في الدرس الأول من مبادئ البوب جيتار ١ يعرفنا جورج النجار على وظائف اليد اليمنى في العزف و نتعلم أول نمط إيقاعي في الضرب على الأوتار باستخدام اليد اليمنى. يتقدم جورج بتدرج واضح و ممتع و يفترض أن الطالب/الطالبة ليست لديه/لديها أدنى فكرة عن كيفية العزف على الجيتار. ينصح جورج الطالب/الطالبة أن لا يتقدم للدرس الثاني إلا بعد إتقان النمط الإيقاعي الأول في الدرس الأول.

جورج النجار:

"مرحبا ، انا جورج النجار واهلا بيكم في اعزف دوت كوم.

رح نبدأ مع بعض رحلة في عالم البوب جيتار.

بداية هاي الدورة موجهة للناس الي ما عندهم اي فكرة في كيفية عزف الجيتار بس حابين يتعلمو ، ففي كثير من الاسئلة رح تكون اجابتها اثناء ما احنا ماشيين ، فلا تقلقو من اي ايشي انا مش قلقان في حاليا.

 هون في عالم البوب جيتار بدنا نجزأ جوي كيف نتعامل مع الجيتار، ما بدنا نبدأ بعمل الدي مع بعض بنعرف انو الموضوع بدو شوية صبر ، ملحوظة ، البعض بيعزفو او بيكتبو بالايد اليسار وبيفكرو انو الواحد لازم يقلب اوتار الجيتار ، لا مش ضروري ، لانه خلينا نفكر بعازفين البيانو ، لو انا شمالي وبدي اعزف عالبيانو اكيد مش رح اجيب بيانو خصوصي عشان الموضوع هادا ، فتقلب الاوتار ، او تخليهم زي مهم ما في مشكلة.

بدنا نحكي انو الايد اليسار بنسميها الايد الي بتحضر الحركات، الوتر هاض الو صوت معين واذا بضغط على مكان اخر في صوت معين صوت اخر صوت اخر ، ( يعزف الاستاذ جورج التمرين ) بدنا نحكي عن الايد اليمين الايد الي بتنفذ الحركة فاذا بنعمل الحركة هاي هون وبنفذها بالايد اليمين ( يعزف الاستاذ جورج التمرين ) طيب لكن حاليا بدنا ننسى هاي الايد شوي وبدنا نركز هون عالايد اليمين.

في عالم البوب جيتار في ثلاث اساليب اساسية للعزف، الاسلوب الاول، هو الاسلوب الايقاعي سترمنج ( يعزف الاستاذ جورج التمرين ) زي مانتو شايفين انتاج الايقاع ممكن الواحد يغني مع الايقاع او يكون خلفية لمعزوفات.

الاسلوب الثاني هو اسلوب العزف بالاصابع ( يعزف الاستاذ جورج التمرين ).

 الاسلوب الثالث هو باستخدام ريشة الجيتار ( يعزف الاستاذ جورج التمرين ) هاي ريشة الجيتار، مش رح نحتاجها بايشي حاليا.

بالسترمينج ، الاسلوب الايقاعي الي رح نبدا في ، كل سترمنج بيعتمد على ثلاث ضربات الضربة الاولى بالابهام لتحت ، وبنسمي الحركة هاي تي عشان تي اول حرف من ثمب ، (يعزف الاستاذ جورج التمرين ) كثير ناس هون بيسألو كيف بالزبط ، لا تحملو هم كيف بالزبط ، حاليا ، ( يعزف الاستاذ جورج التمرين ) بس بنعزف.

الضربة التانية بالفينجرز . بيضل عنا تي من ثمب اف من فينجرز ( يعزف الاستاذ جورج التمرين ) برضو نفس الموضوع انو كيف بالزبط ، اذا بتحاول تحط اصابعك بحيث كلهم يضربو رح تسبب شوية توتر في ايدك ، اعتبر حالك بتمسح بايشي هيك ، كتير سهل ( يعزف الاستاذ جورج التمرين ).

الضربة التالتة والاخيرة برضو بالاصابع بس بدل ما تكون هيك بتكون لتحت ( يعزف الاستاذ جورج التمرين ) وبنسميها عشان الاضافر الي بيضربو بنسميها ان من نيلز ، فعنا تي اف ان ( يعزف الاستاذ جورج التمرين ) وضروري قبل ما تكمل الفيديو بتحب توقف هسا شوي وتتمرن عليها وتعرف كل وحده شوي هي الي هي تي اف ان ( يعزف الاستاذ جورج التمرين ) كثير سهل الموضوع.

طيب لو انا قبل شوي عزفت ايشي مثل ( يعزف الاستاذ جورج التمرين ) المبتدأ معندوش ادنى فكرة شو الي قاعد بيحصل ، لكن اذا بتدقق فيها ، تي تي اف .. ( يعزف الاستاذ جورج التمرين ) اكيد انا بسوي اشياء بايدي اليسار لكن انت بدك تحفظ التي والاف والان لانو رح نيجي نحكي باشياء مثل ( يقرأ الاستاذ جورج التمرين قراءة ايقاعية ) (يعزف الاستاذ جورج التمرين) وكل واحد من هدول ايقاع ، لكن لو بدي ابدا بايقاع بسيط ( يقرأ الاستاذ جورج التمرين قراءة ايقاعية ) طبعا كتير ناس بتفكر انو هاض مجرد تمرين عشان احنا مبتدأين لا هون في قضية ، البعض بيقول اه احفضتها ( يقرأ الاستاذ جورج التمرين قراءة ايقاعية ) ( يعزف الاستاذ جورج التمرين ) وبعملها كثير بسرعه لا احنا بدنا اياها بطيئة ( يعزف الاستاذ جورج التمرين ) ( يقرأ الاستاذ جورج التمرين قراءة ايقاعية ) ورح تلاحظ انو زمن كل ضربة زي بعض متساويين ما في ( يقرأ الاستاذ جورج التمرين قراءة ايقاعية ) ( يعزف الاستاذ جورج التمرين ) هاي غلط ، اعتبرها الساعه ، ساعه وهمية في دماغك تك تك متك .. وحاول تمشي معها ( يعزف الاستاذ جورج التمرين ) ( يقرأ الاستاذ جورج التمرين قراءة ايقاعية ) زي مانتو شايفين هو ايقاع بحق وحقيقي لكن الطريقة الصحيحة شوي بطيء ممكن تحتاج ليوم يومين تلات لحد تتمكن منها.

طبعا هون ضروري اذا بتستعجل هلأ وبتروح عالدرس الثاني ، مش رح تقدر تركز بالايدتين مع بعض فخد يوم يومين تلات اذا بتحتاج حسب وقتك قديش بتحتاج تمرين ، واتاكد انك بتقدر تعمل الحركة هاي ، اذا بتقدر تعمل الحركة هاي وتحكي اسمك بنفس الوقت بدون متخربط بيكون الموضوع ممتاز وبنشوفكم المرة الجاي مع اساليب الايد اليسار."