في الدرس التاسع نستعرض النمط الإيقاعي الأول و نتعرف على نمط إيقاعي جديد و نتعلم مع جورج الفرق بين الأنماط الإيقاعية بشكل عام.

جورج النجار:

"اهلا بكم في اعزف دوت كوم انا جورج النجار . وهاد درسن التاسع بالبوب جيتار.

الايقاع الي شفنا ( يقرأ الاستاذ جورج التمرين قراءة ايقاعية ) ايقاع مميز وهادا بحب استخدمه دايما في بداية التعليم ، ( يقرأ الاستاذ جورج التمرين قراءة ايقاعية ) وبسرع.

بالحقيقة هاي الحالة الشاذه بالموسيقى انو تكون كل ضرباتي متساوية ، نادرا ، طيب لمن الواحد بيفكر فيها ، طيب اوك في الايقاعات الي مش متساوية ومش متساوية تعني في ضربات اكثر من ضربات ، بنقول ضربات اكتر من ضربات بنوقع في مشكلة ، قديش اطول ، يعني ايش كيفية الحساب ،هون بنقدر نحكي عن شغله نظرية شوي او فلسفية شوي انو من الصعوبات الموجودة في الموسيقى ، انه الموسيقى طبخة في مكوناتها الصوت والزمن ، والثنتين يعني البني ادام كائنات بصرية فالاشياء الي بنقدر نشوفها بنعتبر انو الواحد سهل يتعامل معها لكن الموضوع الي بدنا نسمعه او الموضوع الي بدنا نحسبه كالزمن صعب شوي ، فهو صعب اذا الواحد ما استخدم الادوات المناسبة ، عنا الادوات المناسبة حتى نتعامل مع الشي هادا ، الايقاع الجديد ، نحكي هيك ، ( يقرأ الاستاذ جورج التمرين قراءة ايقاعية ) ( يعزف الاستاذ جورج التمرين ).

نوخذ فكرة كيف الايقاع متقدم اكثر حتى هو ، حديث اكثر شوي صغيرة ، (يعزف الاستاذ جورج التمرين ) يعني الهزة الطريقة غير ، الحس غير ، نعزف مثلا كوردين ( يعزف الاستاذ جورج التمرين ) زي ال D وال C مع الايقاع القديم ( يعزف الاستاذ جورج التمرين ) ( يقرا الاستاذ جورج التمرين قراءة ايقاعية ) من جديد ( يعزف الاستاذ جورج التمرين ) ( يقرأ الاستاذ جورج التمرين قراءة ايقاعية ).

في ايشي مش مزبوط لو تحاول تعزف وتساويهم كذا مرة ورا بعض رح تحس انو في ايشي مش مزبوط ، في خطأ بمكان ما ، الخطأ هون اني خليت كل الضربات زي بعض ، طيب التي الاولانية الي بنعزفه هو ضعف الزمن كل الضربات الاخرى ، ماشي معلومة طيب شو سبب الضربات الاخرى ، كيف انا بحسب هيك شي ، اكيد شفتو كثير بفرق موسيقية او تدريب الفرق الموسيقية ناس بتعد وان تو ثري فور ون اند تو اند ثري اند فور وانا بفضل هون انو نستخدم الرقم بالانجليزي للعد لانه في ميزة بالاغنية بتحكي وان تو ثري الرقم باخد نفس واحد انما اذا بدك تاخد بالعربي واحد اتنين تلاتة التلاتة مشكلة بتاخد كتير زمن طويل خاصة لمن بدك تعزف سريع ، بالانجليزي نفس واحد بيضل اسهل ، هسا بدنا نحكي ( يقرأ الاستاذ جورج التمرين قراءة ايقاعية ) لا حظ كيف التي اطول ( يقرأ الاستاذ جورج التمرين قراءة ايقاعية ).

اوك بجوز انت بتحكي انو انا ملاحظ انو هو اطول بس كيف اطول ، هسا افضل طريقة انو الواحد يدرك كيف الموضوع بيمشي كالاتي كيب احنا بنحكي ( يقرأ الاستاذ جورج التمرين قراءة ايقاعية ) سبع ضربات ، حكينا انو هادا بياخد زمن اتنين من هدول فاذا اعتبرنا انو هادا بياخد اتنين صفا ثمانية ثمن ضربات او ثمن عدات هاي ثمانية اذا ( يقرأ الاستاذ جورج التمرين قراءة ايقاعية ) واذا بتحب تعد الحكي هادا افضل لانك مش فاضي تعد على اصابعك انت قاعد بتعزف اذا وان تو ثري فور فايف سكس سيفن ايت ون تو ثري فور فايف سكس سيفن ايت وان في البداية اولمرة تاني مرة بيغلب الموضوع بعدين بدون ما اعد او بقول خليني اعد بعقلي كثير سهل انك تعد بعقلك وما تعد مزبوط ، تسير تحكي وان تو ثري فور مش مزبوط لازم برضو العد زي ضربة الساعه لازم ( يقرأ الاستاذ جورج التمرين قراءة ايقاعية ) مع الزمن انت اذا بتعد من واحد لتمانية وان تو ثري فور فايف سكس سيفن ايت احكي كمان مرة دقيقة دقيقتين بجوز تحتاج تعدها باليوم اكم مرة وتعدها ثاني يوم ، وحتى تالت يوم مش مود نهائيا انك تبدا ، اول تمريناتك رح تعزف الاشياء القديمة الي بتعرفها ، بس عد شوي ومجرد ما تعد اكم من مرة راح تاخد على حس انو وان تو ثري فور فايف سكس سيفن ايت( يعزف الاستاذ جورج التمرين) بينت انو قديش هاد ضعف هادولاك .

اذا مستعجل وما بدك تعد فيك تتمرن معي زي ما بسوي بالفيديو ، عيد الفيديو واتمرن معاي ، ( يعزف الاستاذ جورج التمرين ) ابطأ شوي ( يعزف الاستاذ جورج التمرين ) والغاية ( يعزف الاستاذ جورج التمرين ) بنصحكو انو خدو وقت واتعودو عالموضوع ، بصوت عالي مع العزف مهم.

ومهم باشياء رايحين نتعلمها مستقبلا اوك عليكم تحضير هادا الايقاع عشان بالدرس العاشر ناخد عليه اغاني ونشوفكم الدرس القادم."