في الدرس الثاني عشر نتعلم أغنية Wish you were there لفرقة The Beatles كتطبيق على النمط الإيقاعي الجديد و الكوردات.

جورج النجار:

"اهلا بكم في اعزف دوت كوم انا جورج النجار وهاد درس رقم اطنعش بالبوب جيتار.

حكينا بالدرس الماضي عن الايقاع ( يقرأ الاستاذ جورج التمرين قراءة ايقاعية ) واغنية لت ات بي وانا حاب ابدا الدرس هاض بتعليق بسيط على الاغاني الي قاعدين بنختارهم للدروس لانه زي مانتو عارفين في ترتيب زمني معين واحنا ماشيين زي اي عملية اكاديمية من البسيط للمركب لكن البعض بيجوز ما بيسمعو لبيتس ما بعرف اغنية لت ات بي او ما بيعرفو اغنية سيل اوف ذا بيس بدنا اياكم تعرفو انو هاد جزء من موهمتنا انو نعرفكم الاشياء هاي للي ما بيعرف مشان الموضوع يكون منوع لانو بالنهاية انتو واصلين بتعزفو كذا كورد وكذا اغنية فانتو عازفين جيتار انتو موسيقيين فلازم تتعرفو عالاشياء هاي ولازم تتعرفو عالاشياء هاي ما بدنا نقلب الموضوع اكاديمي لانه البعض بس بدهم هواية هيك يتعلمو شوي لكن يعني رايحين تشوفو لمن تعزفو الاغاني الي انتو بتحبوها رايحين تحبو تتعرفو على انواع اخرى من الموسيقى.

فكل اغنية احنا بنختارها مش بس انها مثال جيد للايقاع بس كل واحده فيهم كانت هيد بيوم من الايام فاغنية الي اخدناها الاولى سيل اوف ذا كيس كانت هيد بالف وتسعمية وتسعه وخمسين ، تسعه وخمسين نعم ، اذا انا مش غلطان ، لت ات بي كانت بالف وتسعمية وسبعين ، وبدنا نشوف اغنية من الخمسة وسبعين مش انو انا ماشي بالتسلسل ، زمني معين لا ما الو علاقة والموضوع انو التسلسل عنا تقني ، لكن كل واحد فيهم كانت هيد بيوم من الايام يعني بجوز اذا انت ما بتعرفها بتسأل عنها رح تشوف في كثير ناس عارفينها ، اغنية ويش يو وير هير ، كثير معروفه حلوة ، الي ناسي الايقاع ( يقرأ الاستاذ جورج التمرين قراءة ايقاعية ) الي حكينا ، فيها ميزة تكون تخليها سهله شوي يعني كل كورد بينعمل مرتين اذا بتتذكر اغنية اوكارلي كانت كورد ال G وال G كمان مرة E ماينر Eماينر كمان مرة ما بنحكي ال G بعدين Eماينر لا.

ال G بعدين G فعليا هو هيم بنعتبر انو عند ال G خش ايقاع جديد ، وبنشوف كورد Gبنعتبرو اتنين G ويش يو وير هير ، كورداتها اكيد لما تشوفوهم رح تتعرفو عليهم اكيد بتعرفوهم ( يعزف الاستاذ جورج التمرين ).

تيل بنكمل بالاغنية تيل هون وبنرجع بال G زي ال g الاولاني الي عزفنا اذا الترتيب اكتبو وخلو دايما مكتوب ما تعتمدو عالذاكرة عشان الذاكرة ممكن الواحد بينسى كورد فاحنا G كمان مرة بعدين C سو بعدين D كمان مرة بعدين A ماينر مرتين ( يعزف الاستاذ جورج التمرين ) G كمان مرة ( يعزف الاستاذ جورج التمرين ) A ماينر ( يعزف الاستاذ جورج التمرين ) وهادا ال G المقطع الجديد ( يعزف الاستاذ جورج التمرين ) ال C كمان مرة ( يعزف الاستاذ جورج التمرين ).

المفروض هادا يكون عندكم مكتوب ، هلاء جاي لازم تعرفو انو هلاء جاي كورد ال A ماينر بعدين بس نخلص بتنعاد تلات مرات هاي الاغنية سهله المفروض اذا اتمرنا عليها صح من اول طبعا في قضية صغيرة هونا بما انو صرنا واصلين هون البعض منكم بيجوز بيسمعو لنوع اخر من الاغاني بجوز بيسمعو روك هيفي ميتل ( يعزف الاستاذ جورج التمرين ) او حابين تتعلمو صول ( يعزف الاستاذ جورج التمرين ).

كل الاساليب هاي رح نشوفها بس هاي بنسميها تأسيس ، بنسميها تأسيس لانه احنا قاعدين بنعزف اغاني لكن انا حاب استغل فرصة اغنية ويش يو وير هير لما تسمعوها رح تشوفو انو فيها مقدمة جيتار يعني اعتبرو في جيتار بيعمل هيك ( يعزف الاستاذ جورج التمرين ) في الاثناء هاد ( يعزف الاستاذ جورج التمرين ) وكانو في جيتار بيعزف هادا العزف ( يعزف الاستاذ جورج التمرين ) وكانه في جيتار ثاني بيعزف هادا العزف كالاتي كاني انا بغني الي كنت اعزفو قبل شوي ونعتبره هادا الجيتار الاول ، هسا بدي اغني الجيتار الاول وبدي اعزف هون الجيتار الثاني ( يعزف الاستاذ جورج التمرين ).

 كثير حلو ، بالاسلوب الي احنا قاعدين بنتعلمو بالكوردات والايقاعات ، رايحين نضيف عليها ونجمع الحكي كلو هاضا مع بعض ، في عزف جيتار كلاسيكي كان عايش القرن الماضي وصف العازف الجيد للجيتار يعني كان العازف الجيد بيعزف الجيتار كانه اكثر من جيتار كانه جيتارين وهادا بالزبط الي بدنا نشوف لاحقا بدروس اخرى مش الدرس الجاي الموضوع قلنا الجيتار الاول ( يعزف الاستاذ جورج التمرين ) والجيتار التاني بيكون ( يعزف الاستاذ جورج التمرين ) طيب مع بعض الحكي هاض نجمعه ( يعزف الاستاذ جورج التمرين ) والى اخره الى اخره.

بنشوفكم الدرس الجاي."