تعلم الجزء السريع من مقطوعة ذكرياتي.
طارق الجندي:
"مرحبا أنا طارق الجندي من اعزف دوت كوم.
اليوم بدرسنا رقم سبعة راح نتعرف على الجزء السريع من مقطوعة ذكرياتي نيجي نتطلع زي ما هو مكتوب عندي في النوتة راح نتطلع إنه فيه عندي علامة السي وفيه خط بيقطعها وهادا الكات تايم زي ما هو موجود عنا معناه اتنين على اتنين شو يعني اتنين على اتنين متذكرين زي ما إحنا حكينا أيام زمان لما كنا إحنا نقرأ على أربعة كانت العلامة الرئيسية هي عندي النوار لما كنا نقرأ على تمانية كانت العلامة الرئيسية اللي إحنا بنعد عليها هي الكروش لما بتصير على اتنين بتصير العلامة الرئيسية اللي إحنا عم نشتغل عليها اللي هي البلانش البيضاء هاي بتصير وان فلما بنيجي نتطلع في النوتة هاي السوداء صارت عبارة عن نص ف كل تنتين سود راح نقرأهم تا تي ف هي بدها تصير أول مازورة اللي هي معادة تا تي تا تي تا تي تا تي بعدين نيجي نتطلع لما بتفتح علامة الإعادة هاي اللي مكتوبة بدها تصير (يقرأ الاستاذ طارق قراءة إيقاعية) ف نحاول نعزف (يعزف الاستاذ طارق التمرين).
تا تي تا تي وبتقدرو تاخدوهم كلهم داون وبعدين (يقرأ الاستاذ طارق قراءة إيقاعية) شايفين التا هي آخر نوتة بهاد السطر لإنه هاي هي قيمتها (يعزف الاستاذ طارق التمرين) هون الريش كتير مهمة لإنه أنا لازم أعزف داون أب داون أب عشان اقدر أعملها بالشكل الصحيح (يعزف الاستاذ طارق التمرين) اللي بعديه نيجي نتطلع على السطر اللي بعديه مكتوب عندي (يقرأ الاستاذ طارق النوتة).
ومكتوب عندي هون كأنها تا تي وبعدين فيه عندي هادا السينكوب بعدين فا مي ف هي كأنها تي تا تي في سي صول فا مي اللي بعديها (يقرأ الاستاذ طارق النوتة) كأنها (يقرأ الاستاذ طارق قراءة إيقاعية).
شايفين إحنا عم نعمله هلا اللي هي عم نوصلها لهاي القاعدة إنه موضوع السرعة مش مرتبط بزمن النغمة مش مرتبط بشكلها هادا كله موضوع نسبي يعني إذا إحنا كنا عم نقرأ على تمانية غير لما بنقرأ على أربعة غير لما بنقرأ على اتنين وبتصير قيمة النغمة مختلفة هون عندي صارت التا هاي اللي كنا إحنا بنعتبرها على أربعة صارت هون نص ف هون لو إنت بتيجي بتاخد نفس النوتة بس بالقلم بتحاول مش تضاعفهم تقسمهم على اتنين بدها تصير كل واحدة من النوار بدها تصير عندي كروش وكل كروش بده يصير دبل كروش ف راح تشوف إنت كيف شكلها لما بنقرأها على أربعة هلا ممكن تسألوني سؤال ليش انكتبت بهادا الشكل الفكرة إنه المؤلف حر كيف يكتبها الفكرة إنه إحنا مرات اتعودنا بس نقرأ على أربعة والغلط هو عنا الغلط مش في المؤلف لإنه فيه كتير مؤلفات حتى في الموسيقى الغربية وحتى في الموسيقى العربية بتنكتب على اتنين مش على أربعة ف المؤلف حر كيف يكتب المهم إن هي كلها بتنعزف نفس الإشي يعني إنت لو مسكت هاي النوتة وروحت إنت قسمتها على اتنين وكل سن زدتله سن بالنهاية راح يطلع معاك نفس الموسيقى ما راح تفرق بس إنت لازم تكون قادر على إنك تقرأ الأشكال بتعدداتها ف نيجي نتطلع مكتوب عندي بالسطر التاني (يقرأ الاستاذ طارق النوتة).
كأنه السطر التاني إيقاعيا صار عندي (يعزف الاستاذ طارق التمرين) بدي أحاول أعزفلكم إياه (يعزف الاستاذ طارق التمرين) اللي بعده مكتوب (يعزف الاستاذ طارق التمرين) شوفو هاي صار زمنها اتنين اللي كان زمنها أربعة نحاول نقرأ كمان من أول الموضوع من عند العلامة الإعادة (يعزف الاستاذ طارق التمرين).
بدي ألفت نظركم للمازورة التالتة اللي موجودة بالسطر التاني هون اللي مكتوب فيها (يعزف الاستاذ طارق التمرين) اللا بيمول هاي مش لا ناتشيورال ف بدها تكون بالإصبع الأول مقابل السي بيمول اللي بعده نيجي على الموضوع الأخير مكتوب عندي هون هاي العلامة المنقوطة هلا هاي عبارة عن واحد ونص لإنه إحنا إتفقنا إنه البلانش هي واحد واللي بعدها هي نص ف بدها تصير هاي العلامة (يقرأ الاستاذ طارق قراءة إيقاعية) وبعدين (يقرأ الاستاذ طارق قراءة إيقاعية) نرجع نعيدله الموضوع ف هي عبارة عن واحد ونص يعني (يقرأ الاستاذ طارق قراءة إيقاعية) هادول هما أول تلات موازير بدها تكون بهادا الشكل (يعزف الاستاذ طارق التمرين).
وخليني أبلش أشرح هلا بالهاف بوزيشن اول إشي عندي هون فا مي فا صول (يعزف الاستاذ طارق التمرين) لا صول لا سي (يعزف الاستاذ طارق التمرين) دو سي دو ري (يعزف الاستاذ طارق التمرين) هون أخدت الهاف بوزيشن أخدته على الري ف شوفو شو اللي صار عندي (يعزف الاستاذ طارق التمرين) مي ري مي فا (يعزف الاستاذ طارق التمرين) ما عندي إشي هلا هون عندي ظهرت عندي علامة اللا بيمول هاي الصول (يعزف الاستاذ طارق التمرين) وهاي اللا بيمول (يعزف الاستاذ طارق التمرين) زي هاي الصول (يعزف الاستاذ طارق التمرين) وهاي اللا بيمول (يعزف الاستاذ طارق التمرين) وبتيجي فوق السطر وفي خط بيقطعها ف مكتوب عندي لا صول لا فا (يعزف الاستاذ طارق التمرين) بهادا الشكل بعد ما إحنا عملنا من المازورة اللي قبلها دو سي دو ري (يعزف الاستاذ طارق التمرين) مي ري مي فا (يعزف الاستاذ طارق التمرين) وبعدين لا صول لا فا (يعزف الاستاذ طارق التمرين) مي ري مي دو بارجع بوزيشن عادي (يعزف الاستاذ طارق التمرين) سي ري دو سي لا صول فا مي (يعزف الاستاذ طارق التمرين) ري بيمول بالأول بعدين مي ري دو سي لا صول فا مي (يعزف الاستاذ طارق التمرين).
بهادا الشكل صارت الري عندي ناتشيورال نيجي نحكي عن نقلة البوزيشن اللي هي في المازورة الأخيرة من السطر قبل الأخير ونكمل (يعزف الاستاذ طارق التمرين) ف من هون عندي مي ري مي فا (يعزف الاستاذ طارق التمرين) لا صول لا فا بينزل إبهامي بشكل قطري (يعزف الاستاذ طارق التمرين).
أتمرن عليها لحالها (يعزف الاستاذ طارق التمرين) نفس التقدير اللي أنا عملته بالنظر هاي اللا بيمول بدها تيجي هون والفا بدها تيجي هون يعني هادا الرابع إجا محله الأول وإجت هون اللا بيمول (يعزف الاستاذ طارق التمرين) بعدين مي ري مي دو (يعزف الاستاذ طارق التمرين) وبنكمل (يعزف الاستاذ طارق التمرين) تنعاد خليني أرجع أعدلكم إياها مرتين وبعدين أروح للتسليم اللي هو أول إشي ثري فور (يعزف الاستاذ طارق التمرين).
بترجعو للموضوع الأول وزي ما إنتو شايفين بالآخر بارجع للموضوع الأول بنفس السرعة اللي كانت موجودة بالأول زي ما هو مكتوب عندي ذا كابو أول كودا بكمل من فوق لتحت لعند علامة الكودا اللي موجودة للبريما بعدين بانط للكودا اللي هي بس نغمة الدو راح أسجلكم القطعة كلها عشان تشوفو كيف ترتيبها بنحاولنتمرن عليها بشكل أجزاء بعدين بنوصلها مع بعض."
