يتابع الأستاذ طارق الجندي تعليم عزف مقطوعة ذكرياتي لمحمد القصبجي.
طارق الجندي:
"نيجي نتطلع على القسم الأول ونتذكره ونعزفه من أوله لآخره وبدي ألفت نظركم كمان إن أنا الحلية اللي عملتها اللي هي موجودة بالسطر التاني بآخر مازورة لإنه أول إشي هي الأصلية مكتوب عندي فا لمدة أربع ضربات وموصولة مع الفا اللي بالسطر التالت ف هي عبارة عن خمس عدات بدي أحاول أعملها هلا عشان تشوفو كيف عدها وبعدين إنتو راح بتشوفو إن مع الحلية كمان بتمشي ف راح أعزفها أول مرة مع البريما وتاني مرة مع السيكوندا أول مرة بدون حلية و تاني مرة مع الحلية أو الجملة القترحة وان تو ثري فور (يعزف الاستاذ طارق التمرين).
وصلنا للسكوندا السيكوندا (يقرأ الاستاذ طارق قراءة إيقاعية) نفس الشي عندي الدو هاي موصولة كمان بضربة بعديها ف صارت خمسة نحاول نقرأها مع عزف (يعزف الاستاذ طارق التمرين) هون خلصت لهاي المازورة الموجود فيها صول ريست صول دو نبلش نشرح فيها أول إشي لاحظت إنا استخدمت إيدي (يعزف الاستاذ طارق التمرين) كتمت الوتر لإن النقطة لما بتيجي تحت النوتة معناها ستكاتو نقر لازم زمنها ينزل تاخد نفس الوحدة الزمنية بس فيه عندي فرق بين هاي (يعزف الاستاذ طارق التمرين) وبين هاي (يعزف الاستاذ طارق التمرين).
ف فعليا إذا بينحط نقطة تحت النوتة بهاي الحالة معناها إنه لازم أعمل نص الزمن عبارة عن ريست بيضل الزمن زي ما هو يعني مثلا تخيلو إنه عندي التا هي عبارة عن واحدة بس بتصير ضربة نص وسكتة نص ف هادا اللي موجود عندي هون خلينا نيجي نتطلع على السطر الخامس من عند الدو (يعزف الاستاذ طارق التمرين) سكتها ف هي كانت (يعزف الاستاذ طارق التمرين) هاي الصول موصولة كمان مع هي الصول بنقدر نعتبر هاي الصول زي ما أنا كاتبلكم هي عبارة عن إس ف هي بدها تكون هاي الصول تنتين (يعزف الاستاذ طارق التمرين).
نفس الشي اللي عملناه زي ما إنتو شايفين هاي الفا اللي موجودة بالمازورة رقم أربعة بهادا السطر الفا عملتها كمان داون لإني كسرت القاعدة عشان يطلع الصوت أحلى وزي ما إنتو شايفين آخر مازورة بيحكيلي عيد المازورتين اللي هما هادول أول واحدة (يعزف الاستاذ طارق التمرين) السطر اللي بعده نفس الشي فيه عندي (يعزف الاستاذ طارق التمرين)هادا المقام اللي تم التحويل لإله هون اللي هو صول (يعزف الاستاذ طارق التمرين).
صار في عندي لا نصف بيمول (يعزف الاستاذ طارق التمرين) سي بيمول (يعزف الاستاذ طارق التمرين) دو (يعزف الاستاذ طارق التمرين) هادا هو مقام بيات الصول وهو من المقامات المرافقة والمقامات القريبة من نهاوند الدو يعني الواحد يكون بيقسم نهاوند (يعزف الاستاذ طارق التمرين) ...المقام عادة إحنا بنعمل حجاز (يعزف الاستاذ طارق التمرين) وبنقدر نعمل بيات (يعزف الاستاذ طارق التمرين) وبنقدر نعمل عجم (يعزف الاستاذ طارق التمرين) هادا الحكي كله بس هيك معلومات عشان بكرة لما بدنا نحكي عن التقاسيم في المستقبل نيجي نتطلع على السطر التالت من تحت اللي هو مكتوب عندي أنا (يعزف الاستاذ طارق التمرين).
بدي أحاول أعزف هادا الموضوع من عند السيكوندا وان تو ثري فور (يعزف الاستاذ طارق التمرين) لهون وصلنا نيجي نتطلع في عندي علامة إعادة فاتحة مكتوب عندي (يقرأ الاستاذ طارق قراءة إيقاعية) وبنرجع لنفس الموضوع (يقرأ الاستاذ طارق قراءة إيقاعية) نحاول نقرأها نون (يقرأ الاستاذ طارق النوتة) نحاول نعزفه ثري فور (يعزف الاستاذ طارق التمرين) هاي السيكوندا مكتوب عندي علامة الفيرماتا اللي لازم أوقف عند الزمن من اللازم وبعدين مكتوب عندي أيه دي إل آي بي وهي إختصار الأدلب اللي هي إختصار لأدلبتوم يعني حر ف هون بالسيكوندا لما أنا باعمل (يعزف الاستاذ طارق التمرين) وتبطيء للرتم (يعزف الاستاذ طارق التمرين).
لاحظتو كمان في عندي هون الري بيمول بالإصبع الرابع وعادة محمد القصبجي كان يعمل هون فيها تقسيمة يعني بس لما يخلصه (يعزف الاستاذ طارق التمرين) بتضل الفرقة ماسكة دو وبيطلع العود بيعمل (يعزف الاستاذ طارق التمرين).
بيخلص التقسيمة عشان بالنهاية بيروحو على القسم السريع اللي راح نعرفه في القسم التاني في الحصة الجاية."