تعلم سماعي على مقام البيات على العود . سماعي لإبراهيم العريان . يبدأ الأستاذ طارق بتعليم الخانة الأولى من السماعي.
طارق الجندي:
"مرحبا أنا طارق الجندي من اعزف دوت كوم.
اليوم بدرسنا رقم اربعة راح نتعرف على سماعي على مقام البيات وهادا السماعي لأبراهيم العريان وهو يعتبر من أهم السماعيات الكلاسيكية على مقام البيات يعني ما في طالب بيعزف قالب السماعي إلا لازم يعزف هادا السماعي خاصة على هادا القالب نيجي نتطلع على الخانة الأولى بدنا نحاول نقرأها بس إيقاعيا أول مازورتين (يقرأ الاستاذ طارق قراءة إيقاعية).
بدي أحاول كمان اقرأها بس مع النوت وهادا الحكي اللي إنتو لازم كمان تعملوه عشان تقدرو تعزفوها بشكل سريع وان تو ثري (يقرأ الاستاذ طارق النوتة) نحاول نعزف أول مازورتين (يعزف الاستاذ طارق التمرين) وزي ما أنا حكيت بالكورس التالت كيف إنه إحنا نضاعف بالنظر ف كيف إحنا هون عم نقرأ على تمانية فصارت عندي الوحدة الرئيسية اللي هي الكروش نتطلع على المازورة رقم تلاتة (يقرأ الاستاذ طارق قراءة إيقاعية).
بدي أحاول أقرأها مع النوت (يقرأ الاستاذ طارق النوتة) نحاول نعزف المازورة التالتة والمازورة الرابعة من الخانة الأولى وان تو ثري (يعزف الاستاذ طارق التمرين) زي ما إنتو شايفين بالمازورة الرابعة أنا عملت رش لإنه مكتوب عندي إني لازم أرش نحاول نعزف الخانة الأولى بشكل متصل وان تو ثري (يعزف الاستاذ طارق التمرين).
بتكون هاي هي الخانة الأولى نيجي نطلع على التسليم زي ما هو مكتوب عندي (يقرأ الاستاذ طارق قراءة إيقاعية) وبنرجع بنعيد نحاول نقرأها مع النوت وان تو ثري (يعزف الاستاذ طارق التمرين).
اللي هي بداية التسليم زي ما إنتو شايفين أنا بس عملت البريما هلا بدنا نحاول نعزفها وان تو ثري (يعزف الاستاذ طارق التمرين) و باعيد التسليم (يعزف الاستاذ طارق التمرين).
آخر مازورة عزفتها هي السيكوندا فأول مرة عزفت البريما وتاني مرة عزفت السيكوندا زي ما إنتو شايفين بالسماعي وبدي أحكيلكم شوي عن الشكل الغنائي تبعه دايما بتكون الخانة الأولى والتسليم هي عرض للمقام الأصلي اللي مكتوب عليه بالخانة التانية وبالخانة التالتة بيصير فيه عندي عملية تنويع وبيبلش الذروة تبين أكتر ف هو دايما بيكون شكله بها الشكل بيطلع بيطلع بيطلع بيطلع بيوصل للذروة أو البيك وبيرجع بعديها بينزل والخانة الرابعة دايما بتكون الملخص زي ما انا حيتلكم نيجي نتطلع على الخانة التانية الخانة التانية زي ما هو موجود عنا هون فيه عندي علامات تحويل فيها وفعليا هون صار فيه عملية الميديوليشن أو الإنتقال المقامي وصارت عندي هون لراست الصول نيجي نتطلع أنا كاتبلكم هاف بوزيشن اللا بالأول بدنا ناخدها مش بالتاني ليش لإنه راح تشوفو عندي كيف إنه موجودة بالمازورة قبل الأخيرة عندي نغمة الفا راح تكون بالإصبع الرابع لو بدي أحاول أقرأها إيقاعيا (يقرأ الاستاذ طارق قراءة إيقاعية).
بتشوفو إن فيه عندي بعض العلامات الجديدة اللي مرأت بس هاي العلامات اللي موجود هون هي فعليا مشتقة من علامات إحنا أخدناها اللي هي مثلا لو بدنا نيجي نتطلع ع المازورة التالتة آخر المازورة التالتة ظهرت عندي هاي العلامة (يقرأ الاستاذ طارق قراءة إيقاعية).
إحنا أخدنا تي تا تي هاي تي في تا تي في ف هي هون فيه عندي ربعين اللي هما بزمن نص وبعدين فيه عندي الضربة الواحدة بعدين ربعين ف راح تشوفو هون حتى بآخر مازورة اللي هو مكتوب تا تي في تا آخر إشي تا تي في تا إحنا بنعرف تا تي تا وأخدنا التا تي في تا هون نفس العملية بدي ألفت نظركم إنه موضوع الريش بيضله زي ما هو وإذا إنتو ملاحظين على ريشتي بعزف زي كأني عم بعزف على أربعة يعني تا داون التا تي داون أب الترويولي داون أب داون وكل إشي زي ما هو فعليا إحنا عم نعمله هلا لما بدها تصير الحليات مرات إحنا بنستفني عن القواعد اللي بالريشة وبنبني عليها يعنى مرات بنستغني عنها ومرات بنبني عليها يا إما للسرعة يا إما مرات لأشكال الريشة الإيقاعية وفعليا أشكال الريشة الإيقاعية هي مشتقة من العلامات اللي إحنا قاعدين عم نشتغل عليها ومن أشكال الريش."
