في الدرس الخامس و العشرين يعرفنا جورج على مفهوم نقل الطبقة أي نقل الأغنية من طبقة لأخرى مع توضيح من خلال أمثلة سهلة على الموضوع .

جورج النجار:

"اهلا بكم في اعزف دوت كوم انا جورج النجار و هذا الدرس رقم خمسه و عشرينو الاخير بالسلسله الاولى من الدروس بالبوب جيتار.

بدنا نحكي عن موضوع كثير كثير كثير مهم و انا شبه متأكد انه واجهتوا مشاكل بهذا الموضوع لانه الواحد صار يعزف اغنيته الاولى و الثانيه و الثالثه.

كثير منكوا بفكر انه اه خليني اعزف مع المسجل انا بدي احط المسجل و اعزف معه و هون في انا دايما بقترح انه لازم الواحد يعمل هيك قدر الامكان لانه تدريب ممتاز يعني كأنه الواحد بيعزف مع فرقه , بزيد من مهارتك و من فهمك للموسيقى و من حسك للموسيقى لانه انت رح تعزف شغله ناعمه و مش رح تعزف شغله زي ( يعزف الاستاذ جورج التمرين ) مع اغنيات ناعمه و العكس صحيح .

لكن المشاكل خلينا نشوف شو هيه , اولا موضوع الدوزان , يعني بدنا نفرض انه في فلان عزف الاغنيه الفلانيه و اول نغمه عنده بالاغنيه الفلانيه لنفرض انه هو E بتتذكروا انه هذا الوتر اسمه E لنفرض انه هيك بلشت الاغنيه ( يعزف الاستاذ جورج التمرين )و بجوز حتى تشوف فيديو للزلمه و هو بعزف و بجوز حتى تقرأ عن الموضوع انه هو E فانت بتعزف هاي معه بس مش عم تطلع صح , الاحتمال الاول انه جيتارك مش مدوزن صح يعني النغمه اللي انت بتعزفها E الجيتار نسبلبعضه مدوزن صح و صوته كثير حلو بس هو مش E لانه ال E الحقيقيه مفروض تكون هيك ( يعزف الاستاذ جورج التمرين ) مش هيك ( يعزف الاستاذ جورج التمرين ) لازم يكون مدوزن صح , بس حتى لو في كل اشي عنك صح عندي في مشكله اضافيه و بدنا نحكي عنها اللي هي نقل الاغنيه من طبقه الى طبقه اخرى و بدنا نمسك على سبيل المثال let it be ف let it be احنا اخذناها G ( يعزف الاستاذ جورج التمرين ) بتتذكروها ؟.

اكيد لازم تتذكروها ( يعزف الاستاذ جورج التمرين ) الطبقه هاي بتناسبني و الكوردات فيها سهله ( يعزف الاستاذ جورج التمرين )بس بدنا نفرض انه ست بدها تغني معي هل انه بتقدر تنزل صوتها هيك ( يعزف الاستاذ جورج التمرين ) بتقدرش و اذا حاولت كثير رح تطلع عليها فبدنا نكتشف و رايحين نكتشف انه الكوردات اللي بتوخذها الاغنيه مش ضروري تكون هاي الكوردات تحديدا يعني انت بتقدر ترفع الاغنيه نص درجه بتتذكروا انه انا حكيت انه في C و في ال C شارب خلينا نوخذ تجربه نمسك عازفه صغيره Twinkel twinkle الكل بيعرفها ( يعزف الاستاذ جورج التمرين ) رايحين بتلاحظوا انه انا عزفتها من هون ملاحظين هي النغمه الاولى ( يعزف الاستاذ جورج التمرين ) طيب خلينا نمسكها من هون درجه لفوق اه مش مشكله يعني انا ممكن اوخذها من هون ( يعزف الاستاذ جورج التمرين ) بطلع غلط عندي بس لما ارفع كل الدرجات بنفس الدرجه يعني انا رفعت هاي نص درجه يعني بدي ارفع كل النغمات نص درجه يعني انا في البدايه كنت بعزف هون نوخذ هاي ( يعزف الاستاذ جورج التمرين )و بعدين هون بالثالثه ( يعزف الاستاذ جورج التمرين .

بعدين بالخاميه ( يعزف الاستاذ جورج التمرين ) و برجلع للثالثه ( يعزف الاستاذ جورج التمرين ) هسا اذا بدي اعزفها من محل ثاني ( يعزف الاستاذ جورج التمرين ) و اللحن مزبوط , بالثالثه ( يعزف الاستاذ جورج التمرين )احنا قاعدين بنرفع , طيب من هون ( يعزف الاستاذ جورج التمرين ) النوته رح تطلع مزبوطه , طيب خلينا نمسك اشي بسيط من ال A اول اغنيه اخذناها ( يعزف الاستاذ جورج التمرين ) نفرض انه في بنت بدها تغني الاغنيه هاي و كانت كثير غليض صوتها فبدها اعلى بجوزنعملها من هون ( يعزف الاستاذ جورج التمرين ) رفعتها و مش كثير قديش رفعتها من هون لا تدققوا بالموضوع ( يعزف الاستاذ جورج التمرين ) بنرفعها حتى اكثر ( يعزف الاستاذ جورج التمرين ) بتبلش تصير اعلى من اللي بقدر اغنيها انا , احنا اخذنا الاغاني و هذا بسموه ال ترانس بوزيشين , و نقل الاغاني من طبقه الى طبقه اخرى هي قضيه لازم كل موسيقي لازم يدركها لاحقا , فلا تقلق اذا انت اخذت اغنيه و حاولت تعزفها مع المسجل و ما طلعت مزبوط و همه بيعزفوا مزبوط لكن مع بعض مش مزبوط نمسك هذا المثال يعني مثال بسيط يعني نمسك اغنيه نفسها الاغنيه على شان نسهل الموضوع بنوخذ London bridges falling down بنوخذها من ال G هسا ( يعزف الاستاذ جورج التمرين ) شو مسكتها انا قلت G بعدين رحت الى ال D طيب دقيقه احنا كنا متعلمينه انه نعزف من ال A بعدين اروح الى ال E و هسا صرنا نعزفها من ال G طيب خليني افكر فيها من ال A الى ال G , في عندي A B C D E F G اه و بعدين بيجيني كمان مره يعنني في عندي ال G و ال G شارب A اذا انا كنت اساويها من ال A الى ال E يعني انا نزلت نص درجه و كمان نص درجه ماشي الحال اذا ال A صار G طيب في الاصل الاغنيه من ال A و بتنقل الى ال E طيب ال E شو بصير ؟.

نفس الاشي احنا نزلنا ال A نص و كمان نص و صارت G نفس العمليه هسا بنمسك ال E اللي كانت عندي سابقا طيب الE , A B C D E اه وصلنا ال E بدنا نرجع من ال E , A B C D E و هون رح يكون ال E فلات اللي هو D شارب اذا اللي كان اول اشي A>>E بده يصير G>>D اذا الموضوع معقد راجع الفيديو كمان مره و جيب ورقه وقلم و احبها كمان مره لانه هاي من المهارات الضروريه , اذا ( يعزف الاستاذ جورج التمرين ) بدنا ننزلها و شوف كيف London bridges falling down بدها تنزل ( يعزف الاستاذ جورج التمرين ) اه بدنا ننزلها لسا اكثر من هيك ( يعزف الاستاذ جورج التمرين ) و الى اخر الى اخره بدنا ننزلها او نرفعها و هذا اسمه ترانس بوزيشين.

و ان شاءالله بنشوفكم الدوره الجايه."