في هذا الدرس تتعلم الخانة الثالثة لسماعي راست لطاطيوس أفندي و يتحدث الأستاذ طارق عن تفاصيل تتعلق بالمقامات و الإنتقال.
طارق الجندي:
"مرحبا أنا طارق الجندي من اعزف دوت كوم.
واليوم بدرسنا الأخير رقم عشرين راح نكمل الخانة التالتة والرابعة من سماعي راست لطاطيوس أفندي ولوبجي أطلع عالخانة التالتة علي المازورة التالتة بالخانة التالتة راح نشوف عندي شوية ظهور لعلامات تحويل واليوم بدي أحكيلكم أكتر عن التحويلات أنا دايما كنت أمرق معلومات كيف انه من غماز المقام كان يصير عني تحويلات صارت في عندي مقامات فرعية يعني مثلا في الحصة الماضية حكينا عن مقام السوزناك اللي هو (يعزف الأستاذ طارق التمرين)بعدين صول لا بيمول سي ناتشرل دو (يعزف الأستاذ طارق التمرين).
اليوم راح يظهر عندي جنس البيات من الدرجة الخامسة الصول (يعزف الأستاذ طارق التمرين)بيسموه نايرز راست اذا أنا بعمل (يعزف الأستاذ طارق التمرين).
خلينانقرأ الخانة التالتة اللي زي ماحكيتلكم راح تكون الذروة وراح نستعمل فيها الهاف بوزشن (يقرأ الأستاذ طارق من النوتة)لهون راست بنبدأ البيات (يقرأ الأستاذ طارق من النوتة )نرجع للتسليم بحاول أعزفلكم اياها (يعزف الأستاذ طارق التمرين)هاي الخانة التالتة الخانة الرابعة ستة علي تمانية سريعة الأول بدنا نقرأه(يقرأ الأستاذ طارق من النوتة) نرجع للتسليم نحاول نعزفها بهادا البطؤ(يعزف الأستاذ طارق التمرين)لا حظتو عندي ظهور علامة الرى دييز نفسها ال مى بيمول اللي هي نفسها هون (يعزف الأستاذ طارق التمرين).
نحاول نعزف الخانة أسرع شوي (يعزف الأستاذ طارق التمرين)هاي هي الخانة الرابعة ولازم نعزفها بهادا الشكل السماعي سهل مافي شئ من ناحية النوتات وبعرف انه سهل بس راح أسجلكم اياه بأسلوب بتمني انكم تشوفو التفاصيل اللي جواه عشان نقدر نعمل منه موسيقي أحلى."
