورايحين تلاحظو ايشي ، انا ما حكيت A ماجور زي محكيت اول ايشي او ال D ماجور لانو اذا نوع الكورد ماجور مش ضروري تذكر انه اسمه ماجور اذا هو من اي نوع اخر وفي انواع غير الماينور رح نشوفهم لاحقا يعني اذا كان عندي كورد E ماينور ما بزبط القول E لانو الي بيسمع رح يفكرو ماجور فدايما ، اذا كورد ماجر فيك تحكي D E A او D ماجور مش مهم ، كمان مرة A مرة كاملة ومرة كاملة انا قاصد ، ( يقرأ الاستاذ جورج التمرين قراءة ايقاعية ) (يعزف الاستاذ جورج التمرين ).
هاي عنا مفهوم مرة بعدين كمان مرة A مرة كاملة ، بعدين نص Dنص A و E مرة كاملة هسا الجزء التاني تقريبا نفس الشي ( يعزف الاستاذ جورج التمرين ) كمان مرة كاملة ( يعزف الاستاذ جورج التمرين ) نص دي ( يعزف الاستاذ جورج التمرين ) نص A وهون الفرق ( يعزف الاستاذ جورج التمرين ) اذا هو نفس الجزء الاول ، الفرق انو في النهاية بدل ال E كامل عن النص E نص A زي الاغنية الي قبل.
فهون انتو منتبهين ليش انا نقيت هاي الالحان ، في بناء ، يعني بنحاول نرتب الالحان انو كل مرة تتعلم لحن جديد وكورد جديد عشان ما تقلقو بجوز انتو مشا حابين تعزف جانجل بيس او لندن بريجز فولنج داون اوك ، اعزفو لدرجة انكو تتعلمو نقلة الكوردات ، لاحقا رح تكون عندك القدرة تعزف اي اغنية بدك اياها واذا بتتقدم في دروس رح توصل لقدرة انك تسمع اللحن تعزفو لحالك ، بس بدك تصبر شوي.
بنشوفكم الدرس الجاي."
