ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
2 - اليد اليسرى

في الدرس الثاني نتعرف على وظائف اليد اليسرى و تعريف الـ ”كورد“ و أرقام الأصابع و الأوتار ، ثم نتعرف على أول كورد و هو الـ آي مايجور ثم نتعرف على كورد الـ إي ماينور.


جورج النجار:


"اهلا بكم مرة اخرى في اعزف دوت كوم ، انا جورج النجار ، ورح نبدا هلأ بالدرس الثاني في عالم البوب جيتار.


حكينا اول ايشي بالحصة الي قبل هاي بالاولى ( يقرأ الاستاذ جورج التمرين قراءة ايقاعية ) ( يعزف الاستاذ جورج التمرين ) اسلوب العزف الايقاعي بدنا هسا نبدا نحكي شوي عن ايدنا اليسار ، خلينا نجرب لحن مشان ناخد فكرة عن كيفية العمل بالايد اليسار ، ( يعزف الاستاذ جورج التمرين ) اذا بتحبو تعيدو الفيديو شوي وانت بتتفرجو رح تلاحظو انو انا بمسك مسكة هون وبعزف فيها شوي بعدين بنقل للمسكة التانية ، بعزف فيها كمان شوي ، هدول المسكات اسمهم كوردات ، وكل كورد ، الو صوت مميز ( يعزف الاستاذ جورج التمرين ) ومنهم بتحس انو حزين شوي ( يعزف الاستاذ جورج التمرين ) والبعض فرايحي ( يعزف الاستاذ جورج التمرين ) والكردات هم الاحجار الاساسية الي بنبني في الاغاني.


بنبدأ بكوردين سهلين هاد الكورد الاول ، خلينا نحكي شوي عن الاصابع ، هاد الاصبع وبروح ورا رقبة الجيتار ولي ما له اسم ، انما الاصابع من اليسار واحد اتنين تلاتة اربعه ، كتير سهل.


بالنسبة للوتار عنا هون الوتر الاول التاني التالت الرابع الخامس السادس ، من تحت بنبدا ، والشغلة التالتة الي بدنا نعرفها ، الاولى الاصابع التانية الاوتار ، التالتة ، الي احنا بنسميها ، خانات الجيتار ، هاي الخانات ، يعني هاي الخانة الاولى بين البلاستيكة هاي والحديدة هاي ، التانية التالتة الرابعه الخامسة ، كل شوي بتصير اديق ، تسعطعشر وحده.


خلينا بالمنطقة هاي ، انا بدي ، احط الاصبع التاني عالوتر الخامس ، واحد اتنين تلاتة اربعه خمسة ، وهاي الاصبع التاني ، هون بنمسكو هيك بطرف الاصبع ، مش هيك هكي بزبطش لانه اذا بدك تمسكو هيك بيطلع صوت الوتر التاني لانو الاصبع بالطريق ، هيك بيطلع الصوت ، الاصبع التالت تحتي ، عالوتر الرابع واحد تنين تلاتة اربعه وكل الحكي هاضا بالخانة التانية ( يعزف الاستاذ جورج التمرين ) في البداية بيكون في الم مزعج هون مش اشي رح تحتاج دكتور عشانو ، يومين تلاتة وبتروح بتتعود ، وهادا الكورد الي بدنا نتعلمو صوتو حزين شوي ، والو اسم وضروري نحفظ الاسامي لانو كثار ، في ناس بيبلشو يتعلمو ، بيتعلمو اغاني ، بتلاقي بعد اشهر ، بنحكيلهم اعزف دي ميجور او سي ميجور بيقلك انا ما بعرف الاسامي انا بعرف بس المسكات ما بزبطش بدك تعرف مشان تقدر مستقبلا ، تتعلم اغاني عن طريق الانترنت او الكتب ، يعني لغة التحدث بينا رح تكون كوردات ، مش كل مرة رح احكي كوردات يعني رح اعزف جي ماجور دي ماجور سي ماجور رح يكون عملك سريع ، من الاسم رح تعرف انو انا بدي هيك وبعدين هيك وبعدين هيك ( يعزف الاستاذ جورج التمرين ).


بعدين عنا الاي ماينور ، رح نجرب الاي ماينور مع الدرس الي اخدناه اول ( يعزف الاستاذ جورج التمرين ) بجوز تلاحظ انو الاغنية الي كنا بنعزفها قبل شوي سيل ذا كيس اغنية مشهورة الايقاع الي انا بعزفو مع كورد دي ماينور ( يعزف الاستاذ جورج التمرين ).


بنحتاج هون كورد تاني بعد هيك اذا بتمسك كورد واحد وبتضلك ( يعزف الاستاذ جورج التمرين ) لمدة ايام ، ايدك اليسار مش رح تتطور ايشي ، فبدنا نجيبلو اخو كالاتي ، الاي ماينور بدنا نمسكو الاصبعين زي ما هم بنزلهم وتر ، وكمان مرة ، يعني صفى الاصبع ، هادا ماسك الوتر التالت واحد اتنين تلاتة والاصبع هادا ماسك الوتر التاني ، زي الاي ماينور بنزل مرة ومرتين بنضيف عليه الاصبع الاول فوقو زي الطاقية ، هادا كورد فرايحي مش حزايني زي هداك ( يعزف الاستاذ جورج التمرين ) اسمه اي ماجور وهادا اي ماينور ( يعزف الاستاذ جورج التمرين ) طيب عنا كوردين شو بدنا نعمل فيهم ،؟ بدنا نروح لل اي ماينور نعزف ( يقرأ الاستاذ جورج التمرين قراءة ايقاعية ) ( يعزف الاستاذ جورج التمرين ) وكمان مرة ( يقرأ الاستاذ جورج التمرين قراءة ايقاعية ) (يعزف الاستاذ جورج التمرين ).


بعدين بننتقل للاي مايجور برضو بننقل الايقاع مرتين ( يقرأ الاستاذ جورج التمرين قراءة ايقاعية ) مرة ( يعزف الاستاذ جورج التمرين ) والتانية . نرجع كمان مرة للاي ماينور ( يعزف الاستاذ جورج التمرين ) يعني النتيجة النهائية رح تكون تقريبا ( يعزف الاستاذ جورج التمرين ) الى اخره ، هون وصلنا اخر محطة الي الكل بيقول صعب ، طبعا صعب ، لانو اذا بتحاول تحصل على نتيجة هسا مش رح تزبط بس بنقدر نعمل عملية تخمين كيف الحكي هسا بدو يكون ، نفرض انو اليوم الاول اذا الايقاع هون مزبوط لانه انت مش فاضي تركز بالايدتين بتركز في هاي يعني اي واحد فيكم بلعب اللعبة هاي بيعرف انا عن ايش بحكي يعني بدها شوية تعليم ، هاي الايد بتضرب وهاي بتفرك الجيتار شوي اصعب  بنشوفكم المرة الجاي."


فيديوهات دروس الدورة - تعلم الجيتار 1
1 وظائف اليد اليمنى Opened 07:05
2 اليد اليسرى Opened 06:34
3 الكوردات Opened 05:38
4 مبادئ الجيتار 1 Opened 06:11
5 كوردي الـ سي و الـ جي Opened 06:25
6 كورد أي ماينور Opened 05:35
7 أغنية سيلد ويذاكيس Opened 06:49
8 نمط ايقاعي جديد Opened 05:09
9 الأنماط الايقاعية Opened 06:39
10 أغنية ليت إت بي Opened 04:02
11 متابعة أغنية البيتلز Opened 04:59
12 أغنية ويشيو ويرهير Opened 06:47
13 نمط ايقاعي جديد Opened 04:38
14 أغنية كيرلس ويسبارز Opened 06:10
15 التنوع في العزف Opened 06:27
16 أغنية هوتيل كاليفورنيا Opened 05:04
17 متابعة أغنية فرقة الإيجلز Opened 06:05
18 التنوع و الإحساس في العزف Opened 06:10
19.1 أسماء النغمات Opened 06:44
19.2 الفلات و الشارب Opened 06:44
20 عنصر الزمن Opened 06:42
21 تطبيق على النمط الإيقاعي Opened 02:19
22 أغنية كانت هيلب فولينج إن لف Opened 02:43
23 أغنية يو جتو هايد يور لف أويه Opened 05:58
24 متابعة أغنية يو جت تو هايد يور لف Opened 05:42
25 مفهوم تغيير الطبقة Opened 06:53