يتابع طارق سماعي بيات العريان و يتحدث أكثر عن قالب السماعي.
طارق الجندي:
"مرحبا انا طارق الجندي من اعزف دوت كوم.
اليوم بدرسنا الخامس راح نكمل على الانة التالتة والخانة الرابعة من سماعي بيات العريان زي حكيتلكم السماعي بيبلش بالخانة الأولى بيتصعد بالتسليم شوي بالخانة التانية بيتصعد أكتر الذروة المفروض تكون بالخانة التالتة والخانة الرابعة بتكون ملخص وبعدين بنرجع للتسليم ف هو فعليا زي كإنه بيطلع وبيرجع بينزل ولازم راح يكون فيه ذروة وهلا راح نشوف الذروة وزي ما حكيتلكم كمان إنه يكون فيه عندي عمليات إنتقال مقامية بالخانة التانية والتالتة وعادة الخانة الأولى والتسليم بيكونو على المقام الأصلي طبعا هاي القواعد هي بالنسبة للسماعي الثقيل التقليدي السماعي قالب السماعي نيجي نتطلع على الخانة التالتة بدي أحاول أقرألكم إياها بشكل إيقاعي وان تو ثري (يقرأ الاستاذ طارق قراءة إيقاعية).
وبعدين بارجع للتسليم نحاول هلا نقرأها هاي الخانة مع النوت وان تو ثري (يقرأ الاستاذ طارق النوتة) بدي ألفت نظركم هون إنه أنا صار فيه عندي بعد بهادا النص الأخير صار فيه عندي عملية تحويل لمقام العجم على السي بيمول وهلا راح نحكي عنه بدي أحاول أعزف هاي الخانة من أولها وان تو ثري (يعزف الاستاذ طارق التمرين) نيجي نتطلع شو اللي صار عندي أول إشي بلشنا بيات (يعزف الاستاذ طارق التمرين) بعدين هادا السلم (يعزف الاستاذ طارق التمرين) اللا أخدتها بالأول (يعزف الاستاذ طارق التمرين) دو فا مي ري شايفين هون أعلى نوتة الفا وتم التركيز عليها عشان الذروة فهي صارت من أولها وان تو ثري (يعزف الاستاذ طارق التمرين).
هون صارت التحويل سي بيمول ومي بيمول عشان نعمل عجم على السي بيمول (يعزف الاستاذ طارق التمرين) هادا عجم السي بيمول (يعزف الاستاذ طارق التمرين) وهادا مقام عجم السي بيمول عشان تتأكدو منه ممكن ناخد أي أغنية عزفناها على عجم الدو ونعملها على عجم السي بيمول ونصورها يعني مثلا طالعة من بيت ابوها (يعزف الاستاذ طارق التمرين) هادا عجم السي بيمول (يعزف الاستاذ طارق التمرين).
ف بعد ما عمل عجم السي بيمول من هون من عند التا فا تي في اللي هي المازورة التانية آخر المازورة التانية (يعزف الاستاذ طارق التمرين) بآخر بار رجع للبيات (يعزف الاستاذ طارق التمرين).
بنرجع للتسليم نشوف الخانة الرابعة الخانة الرابعة أكيد إنه ميزانها بيختلف بيصير مختلف عن ميزان السماعي وبتكون أسرع شوي زي ما هو مكتوب عندي ألجريتو سريع بس مش كتير السماعي مكتوب عندي أندنتي أندنتي يعني واكينج سبيد يعني متل سرعة المشي شوي شوي لما بنيجي نتطلع على الخانة الرابعة مبين إن فيه عندي نمط لإلها ف هي مكتوبة (يقرأ الاستاذ طارق قراءة إيقاعية).
فيه علامة إعادة (يقرأ الاستاذ طارق النوتة) نحاول نعزف الجزء الأول (يعزف الاستاذ طارق التمرين) لاحظو بالمازورة الأخيرة والبمازورة التانية السطر التاني مرأت عندي علامة السي نص بيمول اللي هي مقابل المي نص بيمول نيجي نتطلع ع الجزء التاني مكتوب عندي (يقرأ الاستاذ طارق النوتة) فيه علامة إعادة بعدين (يقرأ الاستاذ طارق النوتة) وباقدر أعمل تبطيء تدريجي عشان أروح للتسليم نحاول نعزف هادا الجزء (يعزف الاستاذ طارق التمرين).
وبعديها بارجع للتسليم هيك بنكون خلصنا الخانة التالتة والرابعة بدرسنا الخامس راح أسجلكم سماعي البيات من أوله لآخرة راح أحط فيه شوية حليات مش مطلوب إنه نقلد كل الحليات اللي بنقدر عليها بس مطلوب كتير مهم إنه نعزف النوتة زي ما هي بأزمنتها."