يتحدث الاستاذ سرور في البداية عن كيفية مسك آلة الكمان مع إعطاء بعض النصائح لتمكن الطالب من التأكد بانه يمسك الآلة بشكل صحيح. يتابع الاستاذ محمود سرور طريقة مسك آلة الكمان و التعامل معها بالشكل الصحيح. حيث ينصح الطالب باتقان الطريقة الصحيحة لمسك الآلة قبل تعلم اي شئ آخر و التقدم بالدروس, و ذلك لأهمية .هذه التقنية.
محمود سرور:
"السلام عليكم ورحمة الله وبركاته معاكم محمود سرور عازف الكمان المصري من اعزف دوت كوم.
وهنتكلم النهاردة في الدرس التاني من كورس تعليم الكمانجة طيب تعالو نتكلم في الدرس ده عن إزاي باقدر اطلع صوت من الكمانجة بنمسك الكمانجة آدي مسكة الكمانجة أنا كده مسكت الكمانجة ده الشكل التقليدي لمسكة الكمانجة.
مناخيري لازم تبقى عند البنجق ده الميزان بتاعي أنا ماسك كمانجة بابص مناخيري دي لازم تبقى سهم إلى نقطة راس البنجق أنا كده ماسك الكمانجة بشكل سليم أهو إيه اللي بيساعدني على كده اللي بيساعدني على كده الكتافة.
طب أنا لو شيلت الكتافة دي هيحصل إيه يا اخوانا جيت حطيت الكمانجة كده بصو الكمانجة عملت إزاي يبقى هنا نتكلم عن قيمة الكتافة فيه مستحدثات بتحصل بتفيدنا فلازم نستفيد بيها العلم كل يوم بيتقدم في الجراحة بيحصل فيها تقدم في صناعة الصواريخ صناعة الطيارات مش لغايط النهاردة إحنا بنركب الطيارة الشراعية ف دي حاجة فادتنا جدا الكتافة عشان خاطر نظبط شكل جسمنا من غير معاناة بقدر إن أنا امسك كمانجة من غير معاناة حتى لو أنا سايب إيديا خالص الكمانجة ممسوكة معايا مناخيري عند البنجق ده.
أول حاجة بنتكلم عنها إزاي بمسك كمانجة مناخيري عند البنجق مش هنجيب سيرة الكلام ده تاني خلاص إحنا كده اتفقنا إن أنا لازم نص وشي يبقى ماسك من المشط مراية نص الأوتار بالظبط لغايط البنجق طيب أنا مسكت الكمانجة المسكة السليمة تعالو بقى عايز أبدأ اتعامل معاها أنا خلاص مسكتها أهو جميل أوي طب أنا لو مسكت الكمانجة كده أطلع صوت لأ مش هطلع صوت يبدأ الصوت يطلع.
إزاي الصوت هيطلع لما امسك الكمانجة بالإيد الأولانية طيب الإيد الأولانية دي بتمسك الكمانجة إزاي الخمس صوابع بتوع كف إيدي والجزء ما بين الإبهام والسبابة هو ده اللي بتنزل فيه الكمانجة بس بيبقى صوباعي فوق شوية بحيث يبقى فيه عندي فراغ تحت اقدر إن أنا أيسر بيه العزف إزاي أيسر بيه العزف لو أنا ماسك الكمانجة بالشكل ده أنا خلاص مسكت الكمانجة صح من غير إيدي خالص وعايز ابدأ أتعامل مع الكمانجة فبمسك الكمانجة المسكة الغلط.
تعالو الأول نبدأ بالغلط اللي هي بتريح إيدي أنا خلاص إيدي مرتاحة على الكمانجة طيب أنا لو حبيت اعزف هلاقي في معاناة صوابعي مش مرتاحة في العزف وبعدين لما آجي عايز اتحرك كمان فوق في الكمانجة اعزف فوق لإن الكمانجة مش تحت بس لما آجي اعزف فوق هحتاج إن يبقى فيه فراغ بين الصوباع مايبقاش الإيد لازقة في الرقبة لأ عايز اسيب حتة فراغ من تحت عشان خاطر تيسرلي منها إن أنا إيدي تبقى ماسكة الكمانجة بشكل سليم ومنها إن أنا تديني سهولة في العزف.
طب أنا إيدي دي من تحت بتبقى عاملة إزاي يعني أنا مسكت الكمانجة كده هل ينفع إيدي تبقى عاملة كده عمرك شوفت عازف كمانجة عامل كده مستحيل لأ الكوع ده لازم بيتلم لجوة شوية أنا بألم كوعي بشكل بهذا الشكل عشان خاطر إن أنا اقدر أمسك الكمانجة مسكة صحيحة الكوع بيبقى لجوة شوية.
أنا لما آجي بتعلم الكمانجة بتعلم مسكتها بقدر أشوف المسكة الصح المسكة الصح دي جت بناءا على مماراسات وتجارب ومشاكل واجهت الناس اللي عزفو الآلة وقدروا إن هما يتغلبوا عليها ويحلوا المشاكل دي يذللو الصعاب يعني طب أنا لما عملت كده جيت اطلع فوق لاقيت نفسي إيدي ملوحة لأ يبقى أنا عملت كده عشان أسهل على نفسي إن أنا اقدر اطلع حاجة اسمها البوزوشينات أو الدواتيه أعمل دواتيه فقالك لأ أنا اتعلم إن امسك كمانجة كده من الأول يبقى كوعي كده.
لو كوعي اترسم كده بقيت أنا كده شغال مظبوط ولما ابقى شغال مظبوط لما آجي اتعلم بعد كده اطلع في حاجات مراحل متقدمة ألاقي نفسي المسكة دي اللي عملتها في الأول مريحاني.
إنما لو أنا جيت اتعلمت قولت لأ أنا مرتاح اخلي كوعي برة شوية لما آجي اطلع قدام هلاقي نفسي لو أنا بطلع كوعي بشكل طبيعي جدا بشكل فطري بيبقى واخد الشكل لجوة شوية طيب كده أنا مسكت إيدي الشمال طب عندي بقى عايز أشوف صوابعي ماهو الصوابع دي بقى هي الحكاية ماهو أنا كده لسه ماوصلتش أنا عايزكو تستحملوني شوية لإن هو الموضوع مش سهل إنما احنا عايزين نبسطه الصوابع دي هي اللي هتطلع النغمات الموسيقية.
أنا عندي هنا أربع أوتار بس بس فيهم كل اللي في القانون وممكن كمان أكتر طب إيه يا استاذ محمود هو انت مخبي الأصوات دي لأ مش مخبيهم بس كل حاجة بالتسلسل كل وتر عليه أكتر من تلاتين اربعين صوت يعني كل وتر واحد بيطلع منه اكتر من تلاتين اربعين نغمة أو خمسين أو ستين نغمة لسه هنفهم الكلام قدام تعالو النهاردة نبقى طلعنا من الدرس ده بإن احنا مسكنا الكمانجة بالشكل ده.
المسكة الصحيحة مناخيري قصاد البنجق متوسطة المرايا ده الشكل السليم لمسكة الكمانجة إيدي الشمال الخمس صوابع تجويف يخش في الرقبة سنتي من فوق اتنين سنتي تحت الكوع لجوة شوية لو قدرنا إن احنا نزاكر الوضع ده اللي أنا ماسكه ده امسك كمانجة كده مثلا عشر دقايق وارتاح شوية وعشر دقايق وارتاح شوية.
هبدأ إن أنا اشكل جسمي على المسكة دي أعود جسمي على حاجة جديدة هتبقى ملامسة ليه لإن جسم الإنسان كده مظبوط أنا ماسك كمانجة بغير من شكل جسمي طيب همسك المسكة دي كل يوم كل يوم امسك المسكة دي عشر دقايق واريح خمس دقايق عشر دقايق واريح خمس دقايق لغايط ما شكل الجسم تكوين عضمي يتعود على مسكة الكمانجة.
طب افرض أنا مسكت الكمانجة خمس دقايق وتعبت أنزل الكمانجة فورا مش لازم عشر دقايق ليه لإن العضم بيبدأ يتشكل تشكيل تاني بالشكل ده إحنا هنقدر نيسر إن احنا إزاي نمسك الكمانجة.
إحنا قولنا إنها صعبة إنما إذا انتبهنا مع بعض للشكل اللي أنا بتكلم فيه هنقدر نلاقي نفسنا بنمسك كمانجة بسهولة ويسر ونقدر بعد كدة إن احنا نخش على المرحلة اللي بعد كده."
