تعلم عزف مقطوعة ذكرياتي لمحمد القصبجي التي لا تخضع لقالب معين أي أنها ليست سماعي أو لونغة و هي على مقام نهاوند.
طارق الجندي:
"مرحبا أنا طارق الجندي من اعزف دوت كوم اليوم.
بدرسنا رقم ستة راح نتعرف على مقطوعة اسمها ذكرياتي لمحمد القصبجي وهاي المقطوعة هي بتتكون من حزئين جزء بطيء وجزء سريع وهاي المقطوعة مش خاضعة لأي قالب لا هي قالب لونجا ولا هي سماعي كمان راح نتعرف على بعض القطع اللي موجودة عنا بهادا الكورس اللي ما بتخضع لأي قالب نيجي نتطلع على المقطوعة زي ما هو مكتوب عنا بدليل المقام فيه عندي سي بيمول ومي بيمول ولا بيمول هاي المقطوعة على مقام نهاوند الدو هلا نيجي نتطلع على أول مازورة والمازورة التانية والمازورة التالتة راح نشوف إن فيه عنا نمط إيقاعي عم نمشي عليه هادا النمط الإيقاعي أنا بدي أحكيلكم عنه فيه عندي موجود سينكوب أو هادا الرابط بين النوتة التانية والنوتة التالة وكاتبلكم فوقيها كمان علامة إس عشان لما بدي أنا آجي أحسبها باقدر أحسبها هاي العلامة المربوطة كأنها إس لإن أنا فيه عندي واحد ونص وبعدين فيه عندي نص ونص مربوطين في بعض وبعدين فيه عندي واحد وبعدين فيه عندي نص ف صارت كأنها واحد ونص وبعدين واحد واحد ونص كيف بدنا نقرأها لو إجينا نقرأها بدون السينكوبيشن الموجود وان تو ثري (يقرأ الاستاذ طارق قراءة إيقاعية).
بهادا الشكل ف لو إجينا إحنا بدنا نحاول نحط هاي الإس محل هاي التي اللي هي مربوطة بالنوتة اللي قبلها ف بدها تكون وان تو ثري فور (يقرأ الاستاذ طارق النوتة) هادا أول سطر ف هي كأنها موجودة بهادا الشكل خلينا نحاول نقرأها مع الميترونوم على سرعة ستين أول إشي إيقاعيا تو ثري فور (يقرأ الاستاذ طارق قراءة إيقاعية) مع النوتات (يقرأ الاستاذ طارق النوتة) السطر التاني ثري فور (يقرأ الاستاذ طارق النوتة) وكاتبلكم كمان عندها نوتات لتحت نقدر نعملها هاد البار الأخير في السطر التاني (يقرأ الاستاذ طارق النوتة) وإنتبهو إن المي عندي ناتشيورال خليني أعزفها وأحكي (يعزف الاستاذ طارق التمرين بهادا الشكل ف هاي يا إما بنقدر نقرأها (يقرأ الاستاذ طارق قراءة إيقاعية) بالأول وبعدين عشان نحفظ الزمن بعدين بتصير (يقرأ الاستاذ طارق قراءة إيقاعية) بدي أحاول أعزفها وان تو ثري فور (يعزف الاستاذ طارق التمرين).
نيجي نتطلع على البريما البريما عندي هون أنا فيه عندها نقطتين واحنا بنعرف إن النقطة معناها نص اللي قبلها ف عندي أول واحدة زمنها تنتين تاني واحدة زمنها نص نص اللي قبلها ف زمنها واحدة واللي بعدها زمنها نص اللي قبلها ف زمنها نص ف صارت عندي اتنين زائد واحد زائد نص ف هاي زمنها اتنين ونص ف هي راح تكون بهادا الشكل البريما (يعزف الاستاذ طارق التمرين).
هاي آخر نص أنا رمزتله بالإس أو بنقدر نحكي (يعزف الاستاذ طارق التمرين) وروحت للدو اللي بالأول ف صارت كمان مرة (يعزف الاستاذ طارق التمرين) بهادا الشكل بدي أحاول أعزفلكم إياها وبدي أحاول أعمل فيها الحلية اللي أنا كاتبها بالمازورة التانية بالسطر التاني وان تو ثري فور (يعزف الاستاذ طارق التمرين) وبترجع بتعيد من الأول بدي ألفت نظركم لأكتر من شغلة اول إشي موضوع الريش بهاي الجمل أول تلات موازير اللي هي فيها سينكوبيشن تأخير النبر تقدر تعملها كلها دوان (يعزف الاستاذ طارق التمرين) وهون ألتزمت بقواعد الريشة ف مرات نقدر نكسر القاعدة ليش لإنه هادا الصوت كان أفضل من هادا الصوت (يعزف الاستاذ طارق التمرين).
قلب الريشة هون ما كان يعطي صوت حلو متل هاداك الصوت فإنتو راح بتشوفو إنه إحنا مرات بنبلش نكسر القواعد إذا كانت القيمة الجمالية أعلى من القاعدة نيجي نتطلع كمان حطيتلكم أنا في السطر التالت في المازورة رقم تلاتة اللي هي إس تي عملتها داون واللي بعديها أكيد بتكون الصول داون واللا أب إحنا عملنا للبريما هلا في هادا الجزء بدنا نتمرن عليها وفي الجزء التاني راح نكمل باقي القطعة."